ಮುಲ್ಕಿ: ಒಡೆಯರಬೆಟ್ಟು ಶ್ರೀ ಬೊಬ್ಬರ್ಯ ದೈವಸ್ಥಾನಡ್ ವರ್ಷಾವಧಿದ ನೇಮದ ಉಚ್ಚಯದ ಅಂಗವಾದ್ ಕಾಂಡೆ ನವಕಪ್ರಧಾನ ಹೋಮ, ಕಲಶಾಭಿಷೇಕ ನಡತ್ ದ್ ಮಧ್ಯಾಹ್ನ ಅನ್ನಸಂತರ್ಪಣೆ ನಡತ್ಂಡ್.
ಹರೀಶ್ ಗುರಿಕಾರೆರ್, ಲಲಿತ್, ನೀರಜಾಕ್ಷಿ ಅಗರ್ ವಾಲ್ ಅಂಚೆನೆ ಸಮಾಜದ ಗುರಿಕಾರೆರ್ನ ಎದುರು ಪಲ್ಲಪೂಜೆ ನಡತ್ಂಡ್. ಒಡೆಯರಬೆಟ್ಟು ಮೊಗವೀರ ಮಹಿಳಾ ಸಭಾದ ಕಾರ್ಯಕರ್ತೆರ್ ಅನ್ನಪ್ರಸಾದ ಬಳಸುನ ಕೆಲಸೊಡು ಸಕ್ರಿಯವಾದ್ ಪಾಲ್ ಪಡೆಯೆರ್.
ಒಂಜಿ ಸಾರೊರ್ದುಲ ಎಚ್ಚ ಜನ ಅನ್ನ ಸಂತರ್ಪಣೆಡ್ ಪಾಲ್ ಪಡೆದೆರ್.
ಒಡೆಯರಬೆಟ್ಟು ಬೊಮ್ಮಹೌಸ್ ದ ವಿನೋದ ಬೊಕ್ಕ ಸುರೇಶ್ ಗುರಿಕಾರೆರ್ನ ಮಗೆ ವಿಕಾಸ್ ಸುರೇಶ್ ಸುವರ್ಣ, ಬೊಂಬಾಯಿ ಅಂಚೆನೆ ಜಗ್ಗ ಗುರಿಕಾರ ಮನೆ ಪುಷ್ಪ ಬೊಕ್ಕ ಲೋಕನಾಥ್ ಜಿ. ಮೈಂದನ್ ಮೊಕ್ಲೆನ ಪುಲ್ಲಿ ವಿಹಾನಾ ದೀಪಕ್ ಮೈಂದನ್ ಮೊಕುಲು ಅನ್ನಸಂತರ್ಪಣೆ ದ ಸೇವೆನ್ ಒಯಿಸೊಂದೆರ್.
pallavi shetty