ಜನ ನಿರೀಕ್ಷೆ ಮಲ್ಪಂದಿನ ಡಿವೋರ್ಸ್; ರಡ್ಡ್ ಜೋಕುಲ್ ನೊಟ್ಟುಗ್ ಕುಷಿಟ್ ಇತ್ತಿನ ಕಂಡನಿ ಬೊಡೆದಿಗ್ ದಾದಾಂಡ್ ?

ತಮಿಳು ಪಿಚ್ಚರ್ ದ ಸೂಪರ್ ಸ್ಟಾರ್ ತಲೈವಾ ಬೊಕ್ಕ ಧನುಷ್ ಅಭಿಮಾನಿಲೆಗ್ ಕೋಡೆ ಒಂಜಿ ಚೋದ್ಯದ ವಿಷಯ ತನ್ನಾತಿಗೆ ಪಿದಯ್ ಬತ್ತ್ಂಡ್. ಪುಗರ್ತೆದ ನಟೆ ಧನುಷ್ ಅರೆನ ಬೊಡೆದಿ ರಜನಿಕಾಂತ್ ಮೇರ್ ನ ಮಗಲ್ ಐಶ್ವರ್ಯಾ ಗ್ ಡಿವೋರ್ಸ್ ಕೊರ್ಪಿನ ವಿಚಾರನ್ ಅಂತರ್ಜಾಲಡ್ ತೆರಿಪಾದೆರ್. ಇಂದು ಅಕ್ಲೆನ ಅಭಿಮಾನಿಲೆಗ್ ಒಂಜಿ ಚೋದ್ಯದ ಅಂಚನೆ ಬೇಜಾರ್ ದ ಸಂಗತಿ ಆತ್ಂಡ್.

18 ವರ್ಷದ ಪಿರವು ಮೋಕೆ ಮಲ್ತ್ ದ್, ಧನುಷ್ ಬೊಕ್ಕ ಐಶ್ವರ್ಯ ನವೆಂಬರ್ 18, 2004 ಕ್ಕ್ ಮದಿಮೆ ಆತೆರ್. ತಮಿಳ್ ಪಿಚ್ಚರ್ ದ ಸೂಪರ್ ಸ್ಟಾರ್ ರಜನಿಕಾಂತ್ ಮೆರ್ನ ಮಗಲ್ ನಟೆ ಧನುಷ್ ಒಟ್ಟುಗ್ ದಾಂಪತ್ಯ ಜೀವನಗ್ ಕಾರ್ ದೀತಿನವ್ ಮಲ್ಲ ಸುದ್ದಿಯೇ ಆದಿತ್ತ್ಂಡ್.

ಧನುಷ್ ಅಭಿನಯ ಮಲ್ತಿನ ಕಾದಲ್ ಕೊಂಡೈನ್ ಪಿಚ್ಚರ್ ನ್ ತೂದ್ ಐಶ್ವರ್ಯ ಫಿದಾ ಆದಿತ್ತೆರ್. ಈ ಚಿತ್ರ ತಮಿಳ್ ಚಿತ್ರರಂಗಡ್ ಮಾಮಲ್ಲ ಪುಗರ್ತೆನ್ ಪಡೆದಿತ್ತ್ಂಡ್. ಇಂಚಾದ್ ಈ ಪಿಚ್ಚರ್ ನ್ ತೂಯರೇ ರಜನಿಕಾಂತ್ ನ ಮಗಲ್ ಐಶ್ವರ್ಯ ಬತ್ತಿತ್ತೆರ್. ಈ ಪಿಚ್ಚರ್ ನ್ ತೂಯಿ ಬೊಕ್ಕ ಧನುಷ್ ನ ಅಭಿನಯ ಐಶ್ವರ್ಯಾ ಗ್ ಮಸ್ತ್ ಇಷ್ಟ ಆದಿತ್ತ್ಂಡ್ ಅಂಚನೆ ಈ ಪಿಚ್ಚರ್ ನ್ ತೂಯಿ ಬೊಕ್ಕನೇ ಐಶ್ವರ್ಯಗ್ ಧನುಷ್ ನ ಮಿತ್ತ್ ಮೋಕೆ ಬತ್ತ್ಂಡ್ ಪಂದ್ ಪನ್ಪೆರ್.

ಈ ವಿಷಯನ್ ತೆರಿನಂಚಿನ ರಜನಿಕಾಂತ್ ತನ್ನ ಮಗಲೆನ್ ಆಯಿನಾತ್ ಬೇಗ ಧನುಷ್ ಗ್ ಕೊರ್ದ್ ಮದ್ಮೆ ಮಲ್ಪರೆ ತೀರ್ಮಾನ ಮಲ್ತೆರ್. ಧನುಷ್ ಗ್ ಮದಿಮೆ ಆನಗ 21 ವರ್ಷ ಆದಿತ್ತ್ಂಡ್. ಅಂಚನೆ ಐಶ್ವರ್ಯ ಗ್ 23 ವರ್ಷ. ತನ್ನ ಮಗಲೆಡ್ದ್ ರಡ್ಡ್ ವರ್ಷಗ್ ಆನು ಎಲ್ಯ ಇತ್ತ್ಂಡಲ ರಜನಿಕಾಂತ್ ಈ ಮದಿಮೆಗ್ ಒಪ್ಪಿಯೆರ್. ಅಂಚನೆ ಭಾರೀ ಗೌಜಿಡ್ ಮದಿಮೆಲ ಆಂಡ್. ಮುಕ್ಲೆಗ್ ಯಾತ್ರ ಬೊಕ್ಕ ಲಿಂಗ ಪನ್ಪಿನ ರಡ್ಡ್ ಆನು ಜೋಕುಲ್ ಉಲ್ಲೆರ್.

ಅಂದ್.. ಇತ್ತೆ ‘ಸೂಪರ್ ಸ್ಟಾರ್’ ರಜನಿಕಾಂತ್ ನ ಮಲ್ಲ ಮಗಲ್ ಐಶ್ವರ್ಯಾ ಅಂಚನೆ ನಟೆ ಧನುಷ್ ಮುಕ್ಲೆನ ದಾಂಪತ್ಯ ಜೀವನಗ್ ಇತ್ತೆ ಮುಗಿತಲ ಬೂರೊಂದ್ ಉಂಡ್ ಪನ್ಪಿನವ್ ಸುದ್ದಿಯಾತ್ಂಡ್. ಸೋಮಾರದಾನಿ ಕತ್ತಲೆಗ್ ತನ್ನ ಟ್ವಿಟರ್‌ ಖಾತೆದ ಮುಖೇನ ಈ ವಿಚಾರನ್ ಸ್ವತಃ ಧನುಷ್ ತೆರಿಪಾದೆರ್.

’18 ವರ್ಷಡ್ದ್ ದೋಸ್ತಿಲೆಕ, ದಂಪತಿಲೆಕ, ಪೋಷಕೆರ್ ಲೆಕ್ಕ ಇತ್ತ್ ದ. ನಮ್ಮ ಒಂಜಿ ಬದ್ ಕ್ ಸಾದಿ ಬೆಳವಣಿಗೆ, ತಿಳುವಳಿಕೆ, ಹೊಂದಾಣಿಕೆಡ್ದ್ ಕೂಡ್ ದಿತ್ತ್ಂಡ್. ಇನಿ ನಮ ನಮ್ಮ ಸಾದಿನ್ ಬೇತೆ ಬೇತೆ ಮಲ್ಪಿನ ವಿಚಾರೊಗ್ ಬತ್ತ್ ದ್ ಉಂತುದ. ಜೋಡಿಲಾಯಿನ ನಮ ಬೇತೆ ಬೇತೆಯಾದ್ ಬೊಕ್ಕ ನಮ್ಮನ್ ನಮ ನಾನಾತ್ ತೆರಿಯರ ಬೋಡಾದ್ ಯಾನ್ ಬೊಕ್ಕ ಐಶ್ವರ್ಯ ನಿರ್ಧರಿಸಾದ. ದಯದೀದ್ ನಮ್ಮ ನಿರ್ಧಾರನ್ ಗೌರವಿಸಾದ್ ಬೊಕ್ಕ ಉಂದೆನ್ ನಿಭಾಯಿಸಾವುನ ಗೌಪ್ಯತೆನ್ ಕೊರ್ಲೆ. ಓಂ ನಮಃ ಶಿವಾಯ’ ಪಂದ್ ಟ್ವಿಟರ್ ಡ್ ಧನುಷ್ ಬರೆದಿತ್ತೆರ್.

ಧನುಷ್ ಟ್ವೀಟ್ ಮಲ್ತಿನ ಪೋಸ್ಟ್ ನ್ ಐಶ್ವರ್ಯ ಶೇರ್ ಮಲ್ತ್ ದ್, ಉಂದೆಕ್ಕ್ ಒವ್ವೆ ರೀತಿದ ಕ್ಯಾಪ್ಷನ್ ಬೊಡುಂದ್ ಇಜ್ಜಿ. ನಿಕ್ಲೆನ ಪ್ರೀತಿ ಮಾತ್ರ ಅಗತ್ಯ ಪಂದ್ ಬರೆತ್ತೆರ್.

ಕರೀನ ವರ್ಷಡ್ ಆಮಿರ್ ಖಾನ್ ಬೊಕ್ಕ ಕಿರಣ್ ರಾವ್ ಅಂಚನೆ ಸಮಂತಾ-ನಾಗ ಚೈತನ್ಯ ಮುಕ್ಲೆನ ಡಿವೋರ್ಸ್ ಘೋಷಣೆ ಆದಿತ್ತ್ಂಡ್. ಈ ವರ್ಷ ಅಕ್ಲೆನೊಟ್ಟುಗ್ ನಟೆ ಧನುಷ್ ಸೇರ್ಪಡೆಯಾತೆರ್. ಧನುಷ್ ಬೊಕ್ಕ ಐಶ್ವರ್ಯಾ ಮದಿಮೆದ ದಾಂಪತ್ಯ ಜೀವನಗ್ ಇತ್ತೆ ಮುಗಿತಲ ಮಲ್ತ್ ದೆರ್ ಪಂದ್ ಸುದ್ದಿಯಾತ್ಂಡ್. ಮಗಲ್ ನ ಡಿವೋರ್ಸ್ ದ ಬಗ್ಗೆ ಚರ್ಚೆ ಆದಿತ್ತ್ಂಡಲ ತಲೈವೆರ್ನ ಮೌನ ದಾಯೆ ಆತೆರ್ ಪನ್ಪಿನವ್ ಜನಕ್ಲೆಗ್ ಪ್ರಶ್ನಾರ್ಥಕ ಚಿಹ್ನೆಯಾದ್ ಒರಿದ್ಂಡ್.

Tamil star Danush and Aishwarya part ways after 18 years of marriage:

Noted star of Tamil cinema Danush and Aishwarya daughter of super star Rajanikant have separated after 18 years of marriage.This has come as a shock to both Danush and Rajnikant fans.

This was announced by Danush in his twitter handle- ” 18 years after being friends, couple, parents, the journey has been of growth, adjustment, adapting. Today we stand on a path where we seprate and move on”.

Super star Rajanikant has been silent on the issue. The couple have two children.