ಉಳ್ಳಾಲ : ತುದೆಕ್ ಲಾಗಿದ್ ಜೀವ ದೆತ್ತೊನೆರೆ ಯತ್ನ ಮಲ್ತಿನ ಪೊಣ್ಣನ್ ಒರಿಪಾಯೆರೆ ಪೋದು ಆಲ್ನ ದೋಸ್ತಿ ಒರಿ ತೀರ್ ಪೋಯಿನ ಘಟನೆ ಕೋಡೆ (ಶುಕ್ರವಾರ) ರಾತ್ರಿ 10 ಗಂಟೆಗ್ ನಡತುಂಡು .
ಮುನ್ನೂರು ಗ್ರಾಮದ ಸೋಮನಾಥ ಉಳಿಯ ನಿವಾಸಿ ಲಾಯ್ಡ್ ಡಿ.ಸೋಜಾ (28) ತೀರ್ ಪೋಯಿನ ಆಣ್ ಮೆರೆನ ದೋಸ್ತಿ ಅಶ್ವಿತಾ ಫೆರಾವೋ ನ್ ಕೈತಲ್ ದ ಜೀವ ರಕ್ಷಕ ಈಜುಗಾರೆರ್ ರಕ್ಷಣೆ ಮಲ್ದೆರ್ . ಸದ್ಯ ಆರ್ ಖಾಸಗಿ ಆಸ್ಪತ್ರೆಡ್ ಮರ್ದ್ ಪಡೆಯೊಂದು ಉಲ್ಲೆರ್ .
ಕೈತಲ್ ದ ಜೀವ ರಕ್ಷಕೆರಾಯಿನ ಅಶೋಕ್ ಬೊಕ್ಕ ಅಕ್ಲೆನ ಕೂಟ ಅಶ್ವಿತಾನ್ ಒರಿಪಾಯೆರೆ ಯಶಸ್ವಿಯಾತೆರ್ . ಆಂಡ , ಲಾಯ್ಡ್ ಡಿಸೋಜಾ ತುದೆಟ್ ಮುರ್ಕುದು ತೀರ್ ಪೋಯೆರ್.
ಈ ಸಂಬಂಧ ಉಳ್ಳಾಲ ಪೊಲೀಸ್ ಠಾಣೆಡ್ ಪ್ರಕರಣ ದಾಖಲಾತುಂಡು .
pallavi shetty