ಉಬಾರ್ ದ ಮೇಸ್ತ್ರಿಗ್ ಕೇರಳ ಲಾಟರಿಡ್ ತಿಕ್ಂಡ್ 50 ಲಕ್ಷ ರೂ.!

ಉಬಾರ್: ಕೇರಳ ರಾಜ್ಯ ಲಾಟರಿಡ್ ಉಬಾರ್ ದ ಇಳಂತಿಲ ನಿವಾಸಿ ಚಂದ್ರಯ್ಯ ಮೇರ್ 50 ಲಕ್ಷ ರೂ. ಇನಾಮು ಗೆಂದ್ ದೆರ್.

ಮೇಸ್ತ್ರಿ ಆಯಿನ ಚಂದ್ರಯ್ಯ ಮೇರ್ ಕಾನತ್ತೂರು ದೇವಲ್ಯಗ್ ಪೋಯಿನ ಪೊರ್ತುಡು ಕಾಸ್ರೋಡುಡ್ ಇಪ್ಪುನ ಬೊಲ್ಪು ಲಕ್ಕಿ ಲಾಟರಿ ಏಜೆನ್ಸಿಡ್ 500 ರೂ.ದ ಓಣಂ ಬಂಪರ್ ಲಾಟರಿ ಟಿಕೆಟ್ ದೆತೊಂದೆರ್. ಇತ್ತೆ ಮೇರ್ ದೆತೊನ್ನ ಟಿಕೆಟ್‌ಗ್ ಬಂಪರ್ ಇನಾಮು 50ಲಕ್ಷ ರೂ. ಬೈದ್ಂಡ್.

ನೆರ್ದ್ ದುಂಬು ಉಂದುವೇ ಬೊಲ್ಪು ಲಕ್ಕಿ ಲಾಟರಿ ಏಜೆನ್ಸಿದ ಮುಖೇನ ಟಿಕೆಟ್ ದೆತೊನ್ನ ಉಬಾರ್ ಕೆಂಪಿಮಜಲುದ ಆನಂದ ಟೈಲರ್ (72) ಗ್ 80 ಲಕ್ಷ ರೂ. ಇನಾಮು ಬತ್ತ್ ದ್ ಇತ್ತ್ಂಡ್. ಅಂಚಾದ್ ಉಂದು ರಡ್ಡನೇ ಸರ್ತಿ ಉಬಾರ್ ಗ್ ಅದೃಷ್ಟ ಲಕ್ಷ್ಮೀ ಒಲಿದ್ಂಡ್.