ಉಡುಪಿ : ಕಾಪು ಶ್ರೀ ಪೊಸ ಮಾರಿಗುಡಿ ದೇವಸ್ಥಾನದ ಉಚ್ಚಂಗಿ ಸಹಿತ ಶ್ರೀ ಮಾರಿಯಮ್ಮ ದೇವಿನ ಪುಣ್ಯ ನಡೆಟ್ಟ್ ಕಡೀರ್ದ (ಪ್ರಥಮ ವರ್ಷದ) ಪ್ರತಿಷ್ಠಾ ವರ್ಧಂತಿ ಮಹಾ ಉಚ್ಚಯ 2026ನೇ ಫೆಬ್ರವರಿ 28 ತಾರೀಕ್ರ್ದ್ ಮಾರ್ಚ್ 2 ಮುಟ್ಟ ಕ್ಷೇತ್ರದ ಪ್ರಧಾನ ತಂತ್ರಿಲಾಯಿನ ಕೊರಂಗ್ರಪಾಡಿ ವಿದ್ವಾನ್ ಶ್ರೀ ಕೆ. ಪಿ ಕುಮಾರಗುರು ತಂತ್ರಿಲೆನ ಮಾರ್ಗದರ್ಶನೊಡು ಅಂಚೆನೆ ಪ್ರಧಾನ ಅರ್ಚಕೆರ್ ವೇ| ಮೂ| ಶ್ರೀ ಶ್ರೀನಿವಾಸ ತಂತ್ರಿಲೆನ ಒಟ್ಟುಸೇರಿಗೆಡ್ ನಡಪರೆ ಉಂಡು. ಅಂಚೆನೆ ಸಾರ ಸಾರ ಸಂಖ್ಯೆಡ್ ಭಕ್ತೆರ್ ಶ್ರೀ ಕ್ಷೇತ್ರಗ್ ಭೇಟಿ ಕೊರ್ರೆ ಉಪ್ಪುನೆರ್ದಾವರ “ಮಾತೃ ವೈಭವ” ಕಾರ್ಯಕ್ರಮ ನಡಪರೆ ಉಂಡು ಪಂದ್ ಪತ್ರಿಕಾಗೋಷ್ಠಿಡ್ ಆಡಳಿತ ಸಮಿತಿದಕುಲು ತೆರಿಪಾಯೆರ್.
ಫೆ. 28 ಶನಿವಾರ ಕಾಂಡೆ 8:30 ರ್ದ್ ಸಾಮೂಹಿಕ ಪ್ರಾರ್ಥನೆ, ಸ್ವಸ್ತಿ ಪುಣ್ಯಾಹವಾಚನ, ಆರಣಿಮಥನ, 6 ತಾರಾಯಿದ ಗಣಯಾಗ, ನವಗ್ರಹ ಹೋಮ, ಮೃತ್ಯುಪಂಚಕ ಪೂಜೆ “ಶ್ರೀಚಂಡೀಪುರಶ್ಚರಣಮ್” ಬಯ್ಯಡ್ ಗಂಟೆ 6 ರ್ದ್ ವಾಸ್ತುಹೋಮ, ವಾಸ್ತು ಪೂಜಾ, ಸುದರ್ಶನ ರಕ್ಷಾಪಕ್ರಿಯೆ ಪೂಜೆ ನಡಪರೆ ಉಂಡು. ಮಾರ್ಚ್ 1 ಐತಾರ ಕಾಂಡೆ 8 ಗಂಟೆರ್ದ್ ಶ್ರೀಸಪ್ತಮಾತೃಕಾ ಕಲ್ಪಮಹಾಯಾಗ, ಸಪ್ತಮಾತೃಕಾ ಬಲಿದಾನಮ್ ಬೊಕ್ಕ ಮಹಾಪೂರ್ಣಾಹುತಿ ಆದ್ ಪ್ರಸಾದ ವಿತರಣೆ ಆವರೆ ಉಂಡು. ಬಯ್ಯಡ್ 6 ಗಂಟೆರ್ದ್ ವನದುರ್ಗಾ ಮಂತ್ರಹೋಮ ಬೊಕ್ಕ ಯೋಗಿನೀ ಬಲಿ ಪೂಜಾದಿ ನಡಪರೆ ಉಂಡು.
ಮಾ.2 ಸೋಮವಾರ ಕಾಂಡೆ ಗದ್ದಿಗೆದ ಶ್ರೀಚಕ್ರಯಂತ್ರೋದ್ದಾರಮ, ಶ್ರೀವಿದ್ಯಾ ಶ್ರೀಚಕ್ರಯಂತ್ರ ಪೂಜಾ ಬೊಕ್ಕ ದಿವ್ಯ ಶ್ರೀಚಕ್ರ ಯಂತ್ರದರ್ಶನ, ಖಡ್ಗಮಾಲಾಮಂತ್ರ ಹೋಮ, 11 ಗಂಟೆರ್ದ್ ಶ್ರೀಯಂತ್ರಪ್ರಸನ್ನಪೂಜಾ ನಡಪರೆ ಉಂಡು. ಬಯ್ಯಡ್ 5 ಗಂಟೆರ್ದ್ ಚತುಷಷ್ಠಿ, ಉಪಚಾರ ಪೂಜಾ, ಅಷ್ಟಾವಧಾನ ಸೇವಾ ಮಹಾಪೂಜೆ, ಗದ್ದಿಗೆಡ್ ಶ್ರೀ ಚಕ್ರ ಯಂತ್ರದ ಪುನರ್ ಸ್ಥಾಪನೆ ಬೊಕ್ಕ ಪ್ರಸಾದ ವಿತರಣೆ ನಡಪರೆ ಉಂಡು. ಪ್ರತಿಷ್ಠಾ ವರ್ಧಂತಿದ ಈ ಪರ್ವ ಕಾಲಡ್ ವರ್ಷದ ಒಂಜಿ ದಿನ ಮಾತ್ರ ಅಮ್ಮನ ಶ್ರೀಚಕ್ರ ಯಂತ್ರದ ದರ್ಶನೊಗು ಭಕ್ತೆರೆಗ್ ಅವಕಾಶ ಉಂಡು. ಈ ಮೂಜಿ ದಿನಟ್ಟ್ ಮಧ್ಯಾಹ್ನ 12 ರ್ದ್ 3 ಗಂಟೆ ಮುಟ್ಟ ಬೊಕ್ಕ ರಾತ್ರಿ 7 ರ್ದ್ 9 ಮುಟ್ಟ ಮಹಾ ಅನ್ನಪ್ರಸಾದ ಸಂತರ್ಪಣೆ ನಡಪರೆ ಉಂಡು.ಬಯ್ಯಡ್ ಧಾರ್ಮಿಕ ಸಭಾ ಕಾರ್ಯಕ್ರಮ, ಸ್ಥಳೀಯ ಪ್ರತಿಭೆಗಳ ಸಾಂಸ್ಕೃತಿಕ ಕಾರ್ಯಕ್ರಮದ ಪ್ರದರ್ಶನ, ಆಯ್ದ ತಂಡರ್ದ್ ಭಜನಾ ಕಾರ್ಯಕ್ರಮ ನಡಪರೆ ಉಂಡು.
ಫೆ.28 ರಾತ್ರೆ 8 ಗು ಗೋಲ್ಡನ್ ಬುಕ್ ಆಫ್ ವರ್ಲ್ಡ್ ರೆಕಾರ್ಡ್ ಹೋಲ್ಡರ್ ಝೀ ಕನ್ನಡ ಸರಿಗಮಪ ಖ್ಯಾತಿದ ವಿದ್ವಾನ್ ಯಶವಂತ್ ಎಂ.ಜಿ. ಬಳಗರ್ದ್ “ಗಾನ ವೈಭವ”, ಮಾರ್ಚ್ 1 ರಾತ್ರಿ 8 ಗಂಟೆಗ್ ಕಾಪು ಅಮ್ಮನ ಮಕ್ಕಳ ತಂಡ ಪುಣೆ ಘಟಕರ್ದ್ “ಸಿಂಧೂರ” ವಿಶೇಷ ನೃತ್ಯ ರೂಪಕ, 8.30 ಗಂಟೆಗ್ ಸಾಯಿಶಕ್ತಿ ಕಲಾ ಬಳಗರ್ದ್ ಜೋಡು ಜೀಟಿಗೆ ಭಕ್ತಿ ಪ್ರಧಾನ ತುಳು ನಾಟಕ, ಮಾ.2 ಕ್ಕ್ ರಾತ್ರೆ 8 ಗಂಟೆರ್ದ್ ಚೈತನ್ಯ ಕಲಾವಿದರು ಬೈಲೂರು ಮೊಕ್ಲೆನ “ರಾಘು ಮಾಸ್ಟ್ರು ” ತುಳುನಾಟಕ ನಡಪರೆ ಉಂಡು.
ಫೆ. 28 ರ್ದ್ ಮಾ. 4 ಮುಟ್ಟ ಕಾಂಡೆ 10 ಗಂಟೆರ್ದ್ ರಾತ್ರಿ 9 ರ್ದ್ ಮುಟ್ಟ ಬೃಹತ್ ವಸ್ತು ಪ್ರದರ್ಶನ ಮತ್ತು ಕೈಮಗ್ಗ ಸೀರೆ – ಖಾದಿ ಕೃಷಿ – ಕೌಶಲ – ಆಹಾರ ಮಾರಾಟ ಮೇಳ ನಡಪರೆ ಉಂಡು ಪಂದ್ ತೆರಿಪಾಯೆರ್.
ಪತ್ರಿಕಾಗೋಷ್ಠಿಡ್ ಶ್ರೀ ಹೊಸ ಮಾರಿಗುಡಿ ದೇವಸ್ಥಾನ ವ್ಯವಸ್ಥಾಪನಾ ಸಮಿತಿ ಅಧ್ಯಕ್ಷೆರ್ ನಡಿಕೆರೆ ರತ್ನಾಕರ ಶೆಟ್ಟಿ, ಕಾರ್ಯನಿರ್ವಹಣಾಧಿಕಾರಿ ರವಿಕಿರಣ್, ಅಭಿವೃದ್ಧಿ ಸಮಿತಿ ಪ್ರಧಾನ ಕಾರ್ಯದರ್ಶಿ ರಮೇಶ್ ಹೆಗ್ಡೆ ಕಲ್ಯ, ಉಪಾಧ್ಯಕ್ಷ ಮಾಧವ ಆರ್. ಪಾಲನ್, ಪ್ರಚಾರ ಸಮಿತಿ ಪ್ರಧಾನ ಸಂಚಾಲಕ ಯೋಗೀಶ್ ಶೆಟ್ಟಿ ಬಾಲಾಜಿ, ಮೊಕ್ತೇಸರೆರಾಯಿನ ಶೇಖರ್ ಸಾಲ್ಯಾನ್, ಎಸ್. ಶೆಟ್ಟಿ, ಚರಿತಾ ದೇವಾಡಿಗ, ಪ್ರಭಾಕರ ಪೂಜಾರಿ, ಜಯರಾಮ ಆಚಾರ್ಯ, ರಘುರಾಮ ಶೆಟ್ಟಿ ಇತ್ತೆರ್.
ಪುದೆ ಕಾಣಿಕೆ ಮೆರವಣಿಗೆ
ಫೆ. 26 ಗುರುವಾರ ಮದ್ಯಾಹ್ನ 4 ಗಂಟೆಗ್ ಶ್ರೀಕ್ಷೇತ್ರ ದಂಡತೀರ್ಥ ಮಠರ್ದ್ ಗೌಜಿದ ಪುದೆ (ಹಸಿರುವಾಣಿ) ಕಾಣಿಕೆ ಮೆರವಣಿಗೆ, ಶೋಭಾಯಾತ್ರೆ ನಡಪರೆ ಉಂಡು.