ಪೋವೊಂದು ಇತ್ತಿನ ಗಾಡಿಡೇ ಉಸುಲು ಉಂತಾಯಿನ ಒಡಿಪುದ ಮೀನುಗಾರೆ

ಒಡಿಪು : ಮೀನುಗಾರಿಕೆ ಮಲ್ತ್ ಸ್ಕೂಟರ್ ಡ್ ಪಿರವು ಕುಲ್ದು ಇಲ್ಲಗ್ ಪೋವೊಂದು ಉಪ್ಪುನಗ ತಿಗಲೆ ಬೇನೆಡ್ ಮೀನುಗಾರೆ ಒರಿ ತೀರ್ ಪೋಯಿನ ಘಟನೆ ಮಲ್ಪೆ ಕಂಬಳತೋಟ ಜಾಗೆಡ್ ನಡತುಂಡು.

ಮಲ್ಪೆ ಕಂಬಳತೋಟ ನಿವಾಸಿ 32 ವರ್ಷದ ಪ್ರತಾಪ್ ತೀರ್ ಪೋಯಿನ ಮೀನುಗಾರೆ.
ಮೇರ್ ಕಾಂಡೆ ಮೀನುಗಾರಿಕೆ ಮುಗಿತ್ ಅಕ್ಕನ ಮಗೆ ಕಿರಣ್ ಪನ್ಪಿನರೆನ ಸ್ಕೂಟರ್ ಡ್ ಪಿರವು ಕುಲ್ದು ಇಲ್ಲಗ್ ಪೋವೊಂದು ಇತ್ತೆರ್ . ಈ ಪೊರ್ತುಡು ಪ್ರತಾಪ್ ದಿಢೀರ್‌ ಅಸ್ವಸ್ಥೆರಾದ್ ಕಿರಣ್ ನ ಮೈತ ಮಿತ್ತ್ ಬೂರಿಯೆರ್ . ಅಪಗನೆ ಕಲ್ಯಾಣಪುರ ಗೊರಾಠಿ ಆಸ್ಪತ್ರೆಗ್ ಲೆತೊಂದು ಪೋತೆರ್ ಅಲ್ಪರ್ದ್ ಎಚ್ಚದ ಚಿಕಿತ್ಸೆಗ್ ಒಡಿಪು ಹೈಟೆಕ್ ಆಸ್ಪತ್ರೆಗ್ ಲೆತೊಂದು ಬೈದೆರ್ ಆಂಡ ಅಲ್ಪ ತೂಯಿನ ವೈದ್ಯೆರ್ ಪ್ರತಾಪ್ ತೀರ್ ಪೋಯಿನ ಇಚಾರ ತೆರಿಪಾಯೆರ್.