ಕುಡ್ಲ :ಕೋಡೆ ಬಯ್ಯಗ್ ಗೋರಖ್ ಮೂಲತಃ ಮುಂಬೈ ಮೆರೆನ ಗುರ್ಕಾರ್ಮೆದ ಕುಡ್ಲದ ವಿಶೇಷ ಆರ್ಥಿಕ ವಲಯಡ್ ಉಪ್ಪುನ ಶ್ರೀ ಉಲ್ಕ ಎಲ್ ಎಲ್ ಪಿ ಮೀನ್ ಸಂಸ್ಕರಣಾ ಕಂಪೆನಿದ ಕಜವು ಒಟ್ಟು ಮಲ್ಪುನ ತೊಟ್ಟಿ ಡ್ ಬೇಲೆ ಮಲ್ತೊಂದು ಇತ್ತಿನ ಪಶ್ಚಿಮ ಬಂಗಾಳ ಮೂಲದ ಐನ್ ಜನ ಅಕ್ಲೆನ ಪುದರ್ ಇಂಚ ಉಂಡು.1]ಮೊಹಮ್ಮದ್ ಸಮಿಉಲ್ಲಾ ಇಸ್ಲಾಮ್ 2] ಉಮ್ಮರ್ ಫಾರೂಕ್ 3] ನಿಜಾಮುದ್ದೀನ್ ಆಲಿಸ್ , ಮಿರಾಜುಲ್ ಇಸ್ಲಾಂ ಬೊಕ್ಕ ಶರಾಫತ್ ಆಲಿ ನನ ಮೂಜಿ ಜನ ಆಸ್ಪತ್ರೆಡ್ ಮರ್ದ್ ಪಡೆಯೊಂದು ಉಲ್ಲೆರ್ 1] ಹಸನ್ ಆಲಿ 2] ಮೊಹಮ್ಮದ್ ಕರೀಬುಲ್ಲಾ 3] ಹಫೀಜುಲ್ಲಾ .
ಸದ್ರಿ ಕಂಪೆನಿದ ಮಿತ್ತ್ ಕಂಪೆನಿಡ್ ಕೆಲಸ ಬೇಲೆ ಮಲ್ಪುನ ಬೇಲೆ ದಕ್ಲೆಗ್ ಒವ್ವೆ ರಕ್ಷಣಾತ್ಮಕ ಉಪಕರಣ ಕೊರಂದೆ ನಿರ್ಲಕ್ಷ ತೋಜಾಯಿನ bಬಗ್ಗೆ ಬಜಪೆ ಠಾಣಾ ಅ.ಕ್ರ: 52/2೦22 ಕಲಂ:337,338,304 ಒಟ್ಟುಗು 34 ಐಪಿಸಿ ದಲಕ ಪ್ರಕರಣ ದಾಖಲಾತುಂಡು .ಕಂಪನಿದ ಪ್ರೊಡಕ್ಷನ್ ಮ್ಯಾನೇಜರ್ ರೂಬಿ ಜೋಸೆಫ್ ,ಏರಿಯಾ ಮ್ಯಾನೇಜರ್ ಕುಬೇರ್ ಗಾಡೆ,ಬೊಕ್ಕ alpada ಸೂಪರ್ವೈಸರ್ ಮೊಹಮ್ಮದ್ ಅನ್ವರ್ ನ್ ಅಂಚನೆ ಕಂಪನಿದ ಜನಕ್ಲೆನ ಬೇಲೆನ್ ತುವೊಂದು ಇತ್ತಿನ ಕೈತಲ್ ದ ವ್ಯಕ್ತಿ ಫಾರೂಕ್,ಅಜಾದ್ ನಗರ ಉಳ್ಳಾಲ ಪನ್ಪಿನರೆನ್ ವಶಕ್ ಪಡೆದ್ ವಿಚಾರಣೆ ಮಲ್ತೊಂದು ಉಲ್ಲೆರ್ .
ತೀರ್ ಪೋಯಿನಕ್ಲೆನ ಬಗ್ಗೆ ಅಕ್ಲೆನ ಇಲ್ಲದಕ್ಲೆಗ್ ಮಾಹಿತಿ ಕೊರ್ತೆರ್ ,ಪುನನ್ ಕುಡ್ಲದ ಎಜೆ ಆಸ್ಪತ್ರೆದ ಶವಾಗಾರಡ್ ಮರಣೋತ್ತರ ಶವ ಪರೀಕ್ಷೆ ನಡೆಸಿನಡಪಾದ್ ಇಲ್ಲಗ್ ಕೊರ್ದು ದುಂಬುದ ಕಾನೂನು ಕ್ರಮ ದೆತೊನುವ ಪಂದ್ ಪೊಲೀಸ್ ಕಮಿಷ್ನರ್ ಶಶಿಕುಮಾರ್ ಪಂತೆರ್.
Editorial