ಕುಡ್ಲ : “ಜಯಕಿರಣ ಫಿಲಂಸ್ ಲಾಂಛನಡ್ ಪ್ರಕಾಶ್ ಪಾಂಡೇಶ್ವರ್ ನಿರ್ಮಾಣ ಅಂಚೆನೆ ಕೆ. ಸೂರಜ್ ಶೆಟ್ಟಿ ನಿರ್ದೇಶನದ “ನಾನ್ ವೆಜ್” ತುಳು ಸಿನಿಮಾ ಫೆಬ್ರವರಿ 6 ಕರಾವಳಿ ಜಿಲ್ಲೆಡ್ ಬಿಡುಗಡೆ ಆವರೆ ಉಂಡು. ಈ ಪಿಕ್ಚರ್ನ್ ಮಾತ ಮಲ್ಟಿಪ್ಲೆಕ್ಸ್ಡ್ಲ ಕಾಲಿ 99 ರೂ. ಗ್ ತೂವೊಲಿ ಪಂದ್ ಚಿತ್ರದ ನಿರ್ಮಾಪಕೆರ್ ಪ್ರಕಾಶ್ ಪಾಂಡೇಶ್ವರ್ ತೆರಿಪಾಯೆರ್. ಪತ್ರಿಕಾಗೋಷ್ಠಿ ಡ್ ಪಾತೆರ್ನ ಆರ್, ಮಲ್ಟಿಪ್ಲೆಕ್ಸ್ ಲೆಡ್ ಟಿಕೆಟ್ ಗ್ ಮಸ್ತ್ ದುಡ್ಡು ಕೊರ್ದು
ಸಿನಿಮಾ ತೂವರೆ ಆವಂದಿನಕುಲು ಇಂಚಿನ ಒಂಜಿ ಎಡ್ಡೆ ಸಿನಿಮಾನ್ ಮಿಸ್ ಮಲ್ಪರೆ ಬಲ್ಲಿ ಪನ್ಪಿನ ಉದ್ದೇಶಡ್ 99 ರೂ. ಟಿಕೆಟ್ ಮಲ್ದಿನಿ ಪಂದ್ ಪಂಡೆರ್.
”ತುಳುನಾಡ ಪ್ರತಿಭೆಲೆರ್ದ್ ತಯಾರಾಯಿನ ನಾನ್ವೆಜ್ ಸಿನಿಮಾಡ್ ಭಿನ್ನ ಕಥೆ ಉಂಡು ಹೊಂದಿದೆ. ಸು ಫ್ರಂ ಸೋ ಸಿನಿಮಾದ ಹೆಚ್ಚಿನ ಕಲಾವಿದೆರ್ ನೆಟ್ ಲ ಉಲ್ಲೆರ್. ಪ್ರಮುಖ ಪಾತ್ರಡ್ ಪ್ರಕಾಶ್ ತೂಮಿನಾಡು, ಪುಷ್ಪರಾಜ್ ಬೊಳ್ಳಾರು, ದೀಪಕ್ ರೈ ಪಾಣಾಜೆ, ವಿಸ್ಮಯ ವಿನಾಯಕ್, ರೂಪಾ ವರ್ಕಾಡಿ ನಟನೆ ಮಲ್ದೆರ್. ಹೀರೊಯಿನ್ ಸಂಜನಾ ಬುರ್ಲಿ. ಕುಸೇಲ್ದರಸೆ ನವೀನ್ ಡಿ. ಪಡೀಲ್ ಪ್ರಮುಖ ಪಾತ್ರಡ್ ಉಲ್ಲೆರ್. ಭರವಸೆದ ನಾಯಕ ನಟೆ ಅಥರ್ವ ಪ್ರಕಾಶ್ ಪ್ರಮುಖ ಪಾತ್ರಡ್ ಉಲ್ಲೆರ್ ಪಂದ್ ಆರ್ ತೆರಿಪಾಯೆರ್.
ಚಿತ್ರದ ನಿರ್ದೇಶಕ ಸೂರಜ್ ಶೆಟ್ಟಿ ಪಾತೆರ್ದ್ ”ಪಿಕ್ಚರ್ಡ್ ಕಾಮಿಡಿಗ್ ಬರನೆ ಇಜ್ಜಿ. ಮನೋರಂಜನೆಲ ಕಮ್ಮಿ ಇಜ್ಜಿ, ಸಂದೇಶ – ಕಥೆಯೂ ಅದ್ಭುತವಾದುಂಡು ಪಂದ್ ಪಂಡೆರ್.
ಪತ್ರಿಕಾಗೋಷ್ಠಿಡ್
ನಾಯಕನಟೆ ಅಥರ್ವ ಪ್ರಕಾಶ್, ವಿಸ್ಮಯ ವಿನಾಯಕ್, ಬಾಳ ಜಗನ್ನಾಥ ಶೆಟ್ಟಿ ಇತ್ತೆರ್.