ದ್ವೀಪ ರಾಷ್ಟ್ರ ಲಂಕಾಡ್ ಬದುಕುನಾoಡಲ ಎಂಚ? 1 ಕೆಜಿ ಪೇರ್ದ ಪೊಡಿತ ಬಿಲೆ 1,900 ರೂಪಾಯಿ!

ಆರ್ಥಿಕ ಸಂಕಷ್ಟಡ್ ಉಪ್ಪುನ ದ್ವೀಪರಾಷ್ಟ್ರವಾಯಿನ ಲಂಕಾಡ್ ತುರ್ತು ಪರಿಸ್ಥಿತಿ ಘೋಷಣೆ ಆಯಿ ಬೊಕ್ಕ ಜನಾಕ್ರೋಶ ಜಾಸ್ತಿ ಆತುಂಡು . ಸೂಕ್ತ ನಿರ್ಧಾರ ದೆತೊನ್ದು ಈ ಕಷ್ಟಗ್ ಪರಿಹಾರ ಕೊರೊಡು ಪಂದ್ ಜನಕುಲು ಸರ್ಕಾರದ ಮಿತ್ತ್ ಭಾರ ಪಾಡೊಂದು ಉಲ್ಲೆರ್.ಶ್ರೀಲಂಕಾಡ್ ಒಂಜಿ ಕೆಜಿ ಅರಿತ ಬಿಲೆ 220 ರೂಪಾಯಿ, ಒಂಜಿ ಕೆಜಿ ಗೋಧಿದ ಬಿಲೆ 190 ರೂಪಾಯಿ. ಅಂಚನೆ ಸಕ್ಕರೆ ಬೊಕ್ಕ ತಾರಾಯಿ ದ ಬಿಲೆ ಜನ ಸಾಮಾನ್ಯೆರೆಗ್ ತೆಡಿಲ್ ಆಕುಲೆಕ ಮಲ್ದುಂಡು . ಒಂಜಿ ಕೆಜಿ ಸಕ್ಕರೆನ್ 240 ರೂಪಾಯಿ, ಒಂಜಿ ಲೀಟರ್ ತಾರಾಯಿದ ಎಣ್ಣೆ 850 ರೂಪಾಯಿ. ಒಂಜಿ ಕೆಜಿ ಪೇರ್ದ ಪೊಡಿ ನ್ 1,900 ರೂಪಾಯಿಗ್ ಮಾರೊಂದು ಉಲ್ಲೆರ್ ಪಂದ್ ವರದಿ ಬೈದುಂಡು.