ಕುಡ್ಲ: ಚಿಲಿಂಬಿಗುಡ್ಡೆ ಶ್ರೀ ರಾಮಾಂಜನೇಯ ಯುವಕ ಮಂಡಲ (ರಿ.) ದ 39ನೇ ವರ್ಷೊದ ಉಚ್ಚಯ ಜ.6 ಅಂಗಾರೆದಾನಿ ನಡತ್ಂಡ್.
ಈ ಲೇಸ್ ಉದಿಪನನ್ ಉರ್ವ ಶ್ರೀ ಕೊರಗಜ್ಜ ಕ್ಷೇತ್ರದ ಅಧ್ಯಕ್ಷೆರ್ ರಾಜೇಶ್ ಉರ್ವ ಮೇರ್ ಮಲ್ತೆರ್. ಬೊಕ್ಕ ಗಣಹೋಮ, ಸಾರ್ವಜನಿಕ ಶ್ರೀ ಸತ್ಯ ನಾರಾಯಣ ಪೂಜೆ ನಡತ್ಂಡ್.
ನೆತ್ತ ಸಭಾ ಲೇಸ್ ದ ಅಧ್ಯಕ್ಷತೆನ್ ಕುಡ್ಲ ವಿಧಾನಸಭಾ ಕ್ಷೇತ್ರದ ಶಾಸಕೆರ್ ಡಿ ವೇದವ್ಯಾಸ ಕಾಮತ್ ಒಯಿಸೊಂದಿತ್ತೆರ್.
ಮಲ್ಲ ಬಿನ್ನೆರಾದ್ ಮಂಗಳೂರು ಮಹಾನಗರ ಪಾಲಿಕೆದ ಮಾಜಿ ಮೇಯರ್ ಎಂ.ಶಶಿಧರ್ ಹೆಗಡೆ , ನಿವೃತ್ತ ಭಾರತೀಯ ಸೇನಾಧಿಕಾರಿ ನರೇಶ್ ಪೈ, ರಾಜ್ ಗೋಪಾಲ್ ರೈ, ಲೇಡಿಹಿಲ್ ವಿಕ್ಟೋರಿಯಾ ಶಾಲೆದ ಭೌತ ಶಾಸ್ತ್ರ ಶಿಕ್ಷಕಿ ವಿಲ್ಮಾ ಲೋಬೋ, ವಕೀಲೆರ್ ನಮೃತ ಶೆಟ್ಟಿ ಬೊಕ್ಕ ಯುವಕ ಮಂಡಲದ ಅಧ್ಯಕ್ಷೆರ್ ಶ್ಯಾಮ್ ಸುಂದರ್ , ಮಹಿಳಾ ಉಪಾಧ್ಯಕ್ಷೆರ್ ಸುನೀತಾ ಪ್ರದೀಪ್ ಚಾವಡಿಡ್ ಪಾಲ್ ಪಡೆದಿತ್ತೆರ್.
ಅಂಚೆನೆ ಇಂಚಿಪ್ಪ ಸ್ಕೇಟಿಂಗ್ ಡ್ ಶಾಸ್ತ್ರೀಯ ನೃತ್ಯ ಮಲ್ತ್ ದ್ ಗೋಲ್ಡನ್ ಬುಕ್ ಆಫ್ ರೆಕಾರ್ಡ್ ಡ್ ದಾಖಲೆ ಮಲ್ತಿನ ಕುಮಾರಿ ಶ್ರಾವ್ಯ ಯು, ಆಸ್ಕರ್ ಬುಕ್ ಆಫ್ ರೆಕಾರ್ಡ್ ಡ್ ದಾಖಲೆ ಮಲ್ತಿನ ಸಾಧ್ವಿ ಶೆಟ್ಟಿ, ನಿವತ್ತ ಭಾರತೀಯ ಸೇನಾಧಿಕಾರಿ ನರೇಶ್ ಪೈ, ರಾಜ್ಯ ಮಟ್ಟದ ಉತ್ತಮ ಶಿಕ್ಷಕಿ ಪ್ರಶಸ್ತಿ ದೆತ್ತೊನ್ನ ವಿಲ್ಮಾ ಲೋಬೋ ಮೊಕ್ಲೆಗ್ ಮಾನಾದಿಗೆ ಮಲ್ತ್ ದ್ ಸನ್ಮಾನ ಮಲ್ತೆರ್.
ಅವೆರ್ದ್ ಬೊಕ್ಕ ಯುವಕ ಮಂಡಲದ ಜೋಕ್ಲೆರ್ದ್ ಸಾಂಸ್ಕೃತಿಕ ಲೇಸ್ ಬೊಕ್ಕ ಬೆನಕ ಆರ್ಟ್ಸ್ ಕುಡ್ಲ ಕೂಟದಕ್ಲೆರ್ದ್ ಪೊರಿಪುದ್ದಪ್ಪೆ ಜಲ ದುರ್ಗೆ ಪನ್ಪಿನ ನಾಟಕ ನಡತ್ಂಡ್. ಈ ಪೊರ್ತುಡು ಕೈತಲ್ದ ಪ್ರಮುಖೆರ್ ಚರಿತ್ ಪೂಜಾರಿ, ಸುನಂದಾ ಕೊಟ್ಟಾರ ಕ್ರಾಸ್, ಸುರೇಖಾ ಕೊಟ್ಟಾರ ಪಾಲ್ ಪಡೆದಿತ್ತೆರ್. ಯುವಕ ಮಂಡಲದ ಮುಖ್ಯ ಶಿಕ್ಷಕೆರ್ ರವೀಶ್ ಲೇಸ್ ನ್ ಸುಧಾರಿಕೆ ಮಲ್ತೆರ್.