ಮುಲ್ಕಿ : ಇತಿಹಾಸೊಡು ಪುಗರ್ತೆ ಪಡೆದಿನ ಐಕಳ ಕಾಂತಾಬಾರೆ ಬೂದಬಾರೆ ೪೪ ನೇ ವರ್ಸದ ಕಂಬುಲೊನು ಅಂತಾರಾಷ್ಟ್ರೀಯ ಮಟ್ಟದ ವಾಸ್ತುತಜ್ಞೆರ್ ಶ್ರೀ ಚಂದ್ರಶೇಖರ ಸ್ವಾಮೀಜಿ ಶನಿಯಾರ ಉದಿಪನ ಮಲ್ತೆರ್.
ಐಕಳ ಬಾವ ಇಲ್ಲದ ಬೆಳಪು ದೇವಿ ಪ್ರಸಾದ್ ಶೆಟ್ರೆನ ಮುತಾಲಿಕೆಡ್ ನಡತಿನ ಕಂಬುಲೊಡು ನೂದೆರ್ದಲ ಎಚ್ಚ ಜತೆ ಎರ್ಲು ಪಾಲ್ ಪಡೆದಿತ್ತ.
ಲೇಸ್ ದ ಬಿನ್ನೆರಾದ್ ಚಂದ್ರಶೇಖರ ಸ್ವಾಮೀಜಿನ ಧರ್ಮಪತ್ನಿ ರಜನಿ ಚಂದ್ರಶೇಖರ ಸ್ವಾಮೀಜಿ , ಅಪ್ಪೆ ಶಾರದಮ್ಮ,ಮಗಳ್ ಪೂಜಾ ಚಂದ್ರಶೇಖರ್ ಸ್ವಾಮೀಜಿ, ಜಾಗತಿಕ ಬಂಟೆರ್ನ ಸಂಘದ ಒಕ್ಕೂಟದ ಗುರ್ಕಾರ್ಲು ಐಕಳ ಹರೀಶ್ ಶೆಟ್ರ್, ಅದಾನಿ ಕಂಪೆನಿದ ಕಿಶೋರ್ ಆಳ್ವ, ಧರ್ಮದರ್ಶಿ ಹರಿಕೃಷ್ಣ ಪುನರೂರು, ಧಾರ್ಮಿಕ ಪರಿಷತ್ ಸದಸ್ಯೆರ್ ಭುವನಾಭಿರಾಮ ಉಡುಪ,ಗಣೇಶ್ ಭಟ್ ಏಳಿಂಜೆ, ಮಧು ಆಚಾರ್,
ಮುಲ್ಕಿ ಅರಸು ಕಂಬಳ ಸಮಿತಿದ ಗುರ್ಕಾರ್ಲು ರಾಮಚಂದ್ರ ನಾಯಕ್, ಜಿಲ್ಲಾ ಕಂಬುಲ ಸಮಿತಿದ ಪಿ.ಆರ್.ಶೆಟ್ಟಿ, ಮಾಜಿ ಸಚಿವೆರ್ ಅಭಯಚಂದ್ರ ಜೈನ್, ಜಿಲ್ಲಾ ಯುವ ಕಾಂಗ್ರೆಸ್ ಅಧ್ಯಕ್ಷೆರ್ ಮಿಥುನ್ ರೈ , ಗ್ರಾಪಂ ಸದಸ್ಯೆ ಅನಿತಾ ಡಿಕೋಸ್ಟ ಮೊಕುಲು ಮಾತ ಇತ್ತೆರ್.ಈ ಪೊರ್ತುಡು ಕಂಬುಲದ ಸಾಧಕೆರಾಯಿನ ಗೋಪಾಲಕೃಷ್ಣ ಪ್ರಭು ಸುರತ್ಕಲ್, ಎರು ಗಿಡಪುನೆಟ್ಟ್ ಪುದರ್ ಪಡೆಯಿನ ಶ್ರೀನಿವಾಸ ಗೌಡ ಅಶ್ವಥಪುರ, ಸುರೇಶ್ ಶೆಟ್ಟಿ ಹೊಕ್ಕಾಡಿಗೋಳಿ, ಪಣಪಿಲ ಪ್ರವೀಣ್ ಕೋಟ್ಯಾನ್, ಜಿಪಂ ಸದಸ್ಯೆರ್ ವಿನೋದ್ ಕುಮಾರ್ ಬೊಳ್ಳೂರು, ಸಮಾಜ ಸೇವಕೆ ರವಿ ಕಟಪಾಡಿ, ಬಿನ್ನೆರೆನ್ ಆತಿಥ್ಯ ಮಲ್ಪುನ ಸುಗುಣಾ, ಪಂಚಾಯ್ತಿ ಸದಸ್ಯೆ ದಯೇಶ್, ಆಶಾಲತಾ ಶೆಟ್ಟಿ, ದಿವಾಕರ ಚೌಟ ಮೊಕಲೆನ್ ಮಾತ ಮಾನಾದಿಗೆ ಮಲ್ತೆರ್.
ತಸ್ವಿ ಹರ್ಷಿಲ್ ಶೆಟ್ಟಿ ಬುಡ್ಪಾದಿನ ಕಂಬುಲ ಕಲಾಕೃತಿನ್ ಸ್ವಾಮೀಜಿ ಬುಡುಗಡೆ ಮಲ್ತೆರ್.
ಕಂಬುಲದ ಸಂಚಾಲಕೆರ್ ಐಕಳ ಬಾವ ದೇವಿಪ್ರಸಾದ್ ಶೆಟ್ರ್ ಬಿನ್ನೆರೆನ್ ಎದುಕೊಂಡೆರ್. ಸಾಯಿನಾಥ್ ಶೆಟ್ರ್ ಲೇಸ್ ನಡಪಾದ್ ಕೊರಿಯೆರ್.
pallavi shetty