ಬೆಂಗ್ಳೂರು :ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಒಟ್ಟು ಸೇರಿಗೆಡ್ ಬೆಂಗ್ಳೂರುದ ತುಳು ಸಂಘ ಸಂಸ್ಥೆದ ಸಾಕರಡ್ ಡಿಸೆಂಬರ್ 18ಗ್ ಬೆಂಗಬೆಂಗ್ಳೂರುದ ರವೀಂದ್ರ ಕಲಾಕ್ಷೇತ್ರಡ್ ನಡಪರೇ ಉಪ್ಪುನ “ತುಳುವ ಐಸಿರ-2021” ಸಾಂಸ್ಕೃತಿಕ-ಸಾಹಿತ್ಯಿಕ-ಸಾಧಕರ ಕಲಾ-ಸಂಸ್ಕೃತಿ-ಸಾಂಸ್ಕೃತಿಕ ವೈಭವದ ಲೇಸ್ ನ್ ಧರ್ಮಸ್ಥಳದ ಧರ್ಮಾಧಿಕಾರಿ ಡಾ. ಡಿ. ವೀರೇಂದ್ರ ಹೆಗ್ಗಡೆರ್ ಉದಿಪನ ಮಲ್ಪರೆ ಉಲ್ಲೆರ್.
ಪಂದ್ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಗುರ್ಕಾರ್ಲಾಯಿನ ದಯಾನಂದ ಜಿ. ಕತ್ತಲ್‌ಸಾರ್ ಪಂಡೆರ್.ಮೇರ್ ಬೆಂಗ್ಳೂರುದ ಕನ್ನಡ ಬೊಕ್ಕ ಸಂಸ್ಕೃತಿ ಇಲಾಖೆದ ಅಂತರಂಗ ಚಾವಡಿಡ್ ಬೆಂಗ್ಳೂರುದ ಬೇತೆ ಬೇತೆ ಸಂಘ ಸಂಸ್ಥೆದ ಬೊಕ್ಕ ತುಳು ಭಾಷಾಭಿಮಾನಿಲೆನ ಒಟ್ಟುಗು ತುಳುವ ಐಸಿರ-2021 ನೆತ್ತ ಪೂರ್ವ ಭಾವಿ ಸಭೆತ ಗುರ್ಕಾರ್ಮೆ ವಹಿಸ್ದ್ ಲೇಸ್ ದ ಬಗ್ಗೆ ಮಾಹಿತಿ ಕೊರಿಯೆರ್.
ಕಾಂಡೆ 9 ಗಂಟೆರ್ದ್ ರಾತ್ರಿ 9 ಗಂಟೆ ಮುಟ ನಡಪರೇ ಉಂಡು ಈ ಲೇಸ್ ಡ್ ಸಚಿವೆರ್ , ಸಂಸದೆರ್ , ಶಾಸಕೆರ್ ಅಂಚನೆ ಮಲ್ಲ ಮಲ್ಲ ಗಣ್ಯೆರ್ ಪಾಲ್ ಪಡೆಯೆರೆ ಉಲ್ಲೆರ್.ಈ ಸಭೆಟ್ ಡಾ.ಕೆ.ಸಿ.ಬಲ್ಲಾಳ್, ಬಿ.ಎನ್.ಹೆಗ್ಡೆ, ನಿಧೀಶ್ ಶೆಟ್ಟಿ, ವಿಶ್ವನಾಥ ಶೆಟ್ಟಿ ಪಳ್ಳಿ, ಜಯಪ್ರಸಾದ್, ರಂಜನ್ ಎಸ್.ವೈ, ಅಜಿತ್ ಹೆಗ್ಡೆ, ಕೆ.ಎನ್.ಅಡಿಗ, ಎನ್.ನಟರಾಜ್, ಪುರುಷೋತ್ತಮ ಚೇಡ್ಲಾ, ಬಿ.ಮಾಧವ ಕುಲಾಲ್, ಡಾ.ರಾಮಕೃಷ್ಣ ಕುಲಾಲ್ ಪಾಲ್ ಪಡೆದಿತ್ತೆರ್ .
ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಲೇಸ್ ದ ಸದಸ್ಯೆ ಸಂಚಾಲಕಿ ಕಾಂತಿ ಶೆಟ್ಟಿ ಬೆಂಗ್ಳೂರು ಎದುಕೊಂಡೆರ್ ,.
niriksha