ಕುಡ್ಲ: ಪಾರ್ಟಿ ಮಲ್ಪಿನ ಪೊರ್ತುಡ್ ದೋಸ್ತಿಲೆನ ನಡುಟ್ ಲಡಾಯಿ

ಕುಡ್ಲ, ಅ.16: ದಸರಾ ಪಾರ್ಟಿದ ಪೊರ್ತುಡ್ ದೋಸ್ತಿಲೆನ ನಡುಟ್ ಲಡಾಯಿಡ್ ಕೆರ್ದ್, ಒರಿ ತೀರ್ ಪೊಯಿನ ಘಟನೆ ಕುಡ್ಲದ ಸಾಯಿ ಪ್ಯಾಲೇಸ್ ಲಾಡ್ಜ್ ಡ್ ನಡತ್ಂಡ್. ಧನುಷ್ (20) ತೀರ್ ಪೊಯಿನ ಜಾವನ್ಯೆ.

ಘಟನೆದ ವಿವರ:

ತಾರೀಕ್ 15-10-2021ನೇ ಶುಕ್ರಾರದಾನಿ ದಸರಾ ಪರ್ಬೊದ ಲೆಕ್ಕಡ್ ಪಾರ್ಟಿ ಮಲ್ಪಿನ ಉದ್ದೇಶಡ್ ಪಂಪವೆಲ್ ದ ಕೈತಲ್ ಉಪ್ಪುನ ಲಾಡ್ಜ್ ಒಂಜೆಕ್ಕ್  ಪ್ರಮೀತ್, ಜೇಸನ್, ಕಾರ್ತೀಕ್, ಧನುಷ್, ದುರ್ಗೇಶ್ ಬೊಕ್ಕ ಪ್ರಜ್ವಲ್ ಪೊದಿತ್ತೆರ್. ಕತ್ತಲೆಗ್ 2 ಗಂಟೆಗ್ ಜೇಸನ್ ಸುರತ್ಕಲ್ ಬೊಕ್ಕ ಧನುಷ್ ಮುಕ್ಲೆನ ನಡುಟ್ ಲಾಡಯಿ ಆದ್, ಜೇಸನ್ ಸುರತ್ಕಲ್ ಆಯೆಡ ಇತ್ತಿನ ಆಯುಧಡ್ ಧನುಷ್ ಗೆ ಚುಚ್ಚ್ ದೆರ್. ಮಸ್ತ್ ಗಾಯ ಆಯಿನೆಡ್ದಾವರ ಧನುಷ್ ನ್ ಇಂಡಿಯಾನ ಆಸ್ಪತ್ರೆಗ್ ಮರ್ದ್ ಮಲ್ಪರ ಪಂದ್ ಕೊನನಗ ತೀರ್ ಪೊತೆರ್.