ಬೆಂಗ್ಳೂರ್, ಡಿ.06: ರಾಜ್ಯಡ್ ಒಮಿಕ್ರಾನ್ ವೈರಸ್ ಕಾರ್ ದೀತಿನೆಡ್ದ್ ಬೊಕ್ಕ, ಪೋಷಕೆರ್ ಜೋಕ್ಲೆನ್ ಶಾಲೆಗ್ ಕಡಪುಡ್ರ ಪೋಡಿಯೊಂದುಲ್ಲೆರ್. ಉಂದುವೇ ಪೊರ್ತುಡ್ ಕೊರೋನಾ ಎಚ್ಚ ಆಂಡ ಶಾಲೆ ಬಂದ್ ಮಲ್ಪೊಡಾಪುಂಡ್ ಪಂದ್ ಪ್ರಾಥಮಿಕ ಬೊಕ್ಕ ಪ್ರೌಢ ಶಿಕ್ಷಣ ಸಚಿವೆರ್ ಬಿ.ಸಿ ನಾಗೇಶ್ ತೆರಿಪಾಯೆರ್.
ವಿಧಾನಸೌಧಡ್ ಇನಿ ಸುದ್ದಿಗಾರೆರ್ನೊಟ್ಟುಗ್ ಪಾತೆರ್ದಿನ ಆರ್, ರಾಜ್ಯಡ್ ಕೊರೋನಾ ಸೀಕ್ ದ ಬಗೆಟ್ ತಜ್ನೆರ್ದ್ ಪ್ರತಿ ದಿನಲ ವರದಿನ್ ಪಡೆಯೊಂದುಲ್ಲ. ಕೋವಿಡ್ ಸೀಕ್ ದ ತೀವ್ರತೆನ್ ಆಧರಿಸಾದ್, ಶಾಲಾ-ಕಾಲೇಜು ಬೊಕ್ಕ ಬಂದ್ ಮಲ್ಪಿನ ಬಗ್ಗೆ ತೀರ್ಮಾನ ಮಲ್ಪರಾಪುಂಡ್ ಪಂದ್ ಪಂಡೆರ್.
ಸದ್ಯಗ್ ತಜ್ನೆರ್ ಕೊರ್ಪಿನ ವರದಿದ ಪ್ರಕಾರ ಯೆರ್ಲಾ ಪೋಡಿನಾತ್ ಕೊರೊನಾ ಸೀಕ್ ಇಜ್ಜಿ ಇತ್ತೆ. ಕೊರೊನಾ ಸೀಕ್ ನ್ ತೂದ್
ದುಂಬುದ ದಿನಟ್ಟ್ ಸರಿಯಾಯಿನ ತೀರ್ಮಾನ ಮಲ್ಪರಾಪುಂಡ್. ಮುಖ್ಯಮಂತ್ರಿಲು, ತಾಂತ್ರಿಕ ಸಲಹಾ ಸಮಿತಿ ಸದಸ್ಯೆರ್ನೊಟ್ಟುಗ್ ಎಪಲ ಮಾಹಿತಿನ್ ಕೆನೊಂದುಲ್ಲೆರ್. ರಾಜ್ಯಡ್ ಇತ್ತೆ ಕೊರೋನಾ ಆತ್ ದಾಲ ಇಜ್ಜಿ. ಪೋಷಕೆರ್ ಪೋಡ್ಯರ ಬಲ್ಲಿ ಪಂದ್ ಪಂಡೆರ್.
pallavi shetty