ಮುಲ್ಕಿ: ದೈವಾರಾಧನೆ ಕ್ಷೇತ್ರಡ್ ಕರಿನ 35 ವರ್ಸೊರ್ದಿಂಚಿ ಜೀಟಿಗೆ ಸೇವೆ ಮಲ್ಪುನ ಅಂಚೆನೇ ಪಂಚ ಜೀಟಿಗೆಡ್ ಪುಗರ್ತೆ ಪಡೆಯಿನ ಹಳೆಯಂಗಡಿದ ದೇವದಾಸ್ ಸಾಲ್ಯಾನ್ರೆಗ್ ಗುರುವಾರ ಹೊಸ ಅಂಗಣ ಪತ್ರಿಕೆ ವತಿರ್ದ್ ತಿಂಗಳ ಬೆಳಕು ಕಾರ್ಯಕ್ರಮೊಡು ಮಾನಾದಿಗೆ ನಡತ್ಂಡ್. ಲೇಸ್‌ದ ಗುರ್ಕಾರ್ಮೆ ಒಯಿಸ್ ದಿನ ಧರ್ಮದರ್ಶಿ ಹರಿಕೃಷ್ಣ ಪುನರೂರು ಪಾತೆರ್ದ್, ತುಳುನಾಡ್ದ ಏತೋ ಜನ ಕಲಾವಿದೆರ್ ದೈವಾರಾಧನೆ ಕ್ಷೇತೊಡು ಅಕ್ಲೆನಕ್ಲೆನ ಚಾಕಿರಿ ಮಲ್ತೊಂದುಪ್ಪುವೆರ್,ಆಂಡ ಅಂಚಿನಕ್ಲೆನ್ ನಾಡ್ ಪತ್ದ್ ಮಾನಾದಿಗೆ ಮಲ್ಪುಜೆರ್. ಬೊಲ್ಪುಗು ಬರಂದಿನ ಚಾಕಿರಿದಕಲೆನ್ ಅಂಗಣ ಪತ್ರಿಕೆದಕುಲು ಮಾನಾದಿಗೆ ಮಲ್ಪುನ ಕೆಲಸ ಮೆಚ್ಚೂಡಾಯಿನವು ಪಂಡೆರ್ .
ಬಿನ್ನೆರಾದ್ ಡಾ.ಅಚ್ಯುತ ಕುಡ್ವ , ಮುಲ್ಕಿ ಬಿರುವೆರೆ ಸಂಘದ ಅಧ್ಯಕ್ಷೆರ್ ರಮೇಶ್ ಕೊಕ್ಕರಕಲ್, ಉದ್ಯಮಿ ವಾಸು ಪೂಜಾರಿ ರಜಾಕ್, ಪುರಂದರ ಸಾಲ್ಯಾನ್, ರವಿಚಂದ್ರ, ಜಯರಾಮ್ ಮುಲ್ಕಿ, ಭಾಸ್ಕರ ಎಂ.ಶೆಟ್ಟಿ, ಕೃಷ್ಣ ಶೆಟ್ಟಿ,ರವೀಂದ್ರ ಶೆಟ್ಟಿ ಮೊಕುಲು ಮಾತಾ ಇತ್ತೆರ್.
ಉಂದುವೇ ಪೊರ್ತುಡು ಹೊಸ ಅಂಗಣ ಪ್ರತಿಕದ 66ನೇ ಸಂಚಿಕೆ ಬಿಡುಗಡೆ ಆಂಡ್.
ವಿಜಯಕುಮಾರ್ ಕುಬೆವೂರು ಮಾನಾದಿಗೆ ಪತ್ರ ಓದುಪಂಡೆರ್, ಹೊಸ ಅಂಗಣದ ಸಂಪಾದಕೆರ್ ಡಾ. ಹರಿಶ್ಚಂದ್ರ ಸಾಲ್ಯಾನ್ ಬಿನ್ನೆರೆನ್ ಎದುಕೊಂಡೆರ್.ವಾಮನ ಕೋಟ್ಯಾನ್ ನಡಿಕುದ್ರು ಸೊಲ್ಮೆ ಸಂದೈತ ಮಲ್ತೆರ್.ರವಿಚಂದ್ರ ಲೇಸ್ ನಡಪಾದ್ ಕೊರಿಯೆರ್.
Editorial