ಕೇರಳಡ್ ಇಂಚೊಗು ನಡತಿನ ಕೈತಲ್ ದ ಸಂಸ್ಥೆ ಚುನಾವಣೆಡ್ ಮಂಜೇಶ್ವರದ ವರ್ಕಾಡಿ ಪಂಚಾಯತ್ ದ ತಲಕ್ಕಿ ವಾರ್ಡ್ ಡ್ ಮೂಜನೇ ಸಲ ಎಲ್ ಡಿಎಫ್ ಅಭ್ಯರ್ಥಿಯಾದ್ ಜಾಸ್ತಿ ಓಟು ರ್ದ್ ಗೆಂದಿನ ಭಾರತಿ ಸತೀಶ್ ಇತ್ತೆ ಆ ಪಂಚಾಯತ್ ದ ಗುರ್ಕಾರ್ ದಿಯಾದ್ ಆಯ್ಕೆ ಆತೆರ್ . ಮೂಲತಃ ಬಂಟ್ವಾಳದಾರ್ ಆದಿಪ್ಪುನ ಭಾರತಿ ಕಡುಬಡತನಡ್ ಬುಲೆಡ್ ಬಾರಿ ಎಡ್ಡೆ ಶಿಕ್ಷಣ ಪಡೆತೆರ್ . ಪಾಪ ದಕ್ಲೆನ ಏಳಿಗೆದ ಬಗ್ಗೆ ಬೇಲೆ ಮಲ್ಪೊಡು ಪನ್ಪಿನ ಆಸಕ್ತಿಡ್ ಸಾಮಾಜಿಕ ಕಾರ್ಯಲೆಡ್ ಮಹಿಳಾ ಸಂಘಟನೆಡ್ ಸಕ್ರಿಯವಾದ್ ಬೇಲೆ ಮಲ್ತೊಂದು ಉಲ್ಲೆರ್ . ಮಾದಿಮೆದ ಬೊಕ್ಕ ಮಂಜೇಶ್ವರ ಡ್ಲಾ ಸಮಾಜಮುಖಿ ಕಾರ್ಯಡ್ ದುಂಬು ಪೋಯಿನ ಮೇರ್ ಕಮ್ಯೂನಿಸ್ಟ್ ಪಕ್ಷದ ಸದಸ್ಯತ್ವ ದೆತೊಂದು ಪಕ್ಷಡ್ ಲಾ ಬೇತೆ ಬೇತೆ ಜವಾಬ್ದಾರಿಲೆನ್ ಬಾರಿ ಶ್ರದ್ಧೆಡ್ ಮಲ್ತ್ ದ್ ಕರಿನ ರಡ್ಡ್ ಪೊರ್ತುಗು ವರ್ಕಾಡಿ ಪಂಚಾಯತ್ ಚುನಾವಣೆಡ್ ಗೆಂದ್ ದ್ ಪ್ರಾಮಾಣಿಕ ಕಾರ್ಯರ್ದ್ ಜನಕ್ಲೆನ ಜನರ ಅಭಿಮಾನಗ್ ಪಾತ್ರಆತೆರ್.
ಇತ್ತೆ ಮೂಜನೇ ಸಲ ಆಡಳಿತಾರೂಢ ಎಲ್ ಡಿ ಎಫ್ ಬೆಂಬಲಿತ ಅಭ್ಯರ್ಥಿಯಾದ್ ಜಾಸ್ತಿ ಓಟು ರ್ದ್ ಗೆಂದಿನ ಮೇರ್ ಇತ್ತೆ ಗುರ್ಕಾರ್ದಿ ಯಾದ್ ಆಯ್ಕೆ ಆತೆರ್.
ಭಾರತಿ ಮೆರ್ನ ಕಂಡನಿ ಸತೀಶ್ ಉಡುಪಿಡ್ ವ್ಯವಹಾರ ನಡಪಾವೊಂದು ಸಾಮಾಜಿಕ ಧಾರ್ಮಿಕ ಕಾರ್ಯಡ್ ಬಾರಿ ನಿಸ್ಪೃಹ ಬೊಕ್ಕ ಸಕ್ರಿಯರಾದ್ ಬೇಲೆ ಮಲ್ತೊಂದು ಉಲ್ಲೆರ್.
pallavi shetty