ತುಳುನಾಡ ಪೊರ್ಲು ಚಾರಿಟೇಬಲ್ ಟ್ರಸ್ಟ್ ಮಿಜಾರ್ ಮುತಾಲಿಕೆಡ್ ಬಡಪತ್ತ್ ದ ಕುಟುಂಬಗ್ ಪನವುದ ಸಕಾಯ

ತುಳುನಾಡ ಪೊರ್ಲು ಚಾರಿಟೇಬಲ್ ಟ್ರಸ್ಟ್ (ರಿ‌.) ಮಿಜಾರ್ ದ ಮುತಾಲಿಕೆಡ್ ಬಡಪತ್ತ್ ದ ಕುಟುಂಬಗ್ ಪನವುದ ಸಕಾಯ ಮಲ್ತೆರ್.

ಕಾರ್ಲ ತಾಲೂಕ್ ದ ಕೆರ್ವಾಸೆ ನಿವಾಸಿ ಸಂತೋಷ್ ಪೂಜಾರಿ ಮೇರ್ ಮೆದುಳುದ ನರತ್ತ ಸಮಸ್ಯೆ ಡ್ ಉಲ್ಲೆರ್. ಕುಡ್ಲದ ಕೆ.ಎಸ್. ಹೆಗ್ಡೆ ಬೊಕ್ಕ ಕೆಎಂಸಿ ಆಸ್ಪತ್ರೆಡ್ Neuro interventional ಶಸ್ತ್ರಚಿಕಿತ್ಸೆ ಪಡೆದ್ ಇತ್ತೆ ವೈದ್ಯೆರೆನ ಸಲಹೆದಂಚೆನೆ ವಿಶ್ರಾಂತಿ ಪಡೆವೊಂದು ಉಲ್ಲೆರ್. ನೆಕ್ಕ್ ಸುಮಾರ್ 6.50 ಲಕ್ಷ ಖರ್ಚಾತ್ಂಡ್. ಸಾಲ ಮಲ್ತ್ ದ್ ಶಸ್ತ್ರಚಿಕಿತ್ಸೆ ಮಲ್ಪದೆರ್.

ರಿಕ್ಷಾ ಡ್ರೈವರ್ ಆಯಿನ ಮೇರ್ ಬೊಡೆದಿ ಬೊಕ್ಕ ಮೂಜಿ ಎಲ್ಯ ಜೋಕುಲೆನೊಟ್ಟಿಗೆ ಜೀವನ ನಿರ್ವಹಣೆ ಮಲ್ತೊಂದು ಉಲ್ಲೆರ್. ಇತ್ತೆ ವೈದ್ಯೆರ್ ಕನಿಷ್ಠ 6 ತಿಂಗೊಲ್ ವಿಶ್ರಾಂತಿ ಪಡೆಯರೆ ಪಂಡಿನೆರ್ದಾವರ ಜೀವನ ನಿರ್ವಹಣೆ ಕಷ್ಟ ಸಾಧ್ಯ ಆತ್ಂಡ್. ಅಂಚಾದ್ ಮೇರ್ ನನದ ಚಿಕಿತ್ಸೆಗ್ ಬೊಕ್ಕ ಜೀವನ ನಿರ್ವಹಣೆಗ್ ಸಹಕರಿಸಾಯೆರೆ ತುಳುನಾಡ ಪೊರ್ಲು ಚಾರಿಟೇಬಲ್ ಟ್ರಸ್ಟ್ (ರಿ.) ಮಿಜಾರ್ ದ ಕೂಟಗ್ ಬಿನ್ನಾಪು ಮಲ್ದೆರ್. ಮೆರೆನ ಬಿನ್ನಾಪುಗ್ ಸ್ಪಂದಿಸಾಯಿನ ಈ ಕೂಟ 20 ಸಾರ ರೂ.ದ ಚೆಕ್ ನ್ ಮಾರಿಗುಡಿ ದೇವಲ್ಯದ ನಾರಾಯಣ ಅರ್ಚಕೆರೆನ ಮುಖೇನ ಪಟ್ಟಿಯೆರ್. ಈ ಪೊರ್ತುಡು ಪದಾಧಿಕಾರಿಲು ಸೇವಾ ದಾನಿಲು ಪಾಲ್ ಪಡೆದಿತ್ತೆರ್.