ಹೊಸದಿಲ್ಲಿ: ಸುಮಾರ್ 375 ವರ್ಷೊದ ಪಿರವು ಕಡಲ್ ದಡಿಟ್ಟ್ ನಾಪತ್ತೆ ಆದಿತ್ತಿನ ಖಂಡವೊಂಜೆನ್ ಭೂವಿಜ್ಞಾನಿಲು ಪತ್ತೆ ಮಲ್ತ್ ದ್, ನೆಕ್ಕ್ 8ನೇ ಖಂಡದ ತಾನ ಕೊರ್ತೆರ್. ಉಂದು ಜಗತ್ತ್ ದ ಮಸ್ತ್ ಎಲ್ಯ ಖಂಡ ಆತ್ಂಡ್.
ವಿಜ್ಞಾನಿಲು ಬೊಕ್ಕ ಭೂಕಂಪಶಾಸ್ತ್ರಜ್ಞೆರೆನ ಕೂಟವೊಂಜಿ ಈ ಖಂಡನ್ ಪತ್ತೆ ಮಲ್ಪುನಲ್ಪ ಯಶಸ್ವಿ ಆತ್ಂಡ್. ಕಡಲ್ ದ ಅಡಿರ್ದ್ ದೆತ್ತಿನ ಬಂಡೆದ ಮಾದರಿಲೆರ್ದ್ ಪಡೆಯಿನ ದತ್ತಾಂಶನ್ ಗಲಸೊಂದು ಸಂಶೋಧಕೆರ್ ನೆನ್ ನಾಡ್ ಪತ್ತ್ ದೆರ್. ಈ ಪೊಸ ಖಂಡಗ್ ಝೀಲ್ಯಾಂಡಿಯಾ ಪಂದ್ ಪುದರ್ ದೀತೆರ್. ನೆಕ್ಕಾದ್ ಪೊಸ ನಕಾಸೆ ಬುಡುಗಡೆ ಮಲ್ದೆರ್.
ಈ ಖಂಡದ ಶೇ.94 ದಾತ್ ಭಾಗಡ್ ನೀರುಂಡು, ನ್ಯೂಜಿಲೆಂಡ್ ದಂಚೆನೇ ಕೆಲವೇ ಕೆಲವು ದ್ವೀಪಲು ಉಂಡು. ಝೀಲ್ಯಾಂಡಿಯಾ 1.89 ದಶಲಕ್ಷ ಚದರ ಮೈಲ್ ಜಾಗೆಡ್ ಉಂಡು.
pallavi shetty