ಕಿನ್ನಿಗೋಳಿಡ್ ಎಲ್ಲೆ ಮಾಸ್ಟರ್ ಒಕಿನಾವಾ ಇ ವೆಹಿಕಲ್ಸ್ ದ ಅಂಗಡಿ ಒಕ್ಕೆಲ್

ಮುಲ್ಕಿ : ಮಾಸ್ಟರ್ ಒಕಿನಾವಾ ಇಲೆಕ್ಟ್ರಿಕ್ ವೆಹಿಕಲ್ಸ್ ದ ಪೊಸತ್ತ್ ಅಂಗಡಿ ಜ.೧೪ ಗುರುವಾರದಾನಿ ಕಾಂಡೆ ೧೦ ಗಂಟೆಗ್ ಕಿನ್ನಿಗೋಳಿಡ್ ಒಕ್ಕೆಲ್ ಆವರೆ ಉಂಡು ಪಂಡ್ ದ್ ಜವನೆ ಉದ್ಯಮಿ ಪ್ರತೀಕ್ಷ್ ಪ್ರಮೋದ್ ಕುಮಾರ್ ಸುದ್ದಿಗೋಷ್ಠಿಡ್ ಪಂಡೆರ್.

ಕಿನ್ನಿಗೋಳಿ ತಾಳಿಪಾಡಿ ಬ್ರಹ್ಮಶ್ರೀ ನಾರಾಯಣ ಗುರು ಧರ್ಮಪರಿಪಾಲನಾ ಸಮಿತಿದ ಗುರ್ಕಾರ್ಲು ಕುಶಲ ಪೂಜಾರಿ ಗುರ್ಕಾಮೆ ಒಯಿಸೊನ್ವೆರ್. ಮಾಜಿ ಮಂತ್ರಿಲು ಅಭಯ ಚಂದ್ರ ಜೈನ್ ಉದಿಪನ ಮಲ್ಪುವೆರ್. ಎಪಿಎಂಸಿ ಉಪಾಧ್ಯಕ್ಷೆರ್ ರಜನಿ ದುಗ್ಗಣ್ಣ, ಬಸ್ ಮಾಲಕೆರ್ನ ಸಂಘದ ಅಧ್ಯಕ್ಷೆರ್ ದುರ್ಗಾಪ್ರಸಾದ್ ಶೆಟ್ಟಿ, ಜಿಪಂ ಮಾಜಿ ಉಪಾಧ್ಯಕ್ಷೆರ್ ಶಾಲೆಟ್ ಪಿಂಟೊ, ಜಿಪಂ ಮಾಜಿ ಸದಸ್ಯೆರ್ ಈಶ್ವರ ಕಟೀಲು, ಕಿನ್ನಿಗೋಳಿ ಮಾಜಿ ಗ್ರಾಪಂ ಅಧ್ಯಕ್ಷೆರ್ ಟಿ.ಎಚ್.ಮಯ್ಯದ್ದಿ, ಸಿಂಡಿಕೇಟ್ ಬ್ಯಾಂಕ್ ಮ್ಯಾನೇಜರ್ ಪ್ರಮೋದ್ ಕುಮಾರ್ , ಗುರ್ಗಾಂವ್ ದ ಒಕಿನಾವಾ ಕಂಪನಿದ ಡೀಲರ್ ಡೆವಲಪ್ಮೆಂಟ್ ಹೆಡ್ ರವಿ ಪಾಟೀಲ್, ಐಡಿಎಫ್ ಸಿ ಫಸ್ಟ್ ಬ್ಯಾಂಕ್ ದ ಟೀಮ್ ಲೀಡರ್ ಸಿದ್ಧಾರ್ಥ ಮೊಕುಲು ಮಲ್ಲ ಬಿನ್ನೆರಾದ್ ಬರ್ಪೆರ್ ಪಂಡೆರ್. ಹೋಟೆಲ್ ಉದ್ಯಮಿ ಪ್ರಮೋದ್ ಕುಮಾರ್ ಸುದ್ದಿಗೋಷ್ಠಿಡ್ ಇತ್ತೆರ್.