ಕಾರ್ಲ : ಹಿರ್ಗಾನ ಶ್ರೀ ಕುಂದೇಶ್ವರ ದೇವಸ್ಥಾನಡ್ ವರ್ಷಾವಧಿ ಉಚ್ಚಯದ ಪೊರ್ತುಡು ಬಡಗುತಿಟ್ಟುದ ಮೇರು ಕಲಾವಿದ ರಾಘವೇಂದ್ರ ಮಯ್ಯ ಹಾಲಾಡಿ ಮೆರೆಗ್ ಶ್ರೀ ಕುಂದೇಶ್ವರ ಸಮ್ಮಾನ್-೨೦೨೨ ಪ್ರಶಸ್ತಿ ಪ್ರದಾನ ಮಲ್ತೆರ್ .
ಮಾನಾದಿಗೆ ಸ್ವೀಕಾರ ಮಲ್ತ್ ಪಾತೆರಿನ ಮಯ್ಯ ಮೇರ್ , ನಾಲ್ ದಶಕ ಮುಟ ಸೇವೆ ಮಲ್ತಿನೆಕ್ಕ್ ಉಂದು ತಿಕ್ಕಿನ ಇದು ಮಾಮಲ್ಲ ಮಾನದಿಗೆ ಪಂದ್ ಪಂಡೆರ್ . ಉಂದೆನ್ ನಾರ್ಣಪ್ಪ ಉಪ್ಪರೆರೆಗ್ ಅರ್ಪಣೆ ಮಲ್ಪುವೆ ಪಂದ್ ಪಂಡೆರ್ . ಬಡಗು ತೆಂಕು ಪರಿಭೇದ ಇಜ್ಜಂದೆ ಪ್ರಶಸ್ತಿ ಕೊರ್ದು ಮಾನಾದಿಗೆ ಮಲ್ತಿನವು ಮಾದರಿ. ಪಂದ್ ಪಂಡೆರ್. ಉಂದುವೇ ಪೊರ್ತುಡು ಶ್ರೀಕುಂದೇಶ್ವರ ದೇವೆರ್ನ ಬಗ್ಗೆ ತಾನ್ ರಚನೆ ಮಲ್ತಿನ ಪದ ಪಂಡೆರ್.
ಈ ಪೊರ್ತುಡು ದಿ . ರಾಘವೇಂದ್ರ ಭಟ್ ಮೆರೆನ ಧರ್ಮಪತ್ನಿ ಗಂಗಾ ಆರ್. ಭಟ್, ಧರ್ಮದರ್ಶಿ ಕೃಷ್ಣ ರಾಜೇಂದ್ರ ಭಟ್, ವೇದಮೂರ್ತಿ ರವೀಂದ್ರ ಭಟ್, ಸುಧೀಂದ್ರ ಭಟ್, ಸುಜೇಂದ್ರ ಭಟ್, ರೆಂಜಾಳ ಸೋದೆ ಮಠದ ಧರ್ಮದರ್ಶಿ ಸುಬ್ರಹ್ಮಣ್ಯ ಭಟ್, ಕುಂಜತ್ತೋಡಿ ವಾಸುದೇವ ಭಟ್ ಕದ್ರಿ, ಪ್ರಗತಿಪರ ಕೃಷಿಕ ಸತೀಶ್ ಭಟ್, ಛಾಯಾಗ್ರಾಹಕೆರ್ನ ಸಂಘದ ಉಪಾಧ್ಯಕ್ಷ ಪದ್ಮಪ್ರಸಾದ್ ಜೈನ್, ಉದ್ಯಮಿ ಸಂತೋಷ್ ಕುಮಾರ್ ಜೈನ್ ರೆಂಜಾಳ, ಪಲ್ಲವಿ ಮಯ್ಯ ಪಾಲ್ ಪಡೆದಿತ್ತೆರ್.
pallavi shetty