ಕೋಟ, ಅ.5: ಕೋಟದ ಗ್ರಾಮೀಣ ಭಾಗಡ್ ಕರೀನ 24 ವರ್ಷಡ್ದಿಂಚಿ ಸಾಮಾಜಿಕ, ಕಲಾಕ್ಷೇತ್ರ ಇಂಚ ಬೇತೆ ಬೇತೆ ಕ್ಷೇತ್ರಡ್ ಸಾಧನೆ ಮಲ್ತಿನ ಸಾಧಕೆರೆಗ್ ನವೆಂಬರ್ 1 ಕ್ ಕೋಟಡ್ ಕನ್ನಡ ರಾಜ್ಯೋತ್ಸವ ಲೇಸ್ ನ್ ಅಟ್ಟನೆ ಮಲ್ತೊಂದು ಬತ್ತುದೆರ್. ಇಂಚಾದ್ ಈ ಸಲಿ ಅಸ್ವಸ್ಥೆರ್ ಅಂಚನೆ ಸೀಕ್ ಡ್ ಇತ್ತಿನ ಕುಟುಂಬಲೆಗ್ ಪಣವು ನ್ ಕೊರ್ಪಿನ ರವಿ ಕಟಪಾಡಿ ಮೇರ್ ಈ ಸರ್ತಿದ ಪಂಚವರ್ಣ ರಾಜ್ಯೋತ್ಸವ ಪ್ರಶಸ್ತಿಗ್ ಆಯ್ಕೆಯಾತೆರ್.
ನವೆಂಬರ್ 1 ಕ್ ಕೋಟದ ವರುಣತೀರ್ಥಕೆರೆ ಕೈತಲ್ ಅಮೃತೇಶ್ವರಿ ದೇವಸ್ಥಾನದ ಪಾರ್ಕಿಂಗ್ ಜಾಗೊಡ್ ಪ್ರಶಸ್ತಿ ಕೊರ್ಪಿನ ಲೇಸ್ ನಡಪುಂಡ್. ಸಚಿವ ಕೋಟ ಶ್ರೀನಿವಾಸ ಪೂಜಾರಿ ಈ ಪ್ರಶಸ್ತಿಗ್ ಕೊರ್ರೆ ಉಲ್ಲೆರ್ ಪಂದ್ ಸಂಘಟಕೆರ್ ಪ್ರಕಟಣೆಡ್ ತೆರಿಪಾದೆರ್.
pallavi shetty