ನೀರ್ ಪಾಲ್

ಜೀವ ದೆತ್ತೊನೆರೆ ಯತ್ನ ಮಲ್ತಿನ ಪೊಣ್ಣನ್ ರಕ್ಷಣೆ ಮಲ್ಪರೆ ಪೋಯಿನ ಆಣ್ ನೀರ್ ಪಾಲ್

Jan 29, 2022

ಉಳ್ಳಾಲ : ತುದೆಕ್ ಲಾಗಿದ್ ಜೀವ ದೆತ್ತೊನೆರೆ ಯತ್ನ ಮಲ್ತಿನ ಪೊಣ್ಣನ್ ಒರಿಪಾಯೆರೆ ಪೋದು ಆಲ್ನ ದೋಸ್ತಿ ಒರಿ ತೀರ್ ಪೋಯಿನ ಘಟನೆ ಕೋಡೆ (ಶುಕ್ರವಾರ) ರಾತ್ರಿ 10 ಗಂಟೆಗ್ ನಡತುಂಡು .

ಮುನ್ನೂರು ಗ್ರಾಮದ ಸೋಮನಾಥ ಉಳಿಯ ನಿವಾಸಿ ಲಾಯ್ಡ್ ಡಿ.ಸೋಜಾ (28) ತೀರ್ ಪೋಯಿನ ಆಣ್ ಮೆರೆನ ದೋಸ್ತಿ ಅಶ್ವಿತಾ ಫೆರಾವೋ ನ್ ಕೈತಲ್ ದ ಜೀವ ರಕ್ಷಕ ಈಜುಗಾರೆರ್ ರಕ್ಷಣೆ ಮಲ್ದೆರ್ . ಸದ್ಯ ಆರ್ ಖಾಸಗಿ ಆಸ್ಪತ್ರೆಡ್ ಮರ್ದ್ ಪಡೆಯೊಂದು ಉಲ್ಲೆರ್ .

ಕೈತಲ್ ದ ಜೀವ ರಕ್ಷಕೆರಾಯಿನ ಅಶೋಕ್ ಬೊಕ್ಕ ಅಕ್ಲೆನ ಕೂಟ ಅಶ್ವಿತಾನ್ ಒರಿಪಾಯೆರೆ ಯಶಸ್ವಿಯಾತೆರ್ . ಆಂಡ , ಲಾಯ್ಡ್ ಡಿ‌ಸೋಜಾ ತುದೆಟ್ ಮುರ್ಕುದು ತೀರ್ ಪೋಯೆರ್.
ಈ ಸಂಬಂಧ ಉಳ್ಳಾಲ ಪೊಲೀಸ್ ಠಾಣೆಡ್ ಪ್ರಕರಣ ದಾಖಲಾತುಂಡು .

ಸಸಿಹಿತ್ಲು ಬೀಚ್‌ ನೀಂದರೆ ಪೋತಿನ ರಡ್ಡ್ ಜನ ನೀರ್ ಪಾಲ್ ಆಜಿ ಜನತ ರಕ್ಷಣೆ

Jan 10, 2021

ಸುರತ್ಕಲ್ ಕೈತಲ್ ದ ಸಸಿಹಿತ್ಲು ಮುಂಡಾ ಬೀಚ್‌ಡ್ ಐತಾರ ಬೈಯ ಸಮುದ್ರಡ್ ನೀಂದರೆ ಪೋತಿನ ಒಟ್ಟು ಎನ್ಮ ಜನಟ್ ರಡ್ಡ್ ಜನ ನೀರ್ ಪಾಲ್ ಆತೆರ್. ಆಜಿ ಜನನ್ ರಕ್ಷಣೆ ಮಲ್ದೆರ್.

ಮೂಲ್ಕಿ ತೋಕೂರುದ ಸುಂದರ್ (45) ಮೆರ್ನ ಪುನ ತಿಕ್ಕ್ ದುಂಡು ದಾಮೋದರ್(55) ಮೆರ್ನ ಪುನ ನನಲಾ ತಿಕ್ಕಿಜ್ಜಿ ಪಂದ್ ತೆರಿದ್ ಬೈದುಂಡು . ಒಟ್ಟು ನಾಲ್ ಜನ ಆಂಜೊವುಲು ನಾಲ್ಕು ಜನ ಪೊಂಜೊವುಲು ಬೀಚ್ ಗ್ ಬೈದೆರ್ ಸುಮಾರ್ 5-45-6 ಗಂಟೆದ ಪೊರ್ತುಗು ನೀರ್ ಗ್ ಜೈದೆರ್.ಕೈತಲ್ ದಕುಲು ಜಪ್ಪೋಚ್ಚಿ ಪಂಡಲ ಕೇನಂದೆ ಜೈದೆರ್. ಒಂಜಿ ಬಂಜಿನ ಪೊಂಜೊವ್ ಇತ್ತೆರ್ ಪಂದ್ ಲಾ ತೆರಿದ್ ಬೈದುಂಡು.ಸುರತ್ಕಲ್ ಪಿಐ ಚಂದ್ರಪ್ಪ ಬೊಕ್ಕ ಸಿಬಂದಿ ಜಾಗೆಗ್ ಬೈದೆರ್.