ಕರಿನ ಮಾರ್ಚ್ರ್ದ್ ಕೊರೂನಾ ಮಹಾಮಾರಿದ ಪೆಟ್ಟ್ ಗ್ ಇಡೀ ಜಗತ್ತೇ ಬಾರಿ ಬಂಗದ ಪರಿಸ್ಥಿತಿ ಗ್ ಬತ್ತಿತ್ತುಂಡು , ಯೇಪಲ ಜನಕುಲ್ ನೆರ್ದ್ ಜಿಂಜೊದು ಇತ್ತಿನ ಬೊಂಬಾಯಿ ಮಹಾನಗರಡ್ ಲಾ ಜನಸಂದನಿ ಕಮ್ಮಿ ಆಡಿತ್ತುಂಡು, ದಿನತ 24 ಗಂಟೆದ ಬಿಡುವಿಜ್ಜಂದಿನ ಪೊರ್ತುಡುಲ ಜನ ಸಂದಣಿ ಇತ್ತಿನ ಮಹಾನಗರ ಕೊರೊನರ್ದಾವರ ಚಪ್ಪೆ ಆದಿತ್ತುಂಡು. ಐಟ್ಲಾ ಹೊಟೇಲ್ ಉದ್ಯಮನೇ ನಂಬೊಂದು ಇತ್ತಿನಕ್ಲೆನ ಪರಿಸ್ಥಿತಿ ಬಾರಿ ಕಷ್ಟಕರ ಆದಿತ್ತುಂಡು .ಶೇ. 80 ದಾತ್ ಹೊಟೇಲ್ ಉದ್ಯಮ ನಷ್ಟಡೇ ಪೋವೊಂದು ಉಂಡು.ನನ ಅವ್ವೆತೋ ಹೋಟೆಲ್ ನನಲಾ ಸುರು ಆತ್ ಜಿ, ನನ ಭವಿಷ್ಯ ಎಂಚ ಪಂದ್ ಆಲೋಚನೆ ಮಲ್ಪುನಗ ಮಹಾರಾಷ್ಟ್ರ ಸರಕಾರ ಬಾರ್ ಅಂಡ್ ರೆಸ್ಟೋರೆಂಟ್ ದ ಶುಲ್ಕನ್ ಪೂರ್ಣವಾದ್ ವಸೂಲಿ ಮಲ್ಪರೆ ದುಂಬು ಬತ್ತಿನ ಹೊಟೇಲ್ ಉದ್ಯಮಿಲೆನ ಪರಿಸ್ಥಿತಿ ಎಂಚ ಆವೊಡು ? ಇಂಚದ ಪೊರ್ತುಡು ಬೆರಿ ಸಹಾಯೋಗು ಉಂತಿನಾರ್ ಮಹಾರಾಷ್ಟ್ರ ಹೊಟೇಲ್ ಕಾಮಗಾರ್ ಯೂನಿಯನ್ದ ನೇತಾರ ಕಳತ್ತೂರು ವಿಶ್ವನಾಥ ಶೆಟ್ಟಿ ಮೇರ್ .
ಹೊಟೇಲಿಗೆರಿಗಾದ್ ಮಹತ್ತರವಾಯಿನ ಕಾರ್ಯನ್ ಮಲ್ತ್ ದ್ ಕಳತ್ತೂರು, ಹೊಟೇಲ್ ಉದ್ಯಮಿಲೆನ ಪಾಲ್ ಗ್ ಆಪತ್ಭಾಂದವೆರಾದ್ ಬಾರ್ ಆ್ಯಂಡ್ ರೆಸ್ಟೋರೆಂಟ್ದ ಅಬಕಾರಿ ಶುಲ್ಕನ್ ಶೇ. 50 ದಾತ್ ಕಮ್ಮಿ ಮಲ್ಪರೆ ಹೊಟೇಲ್ ಸಂಘಟನೆದ ಒಟ್ಟುಗು ಉಂತುದು ನಾಯಕತ್ವ ದೆತೊಂದು ಯಶಸ್ವಿ ಆತೆರ್. ಪರರ ಎಡ್ಡೆಪ್ಪುಗಾದ್ ತನ್ನ ಅಮೂಲ್ಯವಾಯಿನ ಪೊರ್ತುನು ಕೊರೊಂದು ಉಪ್ಪುನ ವಿಶ್ವನಾಥ ಶೆಟ್ಟಿನ ಈ ಕಾರ್ಯ ಮುಂಬಯಿ ನಗರೊಡು ಪ್ರಶಂಸೆಗ್ ಪಾತ್ರ ಆತುಂಡು.
2020ರ ಡಿಸೆಂಬರ್ 12 ತಾರೀಖ್ ಗ್ ಶೆಟ್ಟಿ ಮೆರ್ನ ಮುತಾಲಿಕೆಡ್ ವೈ.ಬಿ. ಚವಾಜ್ ಹಾಲ್ಡ್ ಬಾರ್ ಬೊಕ್ಕ ರೆಸ್ಟೋರೆಂಟ್ದ ಅಬಕಾರಿ ಶುಲ್ಕ ದ ಭಾರ ತಪ್ಪಾವುನ ಬಗ್ಗೆ ಮಲ್ಲ ಸಭೆ ಸೇರ್ದಿತ್ತೆರ್. ಪರವಾನಿಗೆ ಕಾಸ್ ಕಟ್ಟರೆ ಬಂಗ ಆಪುಂಡು ಪನ್ಪುನ ಅಭಿಪ್ರಾಯ ಈ ಸಭೆ ಟ್ ತೆರಿದ್ ಬತ್ತುಂಡು . ಹೊಟೇಲ್ ಉದ್ಯಮ ನಷ್ಟಡು ನಡಪುನಗ ಮಾತಾ ಕಾಸ್ ಕಟ್ಟುನ ಕಷ್ಟ ಆಪುಂಡು,ಕಡಿಮೆ ಮಲ್ಪರೆ ಎನ್ಸಿಪಿ ಮುಖ್ಯಸ್ಥ ಶರದ್ ಪವಾರ್ ಬೊಕ್ಕ ಮಹಾರಾಷ್ಟ್ರದ ಮುಖ್ಯಮಂತ್ರಿ ಉದ್ಧವ್ ಠಾಕ್ರೆ ಮೆಕ್ಲೆಗ್ ಬಿನ್ನಾಪು ಮಲ್ಪರೆ ತೀರ್ಮಾನ ಮಲ್ತೆರ್.
ಈ ಸಭೆಟ್ ಪಾಲ್ ಪಡೆಯಿನ ಡಾ. ಶಂಕರ್ ಶೆಟ್ಟಿ ವಿರಾರ್, ಸಿಬಿಡಿ ಭಾಸ್ಕರ ಶೆಟ್ಟಿ, ಮಹಾರಾಷ್ಟ್ರ ಹೊಟೇಲ್ ಫೆಡರೇಶನ್ ಆಫ್ ಹೊಟೇಲ್ ಓನರ್ ಅಸೋಸಿಯೇಶನ್ ಗುರ್ಕಾರ್ಲಾಯಿನ ಜಗನ್ನಾಥ ಶೆಟ್ಟಿ ಬೊಕ್ಕ ನವಿ ಮುಂಬಯಿ ಹೊಟೇಲ್ ಓನರ್ ಅಸೋಸಿಯೇಶನ್ ಮಾಜಿ ಗುರ್ಕಾರ್ಲಾಯಿನ ದಯಾನಂದ ಶೆಟ್ಟಿ, ಕೃಷ್ಣ ಪೂಜಾರಿ ಮುಲುಂಡ್, ಮನೋಜ್ ಕೋಟ್ಯಾನ್ (ಸಾಯಿಸಾಗರ್ ಗ್ರೂಫ್ ಆಫ್ ಹೊಟೇಲ್ಸ್), ನಾಗ್ಯಾರ್ ಹೊಟೇಲ್ ಅಸೋಸಿಯೇಶನ್ ಗುರ್ರ್ಕಾರ್ಲಾಯಿನ ವಿಜಯ್ ತಲ್ವಾರ್, ಸಾಯಿ ಪ್ಯಾಲೇಸ್ ಗ್ರೂಪ್ ಆಫ್ ಹೊಟೇಲ್ನ ಚಂದ್ರಶೇಖರ ಶೆಟ್ಟಿ ನನಾತ್ ಜನ ಮಹಾರಾಷ್ಟಹೊಟೇಲ್ ಕಾಮಗಾರ್ ಯೂನಿಯನ್ ಗುರ್ಕಾರ್ಲಾಯಿನ ಕಳತ್ತೂರು ವಿಶ್ವನಾಥ ಶೆಟ್ಟಿ ಡ ಸಮಸ್ಯೆ ಸರಿ ಮಲ್ಪರೆ ಬಿನ್ನಾಪು ಮಲ್ತೆರ್.ಅಪಗನೆ ಕಾರ್ಯತತ್ಪರಾಯಿನ ಕಳತ್ತೂರು ವಿಶ್ವನಾಥ ಶೆಟ್ಟಿ, ಮೇರ್ ಡಿ. 20 ತಾರೀಖ್ ಗ್ ಗಣ್ಯರ್ ಇತ್ತಿನ ಸಮಿತಿದ ಗುರ್ಕಾರ್ಮೆ ವಹಿಸೊಂದು ಎನ್ಸಿಪಿ ಗುರ್ಕಾರ್ಲಾಯಿನ ಶರದ್ ಪವಾರ್ ಬೊಕ್ಕ ಮಹಾರಾಷ್ಟ್ರದ ಮುಖ್ಯಮಂತ್ರಿ ಉದ್ಧವ್ ಠಾಕ್ರೆನ್ ಭೇಟಿ ಮಲ್ತ್ ದ್ ಹೊಟೇಲ್ ಉದ್ಯಮಿಲೆನ ಸಮಸ್ಯೆನ್ ಆರ್ನ ಗಮನೊಗು ಕಂತೆರ್, ಅಬಕಾರಿ ಶುಲ್ಕನ್ ಶೇ. 50 ದಾತ್ ಕಮ್ಮಿ ಮಲ್ಪೊಡುಪಂದ್ ಬಿನ್ನಾಪು ಮಲ್ತೆರ್. ಆತೆ ಅತ್ತಂದೆ ಪರವಾನಿಗೆ ಶುಲ್ಕ, ವಿದ್ಯುತ್ ಬಿಲ್ಲ್ ಡ್ ಶೇ. 15 ದಾತ್ ಕಡಿಮೆ ಜಿಎಸ್ಟಿಡ್ ಶೇ. 5 ಮುಟ ರಿಯಾಯಿತಿ ಕೊರೊಡು ಪಂದ್ ಬಿನ್ನಾಪು ಮಲ್ತೆರ್ .ಕೋರಲಾಯಿತು. ಈ ಪೊರ್ತುಡು ನೇತಾರರಾಯಿನ ಅಜಿತ್ ಪವಾರ್ ಬೊಕ್ಕ ನಿತಿನ್ ರಾವತ್ ಪಾಲ್ ಪಡೆದಿತ್ತೆರ್ . ಅಕ್ಲೆನ ಬಿನ್ನಾಪುಗು ಸ್ಪಂದಿಸಾಯಿನ ಶರದ್ ಪವಾರ್ ಬೊಕ್ಕ ಮುಖ್ಯಮಂತ್ರಿ ಉದ್ಧವ್ ಠಾಕ್ರೆ ಹೊಟೇಲ್ ಉದ್ಯಮಿಲೆನ ಬೇಡಿಕೆನ್ ಈಡೇರಿಸಾವುನ ಭರವಸೆ ಕೊರಿಯೆರ್ . ಐತ ಪ್ರಕಾರ ಬಾರ್, ಪರ್ಮಿಟ್ ರೂಮ್ದ ಅಬಕಾರಿ ಪರವಾನಿಗೆ ಕಾಸ್ ನ್ ಶೇಕಡಾ 50 ಕಡಿಮೆ ಮಲ್ಪರೆ ಸರಕಾರ ಆದೇಶ ಕೊರ್ತುಂಡು, ಕಳತ್ತೂರು ವಿಶ್ವನಾಥ ಶೆಟ್ಟಿ ಮೇರ್ ಸರಕಾರಗ್ ಸೊಲ್ಮೆಲೆನ್ ಸಂದೈತ ಮಲ್ದೆರ್.
