ಜೋಡು ನಂದಾದೀಪ  ತುಳುಭಕ್ತಿ ಸುಗಿಪುದ ಪಿರವುಡು ಬೆಂತಿನ ಕೂಟದಕ್ಲೆಗ್ ಶ್ರೀ ಕ್ಷೇತ್ರ ಗೆಜ್ಜೆಗಿರಿತ ಕ್ಷೇತ್ರಾಡಳಿತದ ಪರವಾದ್ ಮಾನದಿಗೆ

ಗೆಜ್ಜೆಗಿರಿ : 07 / 10/2021 ತಾರಿಕ್ ಗ್ ಶ್ರೀ ಕ್ಷೇತ್ರ ಗೆಜ್ಜೆಗಿರಿತ ಕಾರ್ನಿಕಶಕ್ತಿಲಾಯಿನ ಶ್ರೀ ಕೋಟಿ ಚೆನ್ನಯೆರೆನ್ ಪಾದೊಗು ಅರ್ಪಣೆಯಾಯಿನ   *ಜೋಡು ನಂದಾದೀಪ* ಪನ್ಪಿನ ತುಳುಭಕ್ತಿ ಸುಗಿಪುಗ್ ಸುತ್ತ ನಾಲೂರುಡು ಬಾರೀ ಪುಗಾರ್ತೆ ತಿಕ್ ದ್0ಡ್, ಈ ನಿಲೆಟ್ ಶ್ರೀ ಕ್ಷೇತ್ರ ಗೆಜ್ಜೆಗಿರಿತ ಕ್ಷೇತ್ರಾಡಳಿತ ಸಮಿತಿದ ಪರವಾದ್ ಈ ತುಳು ಭಕ್ತಿ ಸುಗಿಪುಗು ಬೆಂತಿನ ಕೂಟಗ್ ಶ್ರೀ ಕ್ಷೇತ್ರ ಗೆಜ್ಜೆಗಿರಿಟ್ ಇನಿ  ಮಾನದಿಗೆ ಲೇಸ್  ನಡತ್0ಡ್.

ಈ ಸಂಧರ್ಭ ಲೇಸ್ಡ್ ಪಾಲ್ ಪಡೆಯಿನ  ಸಾಹಿತ್ಯ ರಚನೆ ಮಂತಿನ  ರೇಣುಕಾ ಕಣಿಯೂರು, ಪದ ಪಂತಿನ ಗುಣಪ್ರಸಾದ್ ಕುಕ್ಕಟ್ಟೆ ಗ್ರೀಷ್ಮ ಕಟೀಲ್ ಗ್ ಅಂಚನೆ ಸಂಕಲನ ಮಂತಿನ ರಾಜೇಶ್ ಭಂಡಾರಿ ಮುಕುಲೆಗ್ ಮಾನದಿಗೆ ನಡತ್0ಡ್.ಅಟೋ ಕಾರ್ಸ್ ಕುಡ್ಲ ನಿರ್ಮಾಣದ, ಹರೀಶ್ ಅಂಚನ್ ಉಂಬೇರೆನ ಸಹನಿರ್ಮಾಣಡ್ ಮೂಡುದ್ ಬತ್ತಿನ ಈ ಸುಗಿಪು  ಕಾರ್ತಿಕ್ ರಾಜ್  ಕಾಜಿಲನ ಪ್ರಚಾರಕಲೆಟ್, ಅಕ್ಷಯ್ ಮೂಡಬಿದ್ರೆನ ಛಾಯಾಗ್ರಹಣದ ಒಟ್ಟು ಸೇರಿಗೆಡ್ ,  Gp Creations ಯುಟ್ಯೂಬ್ ಚಾನೆಲ್ ಡ್ ಬುಡುಗಡೆ ಆತಿನ ಈ  ಪದೊ ಸರ್ವೆರೆನ ಬೆರಿಸಾಯಡೊ ಪುಗಾರ್ತೆ ಪಡೆತ್0ಡ್ , ಸಕಾಯ ಕೊರ್ನ ಮಾತೆರೆಗ್ಲಾ ಜೋಡು ನಂದಾದೀಪ ಕೂಟದ ಪರವಾದ್ ಸೊಲ್ಮೆಲು.