ಮುಲ್ಕಿ : ದಕ್ಷಿಣ ಕನ್ನಡ ಜಿಲ್ಲೆದ ಕಾರ್ಯನಿರತ ಪತ್ರಕರ್ತೆರ್ನ ಸಂಘದ ೨೦೨೦ ನೇ ವರ್ಸದ ಪ.ಗೋ. ಪ್ರಶಸ್ತಿಗ್ ವಿಜಯ ಕರ್ನಾಟಕದ ವರದಿಗಾರೆ ವಿಜಯ ಕೋಟ್ಯಾನ್ ಪಡು ಬೊಕ್ಕ ಕೊಡಗುದ ಕಾವೇರಿ ಟೈಮ್ಸ್ ಪತ್ರಿಕೆ ದ ವರದಿಗಾರೆ ಬೊಳ್ಳಜಿರ ಬಿ.ಅಯ್ಯಪ್ಪ ಮೊಕುಲು ಆಯ್ಕೆ ಆತೆರ್.
ವಿಜಯ ಕೋಟ್ಯಾನ್ ಬರೆತಿನ “ಕೊನೆಗೂ ಸಾವನ್ನೇ ಗೆದ್ದು ಬಂದ ವಿದ್ಯಾರ್ಥಿನಿ” ಪನ್ಪಿನ ಮಾನವೀಯ ವರದಿಗ್ ಪ್ರಶಸ್ತಿ ಬೈದ್ಂಡ್.
ಬೊಳ್ಳಜಿರ ಬಿ. ಅಯ್ಯಪ್ಪ ಮೇರ್ ಬರೆತಿನ ” ಬದುಕಿಗಾಗಿ ಅಡುಗೆ ಉತ್ಪನ್ನ ತಯಾರಿಸುತ್ತಿರುವ ಕಾಲೂರಿನ ಮಹಿಳೆಯರು” ಪನ್ಪಿನ ವರದಿಗ್ ಪ್ರಶಸ್ತಿ ಬೈದ್ಂಡ್.
ಬಂಟ್ವಾಳ ದ ರಾಣಿ ಅಬ್ಬಕ್ಕ ಅಧ್ಯಯನ ಕೇಂದ್ರದ ಗುರ್ಕಾರ್ಲು ಪ್ರೊ.ತುಕಾರಾಮ್ ಪೂಜಾರಿ, ಕುಡ್ಲ ರಥಬೀದಿ ಸರ್ಕಾರ ಪ್ರಥಮ ದರ್ಜೆ ಕಾಲೇಜಿದ ಅಸಿಸ್ಟೆಂಟ್ ಪ್ರೊಫೆಸರ್ ಡಾ. ಜಯಶ್ರೀ ಕದ್ರಿ, ಟೈಮ್ಸ್ ಆಫ್ ಇಂಡಿಯಾ ಪತ್ರಿಕೆದ ನಿವೃತ್ತ ಎಜಿಎಂ ಕದ್ರಿ ನವನೀತ ಶೆಟ್ಟಿ ಮೊಕ್ಲೆನ ಸಮಿತಿ ಪ್ರಶಸ್ತಿಗ್ ಆಯ್ಕೆ ಮಲ್ದ್ಂಡ್.
ಡಿ.೩೧ಕ್ಕ್ ಕುಡ್ಲದ ಪತ್ರಿಕಾ ಭವನೊಡು ಕಾಂಡೆ ೧೧ ಗಂಟೆಗ್ ಪ್ರಶಸ್ತಿ ಪಟ್ಟುನ ಲೇಸ್ ನಡಪರೆ ಉಂಡು.ಜಿಲ್ಲಾಧಿಕಾರಿ ಡಾ.ಕೆ.ವಿ.ರಾಜೇಂದ್ರ ಪ್ರಶಸ್ತಿ ಪಟ್ಟುವೆರ್. ದಕ ಕಾರ್ಯನಿರತ ಪತ್ರಕರ್ತೆರ್ನ ಸಂಘದ ಗುರ್ಕಾರ್ಲು ಶ್ರೀನಿವಾಸ ನಾಯಕ್ ಇಂದಾಜೆ ಲೇಸ್ ದ ಗುರ್ಕಾರ್ಮೆ ಒಯಿಸೊನ್ವೆರ್. ಪೊಲೀಸ್ ವರಿಷ್ಠಾಧಿಕಾರಿ ಲಕ್ಷ್ಮಿ ಪ್ರಸಾದ್ ಬಿ.ಎಂ., ಡಿಸಿಪಿ ವಿನಯ ಗಾಂವ್ಕರ್ ಬಿನ್ನೆರಾದ್ ಬರ್ಪೆರ್ ಪಂಡ್ ದ್ ಸಂಘದ ಕಾರ್ಯಂತೆರ್ ಇಬ್ರಾಹಿಂ ಅಡ್ಕಸ್ಥಳ ತೆರಿಪಾದೆರ್.
Editorial