Dharmastala

ವಿಶ್ವ ಪೊಂಜೊವ್ಲೆನ ದಿನಾಚರಣೆ: ಧರ್ಮಸ್ಥಳಡ್ ಹೇಮಾವತಿ ವೀ. ಹೆಗ್ಗಡೆರ್ನ ಕೃತಿ ಬುಡುಗಡೆ , ಮಾನದಿಗೆದ ಲೇಸ್

ಉಜಿರೆ: ಧರ್ಮಸ್ಥಳದ ಗ್ರಾಮಾಭಿವೃದ್ಧಿ ಯೋಜನೆ ಬೊಕ್ಕ ಸಿರಿ ಗ್ರಾಮೋದ್ಯೋಗ ಸಂಸ್ಥೆರ್ದ್ ಪೊಂಜೊವುಲು ಇತ್ತೇ ಮಾತಾ ಕ್ಷೇತ್ರೋಡುಲಾ ದುಂಬರಿಯೊಂದು ಸ್ವಾವಲಂಬಿ ಜೀವನ ನಡಪಾವೊಂದು ಉಲ್ಲೆರ್ .ಅಕ್ಲೆನ ಆಚಾರ-ಇಚಾರ, ಆದಾಯ, ನಡೆ-ನುಡಿ, ಜೀವನಶೈಲಿ, ನಾಯಕತ್ವ ಸುಧಾರಣೆಯಾದ್ ಉಂಡು .ಧೈರ್ಯ ಬೊಕ್ಕ ಆತ್ಮವಿಶ್ವಾಸ ಜಾಸ್ತಿ ಆತುಂಡು . ಗ್ರಾಮಾಭಿವೃದ್ಧಿ ಯೋಜನೆದ ೨೫,೦೦೦ ಕಾರ್ಯಂತೆರ್ ನೆಟ್ಟ್ ೧೯೦೦೦ ಪೊಂಜೊವುಲೇ ಉಲ್ಲೆರ್ ಪಂದ್ ಹೇಮಾವತಿ ವೀ. ಹೆಗ್ಗಡೆ ಪಂಡೆರ್ .

ಧರ್ಮಸ್ಥಳಡ್ ಅಂಗಾರೆ ವಿಶ್ವ ಪೊಂಜೊವ್ಲೆನ ದಿನತ ಪರವಾದ್ ಆರ್ ರಡ್ಡ್ ಕೃತಿ ಬುಡುಗಡೆ ಮಲ್ತ್ ಪಾತೆರಿಯೆರ್.ಸಾಹಿತ್ಯ ಘಟ ದೀಪ ಇತ್ತಿಲಕ ಉಲಯಿ ಬೊಲ್ಪು ಕೊರ್ಪುಂಡು ಆಂಡ ಪಿದಾಯಿ ತೋಜುಜಿ. ಸಾಹಿತ್ಯಲಾ ಅಂಚನೆ ಅಂತರಂಗಡ್ ಮಾನವೀಯ ಮೌಲ್ಯದ ಬುಲೆಚ್ಚಿಲ್ ಗ್ ಪ್ರೇರಕ ಆದ್ ಉಂಡು .ಅಂಕಣ ಬರಹಲು ತನ್ನ ಮಿತ್ತ್ ಗಾಢ ಪ್ರಭಾವ ಬೂದುಂಡು . ತನ್ನ ಕೃತಿಟ್ ಪ್ರೌಢ ಪಾಂಡಿತ್ಯ ಇಜ್ಜಿ . ಕಥೆ, ಘಟನೆ, ಬೊಕ್ಕ ಅನುಭವದ ನೆಲೆಟ್ಟ್ ಸರಳವಾದ್ ಲೇಖನ ಉತ್ತಮ ಮಾರ್ಗದರ್ಶನ ಕೊರ್ಪುಂಡು ಪಂದ್ ಪಂಡೆರ್ .

ಏಪಲಾ ಲೇಖಕೆರ್ , ನಮ ದಾಯೆ ಬರೆಪ ?ಏರೆಗಾದ್ ಬರೆಪ ?ಪನ್ಪಿನೆನ್ ತೆರಿಯೊಂದು ಬರೆಯೋಡು ತಿಳಿದುಕೊಂಡು ಪಂದ್ ಪಂಡೆರ್.ಗ್ರಾಮಾಭಿವೃದ್ಧಿ ಯೋಜನೆ ೪೭೦೦ ಜ್ಞಾನವಿಕಾಸ ಕೇಂದ್ರಡ್ ೨೨೦೦ ಗ್ರಂಥಾಲಯ ಸುರು ಮಲ್ತ್ ಪೊಂಜೊವ್ಲೆಗ್ ಓದುನ ಅಭ್ಯಾಸ ಮಲ್ಪಾವೊಂದು ಉಲ್ಲಾ ಪಂದ್ ಪಂಡೆರ್ . ಮಾತೆರ್ಲ ಕನ್ನಡ ಸಾಹಿತ್ಯ ಕೃತಿಲೆನ್ ಓದುನ ಅಭ್ಯಾಸ ಬುಲೆಪಾವೊಡು ಪಂದ್ ಆರ್ ಪಂಡೆರ್.

ಮಂಜುವಾಣಿಡ್ ಪ್ರಕಟ ಆಪಿನ ಮಗಳಿಗೊಂದು ಪತ್ರ ಬೊಕ್ಕ ನಿರಂತರಡ್ ಬರ್ಪಿನ ಗೆಳತಿ ಅಂಕಣನ್ ಮಾತೆರ್ಲ ಬಾರಿ ಕುಸಿಟ್ ಓದುನ ಕುಸಿತ ಇಚಾರ ಪಂದ್ ಪಂಡೆರ್ .
ತನ್ನ ಲೇಖನದ ಸುರುಟು ಓದಿನಾರ್ ಡಿ. ವೀರೇಂದ್ರ ಹೆಗ್ಗಡೆರ್ ಪಂದ್ ಪಂಡೆರ್.

ಪೊಂಜೊವ್ಲೆನ ಪ್ರಗತಿ ಪಂಡ ಹರ್ಡಲ್ಸ್‌ ಓಟ ಇತ್ತಿಲಕ ಇಲ್ಲಡ್ , ಸಮಾಜಡ್ ಅವ್ವೆತೋ ಅಡೆ-ತಡೆನ್ ಎದುರಿಸಾದ್ ದುಂಬು ಪೋವೊಡು ಪಂದ್ ಪಂಡೆರ್.
ಪರಿವರ್ತನೆದ ಪ್ರವರ್ತಕೆರ್ ಪನ್ಪಿನ ಬಿರುದು ಕೊರ್ದು ಹೇಮಾವತಿ ಹೆಗ್ಗಡೆರೆಗ್ ಮಾನದಿಗೆ ಮಲ್ತೆರ್.ಹೇಮಾವತಿ ವೀ. ಹೆಗ್ಗಡೆರ್ ಬರೆಯಿನ ಲೇಖನದ ಸಂಗ್ರಹ ಗೆಳತಿ ಬೊಕ್ಕ ಮಗಳಿಗೊಂದು ಪತ್ರ ಕೃತಿನ್ ಲೋಕಾರ್ಪಣೆ ಮಲ್ತಿನ ಮಣಿಪಾಲದ ತರಂಗ ವಾರಪತ್ರಿಕೆ ಸಂಪಾದಕಿಡಾ. ಸಂಧ್ಯಾ ಪೈ ಪಾತೆರ್ದ್ , ಗಂಭೀರ ಸಾಹಿತ್ಯಲ್ ಇಜ್ಜಿoಡ ಸರಳ ಶೈಲಿಡ್ ಬರೆಯಿನ ಲೇಖನ ಸುಲಭ ಆದ್ ಉಂಡು .ಓದುನಕ್ಲೆನ ಮನಸ್ ಗ್ ಬೇಗ ಮುಟ್ಟುoಡು ಪಂದ್ ಪಂಡೆರ್.

ಗುರ್ಕಾರ್ಮೆ ವಹಿಸಿನ ಧರ್ಮಾಧಿಕಾರಿ ಡಿ. ವೀರೇಂದ್ರ ಹೆಗ್ಗಡೆಯವರು ಪಾತೆರ್ದ್ ಹೇಮಾವತಿ ಹೆಗ್ಡೆರ್ ಏಪಲಾ ಒಂದೊಂದೇ ಉಪ್ಪುವೆರ್ , ಸಾಹಿತ್ಯದ ಓದು, ಬರವಣಿಗೆ ಆರ್ನ ಹವ್ಯಾಸ ಆದ್ ಉಂಡು, ಮನಸ್ ಆನಗ ಲೇಖನ, ಕಥೆ, ಕವನನ್ ಬಾರಿ ಅರ್ಥ ಗರ್ಭಿತವಾದ್ ಬರೆಪೆರ್ .ನಾಟಕ, ಯಕ್ಷಗಾನ, ನೃತ್ಯ ಇಂಚ ಸಾಂಸ್ಕೃತಿಕ ಲೇಸ್ ಗ್ ಪೊಸ ಪರಿಕಲ್ಪನೆದೊಟ್ಟುಗು , ಮಾರ್ಗದರ್ಶನ, ಪ್ರೇರಣೆ ಕೊರ್ಪೆರ್ ಪಂದ್ ಪುಗರಿಯೆರ್.

ಸಬಲೀಕರಣಗ್ ಆರ್ನ ಕೊಡುಗೆ ಮಲ್ಲ .ಇತ್ತೇ ಎಸ್.ಡಿ.ಎಂ. ಶಿಕ್ಷಣ ಸಂಸ್ಥೆಡ್ ಶೇಕಡಾ ೭೦ ದಾತ್ ಪೊಣ್ಣು ಜೋಕುಲು ಬೊಕ್ಕ ಶೇ.೩೦ ವಿದ್ಯಾರ್ಥಿಲು ಉಲ್ಲೆರ್ .ಗ್ರಾಮಾಭಿವೃದ್ಧಿ ಯೋಜನೆಡ್ ಲಾ ಶೇ.೮೦ ದಾತ್ ಮಹಿಳಾ ಉದ್ಯೋಗಿಲು ಬೊಕ್ಕ ಶೇ ೨೦ದಾತ್ ಆಣುಲು ಉಲ್ಲೆರ್ ಪಂದ್ ಪಂಡೆರ್.ಗ್ರಾಮಾಭಿವೃದ್ಧಿ ಯೋಜನೆದ ಕಾರ್ಯನಿರ್ವಾಹಕೆರಾಯಿನ ನಿರ್ದೇಶಕ ಡಾ.ಎಲ್.ಎಚ್.ಮಂಜುನಾಥ್ ಬತ್ತಿ ಬಿನ್ನೆರೆನ್ ಎದುಕೊಂಡೆರ್ .ಯೋಜನಾಧಿಕಾರಿ ಚೇತನಾ ಸೊಲ್ಮೆ ಸಂದೈತ ಮಲ್ತೆರ್ .ಮಮತಾ ಹರೀಶ್‌ ರಾವ್‌ ಲೇಸ್ ನಡಪಾದ್ ಕೊರಿಯೆರ್.