ಕದಿರೆದ ಮಂಜುನಾಥ ಸ್ವಾಮಿ ದೇವೊಲ್ಯಡ್ ಜು. 29 ಗು ಗುರು ಪೂರ್ಣಿಮೆ ಆಚರಣೆ

ಕುಡ್ಲ : ಐತಿಹಾಸಿಕ ಕದಿರೆದ ಶ್ರೀ ಮಂಜುನಾಥ ದೇವೊಲ್ಯಡ್ ಜುಲೈ 29 ಗುರುಪೂರ್ಣಿಮೆದ ಪುಣ್ಯ ದಿನತ್ತಾನಿ ಬೇತೆ ಬೇತೆ ಧಾರ್ಮಿಕ ಕಾರ್ಯಕ್ರಮ ನಡಪರೆ ಉಂಡು.
ಗುರುಪೂರ್ಣಿಮೆದ ಪ್ರಯುಕ್ತ ಕಾಂಡೆರ್ದೇ ವಿಶೇಷ ಪೂಜಾ ವಿಧಿಕುಲು ಬೊಕ್ಕ ರುದ್ರ ಪಾರಾಯಣ ನಡಪರೆ ಉಂಡು. ಮಧ್ಯಾಹ್ನ 11.30 ಗಂಟೆಗೆ ಶ್ರೀ ಮತ್ಸೇಂದ್ರನಾಥ, ಶ್ರೀ ಗೋರಕ್ಷನಾಥ ಬೊಕ್ಕ ಶ್ರೀ ಚೌರಂಗಿನಾಥ ಗುರುಕುಲೆಗ್ ವಿಶೇಷ ಗುರುಪೂಜೆ ನಡಪರೆ ಉಂಡು. ಉಂದುವೇ ಪೊರ್ತುಡು ಶ್ರೀ ಮಂಜುನಾಥ ದೇವರೆಗ್ ಏಕಾದಶ ರುದ್ರಾಭಿಷೇಕ ಸಂಪನ್ನ ಆವರೆ ಉಂಡು.
ಗುರುಪೂರ್ಣಿಮೆದ ಈ ಪವಿತ್ರ ಪರ್ವ ಕಾಲೊಡು ಭಕ್ತೆರ್ ಹೆಚ್ಚಿನ ಸಂಖ್ಯೆಡ್ ಬತ್ತ್‌ದ್ ವಿಶೇಷ ಪೂಜಾ ಕಾರ್ಯಕ್ರಮೊಡು ಪಾಲ್ ಪಡೆದ್ ಶ್ರೀ ಮಂಜುನಾಥ ಸ್ವಾಮಿನ ದಿವ್ಯ ದರ್ಶನ ಅಂಚೆನೆ ಮಹಾಪ್ರಸಾದ ಸ್ವೀಕಾರ ಮಲ್ತ್‌ದ್ ಪುಣ್ಯಫಲ ಪಡೆಯೊಡು ಪಂದ್ ದೇವಸ್ಥಾನದ ವ್ಯವಸ್ಥಾಪನಾ ಸಮಿತಿ ಪ್ರಕಟಣೆಡ್ ತೆರಿಪಾದ್ಂಡ್.