ನವದೆಹಲಿ, ಎಪ್ರಿಲ್ 09: 2050ರ ಪೊರ್ತುಗು ಕುಡ್ಲ , ಮುಂಬೈ, ಕೊಚ್ಚಿ, ಚೆನ್ನೈ, ವಿಶಾಖಪಟ್ಟಣ ಸೇರಿನಂಚ ದೇಶದ ಕರಾವಳಿ ಭಾಗ ಕಡಲ್ ದ ಪಾಲ್ ಆಯರೇ ಉಂಡು ಪಂದ್ ವರದಿಯೊಂಜಿ ತೆರಿಪಾದುಂಡು .
ಆರ್ಎಂಎಸ್ಐ ಗ್ಲೋಬಲ್ ರಿಸ್ಕ್ ಮ್ಯಾನೇಜ್ಮೆಂಟ್ ಕಂಪನಿ ಈ ವಿಶ್ಲೇಷಣೆ ನಡಪಾದೆರ್.ವಿಶ್ವಸಂಸ್ಥೆದ ಹವಾಮಾನ ಬದಲಾವಣೆದ ಬಗ್ಗೆ ಅಂತರ ಸರ್ಕಾರ ಸಮಿತಿದ (ಐಪಿಸಿಸಿ) 2021 ವರದಿನ್ ವಿಶ್ಲೇಷಣೆ ಪ್ರಕ್ರಿಯೆಡ್ ಬಳಕೆ ಮಲ್ದೆರ್ .
ಚೆನ್ನೈ, ಮುಂಬೈ, ಕೊಚ್ಚಿ, ಕುಡ್ಲ , ವೈಝಾಗ್ ಬೊಕ್ಕ ತಿರುವನಂತಪುರ ಕರಾವಳಿ ಪೇಂಟೆ ನ್ ವಿಶ್ಲೇಷಣೆ ಮಲ್ದೆರ್. ಹೈ-ರೆಸಲ್ಯೂಷನ್ ಡಿಜಿಟಲ್ ರೂಪಡ್ ಭೂಪ್ರದೇಶದ ಮಾದರಿನ್ ಸೃಷ್ಟಿ ಮಲ್ತ್ , ಸಮುದ್ರ ಮಟ್ಟ ಏರಿಕೆ ಮುನ್ನೆಚ್ಚರಿಕೆಲೆನ್ ಆಧಾರ ಆದ್ ದೀಯೊಂದು ವಿಶ್ಲೇಷಣೆ ಮಲ್ದೆರ್ . ಐಪಿಸಿಸಿ ವರದಿದ ಪ್ರಕಾರ, 2050ಕ್ಕ್ ಭಾರತಗ್ ಸಮುದ್ರ ಮಟ್ಟ ಭಾರೀ ಜಾಸ್ತಿ ಆಯರೇ ಉಂಡು .
ಹಿಂದೂ ಮಹಾಸಾಗರದ ಉತ್ತರಡ್ 1874ರ್ದ್ 2004 ಮುಟ ಪ್ರತಿ ವರ್ಷ ಸಮುದ್ರ ಮಟ್ಟ 1.06ರ್ದ್ 1.75 ಮಿ.ಮೀ. ಜಾಸ್ತಿ ಆತುಂಡು . 1993-2017 ಇಸವಿ ಮುಟಲ ಪ್ರತಿ ವರ್ಷ 3.3 ಮಿ.ಮೀ ಜಾಸ್ತಿ ಆತುಂಡು . ಈ ಪ್ರಮಾಣ ನನ ದುಂಬು ಜಾಸ್ತಿ ಆಯರೇ ಉಂಡು ಮುಂಬೈಡ್ ಸುಮಾರು 998 ಕಟ್ಟಡ ಬೊಕ್ಕ 24 ಕಿ.ಮೀ. ಉದ್ದದ ಮಾರ್ಗಗ್ 2050 ಇಸವಿದ ಪೊರ್ತುಡು ಅಪಾಯ ಬರಿಯೆರೆ ಉಂಡು .
pallavi shetty