ಕೆನರಾ ಬ್ಯಾಂಕ್ ವ್ರತ್ತ ಕಚೇರಿ ಮಣಿಪಾಲದ ವತಿಡ್ದ್ ಮಹಿಳಾ ಉದ್ಯಮಿಲು ತಯಾರ್ ಮಲ್ದಿನ ಉತ್ಪನ್ನದ ವಸ್ತು ಪ್ರದರ್ಶನ

ಕೆನರಾ ಬ್ಯಾಂಕ್ ವ್ರತ್ತ ಕಚೇರಿ ಮಣಿಪಾಲದ ವತಿಡ್ದ್ ಮಹಿಳಾ ಉದ್ಯಮಿಲು ತಯಾರ್ ಮಲ್ದಿನ ಉತ್ಪನ್ನದ ವಸ್ತು ಪ್ರದರ್ಶನ ಬೊಕ್ಕ ಮಾರಾಟ ಜನವರಿ 12ಬೊಕ್ಕ13 ತಾರೀಕುದಾನಿ ‌ಮಣಿಪಾಲ ಕೆನರಾ ಬ್ಯಾಂಕ್ ದ ವ್ರತ್ತ ಕಚೇರಿದಲ್ಪ ನಡಪರೆಗುಂಡು.ಕಾಂಡೆ 10 ಗಂಟೆಡ್ದ್ 6‌ ಗಂಟೆಮುಟ್ಟ ನಡಪರೆಗುಪ್ಪುನ ಈ ಪ್ರದರ್ಶನ ಬೊಕ್ಕ ಮಾರಾಟಡ್ ಜಿಲ್ಲೆದ 25 ಮಹಿಳಾ ಉದ್ಯಮಿಲು ಪಾಲುಪಡೆಯರೆಗುಲ್ಲೆರ್.ಮಹಿಳಾ ಉದ್ಯಮಿಲೆನ್ ಪ್ರೋತ್ಸಾಹ ಮಲ್ಪರೆಗ್ ಈ ಕಜ್ಜೊನ್ ಕೆನರಾ ಬ್ಯಾಂಕ್ ಆಯೋಜನೆ ಮಲ್ದಿತ್ತುದ್,ರಡ್ಡ್‌ ದಿನಕ್ ಬೋಡಾಪಿನ ಸ್ಟಾಲ್ ನ್ ಕೆನರಾ ಬ್ಯಾಂಕ್ ದ ವತಿಡ್ದ್ ಕೊರ್ಪುಂಡ್.ಪ್ರದರ್ಶನೊಡ್ ಮಹಿಳೆಯರ್ ತಯಾರ್‌ ಮಲ್ದಿನ ರೆಡಿಮೇಡ್ ಡ್ರೆಸ್,ಉಪ್ಪಡ್,ಫಿನಾಯಿಲ್,ಹಪ್ಪಳ,ಸೆಂಡಿಗೆ,ಮೇಣದಬತ್ತಿ,ಮಸಾಲ ಪೊಡಿ,ಪೊಣ್ಣುಲೆನ ಫ್ಯಾಶನ್ ಕಾಜಿಲು,ನೆಕ್ಲೇಸ್,ಸರ,ಬೊಕ್ಕ ಸೀರೆ,ಇಲ್ಲಗ್ ಬೋಡಾಪಿನ ವಸ್ತುಲೆನ ಪ್ರದರ್ಶನ ಬೊಕ್ಕ ಮಾರಾಟ ನಡಪರೆಗುಂಡು ಪಂಡುದ್ ಕೆನರಾ ಬ್ಯಾಂಕ್ ವ್ರತ್ತ ಕಚೇರಿದ ಮುಖ್ಯಸ್ಥೆರಾಯಿನ ರಾಮನಾಯ್ಕ್ ತೆರಿಪಾದೆರ್ .