January 28, 2021

ಕುಡ್ಲದ ಕೆಪಿಟಿ ಕಾಲೇಜ್ ಡ್ ಶ್ರಮದಾನ ಮಲ್ಪುನ ಮುಖೇನ ವಿಶಿಷ್ಟ ರೀತಿಡ್ ಗಣರಾಜ್ಯೋತ್ಸವ ಆಚರಣೆ

ಕುಡ್ಲ : ಭಾರತದ ಸಂವಿಧಾನ ಬೇತೆ ದೇಶದ ಸಂವಿಧಾನದ ಅಧ್ಯಯನದ ಬೊಕ್ಕ ತಯಾರಾಯಿನ ಕಾರಣರ್ದ್ ಪರಮಶ್ರೇಷ್ಠವಾದ್ ಗುರ್ತಿಸಾದುಂಡು .

ಕುಡ್ಲದ ಕೆಪಿಟಿ ಕಾಲೇಜ್ ಡ್ ನಡತಿನ 72ನೇ ಗಣರಾಜ್ಯೋತ್ಸವ ಆಚರಣೆ ನ್ ಈ ಸಲ ಕೋವಿಡ್ ಕಾರಣರ್ದಾವಾರ ಬಾರಿ ಸರಳ ರೀತಿಡ್ ಆಚರಣೆ ಮಲ್ತೆರ್. ಗಣರಾಜ್ಯೋತ್ಸವ ಕಾರ್ಯಕ್ರಮಡ್ ಕಾಲೇಜ್ ದ ಪ್ರಾಂಶುಪಾಲರಾಯಿನ ಬಾಬು ದೇವಾಡಿಗ ಧ್ವಜಾರೋಹಣ ಮಲ್ತ್ ದ್ ಸಂದೇಶ ಕೊರಿಯೆರ್.

ಅಂಚನೇ ಸಂಸ್ಥೆದ ರಾಷ್ಟ್ರೀಯ ಸೇವಾ ಯೋಜನೆದ ಸ್ವಯಂ ಸೇವಕಿ ಕುಮಾರಿ ವಂಶವಾಹಿನಿ ಮೇರ್ ಕಮಾಂಡ್ ಕೊರಿಯೆರ್ . ಅಂಚನೇ ಈ ಲೇಸ್ ಡ್ ಸಂಸ್ಥೆದ ರಾಷ್ಟ್ರೀಯ ಸೇವಾ ಯೋಜನೆದ ಕಾರ್ಯಕ್ರಮ ಅಧಿಕಾರಿ ಶ್ರೀ ಸಂತೋಷ್ ಕುಮಾರ್ ಪಿ ಬೊಕ್ಕ ಸಹಕಾರ್ಯಕ್ರಮ ಅಧಿಕಾರಿ ಶ್ರೀ ಸೂರಜ್ ಪಿ ಹೆಚ್ ಪಾಲ್ ಪಡೆದಿತ್ತೆರ್.ಎನ್ಎಸ್ಎಸ್ ಘಟಕದ ನಾಯಕೆರಾಯಿನ ಅಶ್ವಿತ್ ಶೆಟ್ಟಿ ಬೊಕ್ಕ ಕುಮಾರಿ ನವ್ಯಶ್ರೀ ಲೇಸ್ ನ್ ಅಟ್ಟನೆ ಮಲ್ತೆರ್. ಕಾಲೇಜ್ ದ ಶಿಕ್ಷಕ ವೃಂದ ಅಂಚನೇ ಸಹಶಿಕ್ಷಕ ವರ್ಗದಕುಲು ಪಾಲ್ ಪಡೆದಿತ್ತೆರ್. ಅಂಚನೇ ರಾಷ್ಟ್ರೀಯ ಸೇವಾ ಘಟಕದ ಸ್ವಯಂ ಸೇವಕೆರ್ ಅಂಚನೇ ವಿದ್ಯಾರ್ಥಿಲು ಪಾಲ್ ಪಡೆದಿತ್ತೆರ್.

ಕಾಲೇಜ್ ದ ಪರಿಸರನ್ ನಿರ್ಮಲ ಮಲ್ಪುನ ಮುಖೇನ ಬಾರಿ ವಿಶಿಷ್ಟ ರೀತಿಡ್ ಲೇಸ್ ನ್ ನಡಪಾದ್ ಕೊರಿಯೆರ್. ಸಂಸ್ಥೆಯ ರಾಷ್ಟ್ರೀಯ ಸೇವಾ ಯೋಜನೆಯ ಸ್ವಯಂ ಸೇವಕಿ
ಕುಮಾರಿ ಸಹನಾ ಮೇರ್ ಲೇಸ್ ದ ನಿರೂಪಣೆ ಮಲ್ತೆರ್.

ಪಂಚ ಜೀಟಿಗೆ ಪತ್ತುನ ದೇವದಾಸ್ ಸಾಲ್ಯಾನ್ರೆಗ್ ಮಾನಾದಿಗೆ

ಮುಲ್ಕಿ: ದೈವಾರಾಧನೆ ಕ್ಷೇತ್ರಡ್ ಕರಿನ 35 ವರ್ಸೊರ್ದಿಂಚಿ ಜೀಟಿಗೆ ಸೇವೆ ಮಲ್ಪುನ ಅಂಚೆನೇ ಪಂಚ ಜೀಟಿಗೆಡ್ ಪುಗರ್ತೆ ಪಡೆಯಿನ ಹಳೆಯಂಗಡಿದ ದೇವದಾಸ್ ಸಾಲ್ಯಾನ್‌ರೆಗ್ ಗುರುವಾರ ಹೊಸ ಅಂಗಣ ಪತ್ರಿಕೆ ವತಿರ್ದ್ ತಿಂಗಳ ಬೆಳಕು ಕಾರ್ಯಕ್ರಮೊಡು ಮಾನಾದಿಗೆ ನಡತ್ಂಡ್. ಲೇಸ್‌ದ ಗುರ್ಕಾರ್ಮೆ ಒಯಿಸ್ ದಿನ ಧರ್ಮದರ್ಶಿ ಹರಿಕೃಷ್ಣ ಪುನರೂರು ಪಾತೆರ್ದ್, ತುಳುನಾಡ್ದ ಏತೋ ಜನ ಕಲಾವಿದೆರ್ ದೈವಾರಾಧನೆ ಕ್ಷೇತೊಡು ಅಕ್ಲೆನಕ್ಲೆನ ಚಾಕಿರಿ ಮಲ್ತೊಂದುಪ್ಪುವೆರ್,ಆಂಡ ಅಂಚಿನಕ್ಲೆನ್ ನಾಡ್ ಪತ್ದ್ ಮಾನಾದಿಗೆ ಮಲ್ಪುಜೆರ್. ಬೊಲ್ಪುಗು ಬರಂದಿನ ಚಾಕಿರಿದಕಲೆನ್ ಅಂಗಣ ಪತ್ರಿಕೆದಕುಲು ಮಾನಾದಿಗೆ ಮಲ್ಪುನ ಕೆಲಸ ಮೆಚ್ಚೂಡಾಯಿನವು ಪಂಡೆರ್ .

ಬಿನ್ನೆರಾದ್ ಡಾ.ಅಚ್ಯುತ ಕುಡ್ವ , ಮುಲ್ಕಿ ಬಿರುವೆರೆ ಸಂಘದ ಅಧ್ಯಕ್ಷೆರ್ ರಮೇಶ್ ಕೊಕ್ಕರಕಲ್, ಉದ್ಯಮಿ ವಾಸು ಪೂಜಾರಿ ರಜಾಕ್, ಪುರಂದರ ಸಾಲ್ಯಾನ್, ರವಿಚಂದ್ರ, ಜಯರಾಮ್ ಮುಲ್ಕಿ, ಭಾಸ್ಕರ ಎಂ.ಶೆಟ್ಟಿ, ಕೃಷ್ಣ ಶೆಟ್ಟಿ,ರವೀಂದ್ರ ಶೆಟ್ಟಿ ಮೊಕುಲು ಮಾತಾ ಇತ್ತೆರ್.

ಉಂದುವೇ ಪೊರ್ತುಡು ಹೊಸ ಅಂಗಣ ಪ್ರತಿಕದ 66ನೇ ಸಂಚಿಕೆ ಬಿಡುಗಡೆ ಆಂಡ್.
ವಿಜಯಕುಮಾರ್ ಕುಬೆವೂರು ಮಾನಾದಿಗೆ ಪತ್ರ ಓದುಪಂಡೆರ್, ಹೊಸ ಅಂಗಣದ ಸಂಪಾದಕೆರ್ ಡಾ. ಹರಿಶ್ಚಂದ್ರ ಸಾಲ್ಯಾನ್ ಬಿನ್ನೆರೆನ್ ಎದುಕೊಂಡೆರ್.ವಾಮನ ಕೋಟ್ಯಾನ್ ನಡಿಕುದ್ರು ಸೊಲ್ಮೆ ಸಂದೈತ ಮಲ್ತೆರ್.ರವಿಚಂದ್ರ ಲೇಸ್ ನಡಪಾದ್ ಕೊರಿಯೆರ್.