ಉಚ್ಚಿಲ ಶ್ರೀ ಮಹಾಲಕ್ಷ್ಮಿ ರಥೋತ್ಸವ ಜೀರ್ಣೋದ್ದಾರ ಕಾರ್ಯಕ್ರಮಗ್ ಮರುಚಾಲನೆ

ಪಡುಬಿದ್ರಿ, ಜ.5; ಮೀನುಗಾರೆರ್ನ ಆರಾಧ್ಯ ದೇವತೆ ಉಚ್ಚಿಲ ಶ್ರೀ ಮಹಾಲಕ್ಷ್ಮಿ ದೇವಸ್ಥಾನದ ವಾರ್ಷಿಕ ರಥೋತ್ಸವ ಪ್ರತೀ ವರ್ಷ ಎಪ್ರಿಲ್‌ಡ್ ನಡತೊಂದು ಇತ್ತುಂಡು, ದೇವಸ್ಥಾನದ ಜೀರ್ಣೋದ್ಧಾ ರದ ನಿಮಿತ್ತ ಈ ಸಲ ಜ. 27 ರ್ದ್ ಫೆ. 1 ಮುಟ ನಡಪರೆ ಉಂಡು.ಜನವರಿ 30 ತಾರೀಖ್ ಗ್ ಮಧ್ಯಾಹ್ನ ಶ್ರೀದೇವಿನ  ರಥಾರೋಹಣ ಬೊಕ್ಕ ರಾತ್ರಿ 8 ಗಂಟೆಗ್ ಮಹಾರಥೋತ್ಸವ ನಡಪರೆ ಉಂಡು .

ಕೋವಿಡ್ ಕಾರಣ ಉಂತಾದ್ ಇತ್ತಿನ 32 ಕೋ.ರೂ. ವೆಚ್ಚದ ಸಮಗ್ರ ಜೀ ರ್ಣೋದ್ದಾರ ಕಾರ್ಯಕ್ರಮ ಕುಡ ಸುರು ಆಯೆರೆ ಉಂಡು. ಈ
ಪ್ರಯುಕ್ತ ಪ್ರಾಯಶ್ಚಿತ್ತ ಹೋಮ, ಕಲಾ ಸಂಕೋಚದೊಟ್ಟುಗು ನಡಪರೆ ಉಂಡು. ಫೆಬ್ರವರಿ 15 ತಾರೀಖ್ ಗ್ ಬಾಲಾ ಲಯ ಪ್ರತಿಷ್ಠೆ. ಫೆ.21 ತಾರೀಖ್ ಗ್ ನೂತನ ಗರ್ಭ ಗುಡಿಕ್ ಶಿಲಾನ್ಯಾಸ ನಡಪರೆ ಉಂಡು.

ಜ.20 ತಾರೀಖ್ ಗ್ ಮೃತ್ಯುಂಜಯ ಹೋಮ ನಡಪರೆ ಉಂಡು. ಜ.30 ಗ್ ಮಾತಾ ಮೊಗವೀರೆರ್ ರಜೆ ದೆತೊಂದು ಮಹಾರಥೋತ್ಸವಡ್ ಪಾಲ್ ಪಡೆಯೋಡು ಪಂದ್ ಜೀರ್ಣೋದ್ಧಾರ ಸಮಿತಿದ ಗೌರವಾಧ್ಯಕ್ಷ ಡಾ| ಜಿ. ಶಂಕರ್‌ ಬೊಕ್ಕ ದ.ಕ. ಮೊಗವೀರ ಮಹಾ ಜನ ಸಂಘದ ಗುರ್ಕಾರ್ಲಾಯಿನ ಜಯ ಸಿ. ಕೋಟ್ಯಾನ್ ಬೆಳ್ಳಂಪಳ್ಳಿ ತೆರಿಪಾದೆರ್ .