ಈ ಸಲ ಅರೆಗಾಲದ ರಜೆ ಇಜ್ಜಿ – ಶಿಕ್ಷಣ ಸಚಿವ ಸುರೇಶ್ ಕುಮಾರ್

ಕುಡ್ಲ ಜನವರಿ 21 : ಶಾಲೆ, ಕಾಲೇಜ್ ತಡ ಆದ್ ಸುರು ಆತಿನ ನೆಲೆಟ್ಟ್ ಅರೆಗಾಲದ ರಜೆ ದೆತೊಂದು ಮೇ ತಿಂಗೊಲ್ ಮುಟ ತರಗತಿಲೆನ್ ನಡಪಾವೊಡು ಪಂದ್ ಶಿಕ್ಷಣ ಸಚಿವ ಸುರೇಶ್ ಕುಮಾರ್ ಮಾಹಿತಿ ಕೊರ್ತೆರ್.

ಶಿವಮೊಗ್ಗದ ದುರ್ಗಿಗುಡಿ ಶಾಲೆಡ್ ಸ್ಮಾರ್ಟ್ ಕ್ಲಾಸ್ ವೀಕ್ಷಣೆದ ಬೊಕ್ಕ ಆರ್ ಪಾತೆರ್ದ್ ಅರೆಗಾಲದ ದೆತೊಂದು ಮೇ ಮುಟ ಶಾಲೆಲೆನ್ ನಡಪಾವುನ ಚಿಂತನೆ ಉಂಡು . ಜೂನ್ ಡ್ ಎಸ್‌ಎಸ್‌ಎಲ್ಸಿ ಪರೀಕ್ಷೆ ನಡಪರೆ ಉಂಡು. ಇತ್ತೆ ಅವ್ವೆತೋ ರಜೆ ತಿಕ್ಕುದುಂಡು , ಒರಿನ ನಾಲರೆ ತಿಂಗೊಲು ಶಿಕ್ಷಕರ ಪಾಠದ ಕಡೆಕ್ ಗಮನ ಕೊರೊಡು ಪಂದ್ ಜೋಕ್ಲೆಗ್ ತೆರಿಪಾದೆರ್.