ರೌಡಿ ಶೀಟರ್ ಸುಜಿತ್ ಪಿಂಟೋ ಕೊಲೆ, ಆರೋಪಿ ಅರೆಸ್ಟ್ ?

ಉಡುಪಿ : ಬ್ರಹ್ಮಾವರ ತಾಲೂಕು ಬೈಕಾಡಿಡ್ ಅಂಗಾರೆ ರಾತ್ರಿ ‘ರೌಡಿ ಶೀಟರ್’ ಒರಿಯನ್ ರಾಡ್‌‌ಡ್ ಹಾಕ್‌ದ್ ಕೊಲೆ ಮಲ್ದಿನ ಘಟನೆ ನಡದ್ಂಡ್.
ಕೊಲೆ ಆಯಿನರೆನ್ ಬೈಕಾಡಿದ ಸುಜಿತ್ ಪಿಂಟೋ ಪಂದ್ ಗುರ್ತಿಸಾದೆರ್.
“ಕೊಲೆ ಆಯಿನ ಸುಜಿತ್ ಪಿಂಟೋ ಮಣಿಪಾಲದ ಬಾರ್‌‌ಡ್ ಕ್ರಿಮಿನಲ್ ಹಿನ್ನೆಲೆದ ಗುರುಭಟ್‌‌ ಕೊಲೆ ಹತ್ಯೆ, ಹಿರಿಯಡ್ಕ ಕೋಟ್ನಕಟ್ಟೆಡ್ ರೌಡಿಶೀಟರ್ ವರ್ವಾಡಿ ಪ್ರವೀಣ್‌ ಕುಲಾಲ್ ಕೊಲೆಗ್ ಸುಜಿತ್ ಪಿಂಟೋ ಸುಪಾರಿ ಕೊರ್ದಿತ್ತೆ. ಕೆಲವು ಕ್ರಿಮಿನಲ್ ಕೇಸ್‌ಡ್ ಭಾಗಿಯಾದಿತ್ತೆ ” ಪಂದ್ ಪೊಲೀಸೆರ್ ತೆರಿಪಾದೆರ್.
ಉಡುಪಿ ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಹರಿರಾಂ ಶಂಕರ್, ಡಿವೈಎಸ್ಪಿ ಬೆಳ್ಳಿಯಪ್ಪ ಹಾಗೂ ಬ್ರಹ್ಮಾವರ ವೃತ್ತ ನಿರೀಕ್ಷಕ ಗೋಪಿಕೃಷ್ಣ ಭೇಟಿ ಕೊರ್ದು ಪರಿಶೀಲನೆ ಮಲ್ದೆರ್.
ಸುಜಿತ್ ಪಿಂಟೊನ ಇಲ್ಲಗ್ ಸಾಮಾಗ್ರಿ ಪೂರೈಕೆ ಮಲ್ಪುನ ರಿಕ್ಷಾ ಚಾಲಕೆ ಪ್ರಮೋದ್ ಕೊಲೆ ಆರೋಪಿ ಪಂದ್ ತೆರಿಪಾಯಿನ ಪೊಲೀಸೆರ್ ಆಯನ್ ಅರೆಸ್ಟ್ ಮಲ್ದಿನ ಮಾಹಿತಿ ಕೊರ್ತೆರ್.