ಪೆರ್ಮೆದ ಕಲ್ಪಾದಿಲು

ಭಾಗ್ಯ ಪನ್ಪಿನ ಉಂದುವೆ

ಸೇವೆ ಮಲ್ಪುನ ಭಾಗ್ಯ

ತುಲುವ ನಾಡ್‌ದ ಲಿಪಿನ್

ಊರೊರ್ಮೆ ಪಟ್ಟುನ ಭಾಗ್ಯ

ತುಲು ಬಾಷೆಗ್ ಮಾನದಿಗೆ
ಕೊರ್ಪಾರೆ ಪಿದಾಡ್ದಿನಕುಲು
ಇರ್ಲ್ ಪಗೆಲ್ ಒಂಜಿ ಮಲ್ತುದು
ಐಕಾದ್ ಬೆನ್ನಿ ಬೆನ್ಪಿನಕುಲು

*ಪನ್ಪೆರ್ ಕೆಲವೆರ್ ಮೊಕುಲು ಮಲ್ಪರೆ*
*ದಾಲ ಬೇಲೆ ಇಜ್ಜಂದಿನಕುಲು*
*ಆಂಡ ತೆರಿದಿನಕುಲು ಎಂಕುಲು*
*ತುಲುವಪ್ಪೆಡ್ದ್ ಮಲ್ಲ ದಾಲ ಇಜ್ಜಿ ಪಂದು*

*ಏರ್ ಕೊಂಗಿ ಕಟ್‌ದ್ ತೆಲಿಪುವೆರ*
*ಏರ್ ಕಾರ್ ಅಡ್ಡ ದೀದ್ ಮರಪುವೆರ*
*ಕಲ್ಪಾದಿನ ನಿಯತ್ತ್ ಪುಡಮಿ ಅಪ್ಪೆಗ್*
*ಅಲೆನ ಕನನೀರ್ ಒಚ್ಚುನ ಕಜ್ಜೊಗ್*

*ಮೆಚ್ಚುವರ ಅತ್ತ್ ನೋಪುವರ*
*ಎಂಕಲ್ನ ಸಾದಿ ಎಂಕುಲು ಬುಡ್ಪುಜ*
*ಅಪ್ಪೆನ್ ಮೆರೆಪಾವುನ ಸಂಕಲ್ಪುಡ್ದ್*
*ಎಂಕುಲು ಏಪಲಾ ಪಿರ ಜಾರುಜ*

✍️ಗೀತಾ ಲಕ್ಷ್ಮೀಶ್