ಬೆಂಗ್ಲೂರು: ತುಳುನಾಡ ಜವನೆರ್ ಬೆಂಗಳೂರು ಮೊಕ್ಲೆನ ಮುತಾಲಿಕೆಡ್ ಬೆಂಗ್ಲೂರುದ ರಾಜಬೂಡುಡು ಗರ್ದ್ ಗಮ್ಮತ್ ದ ಪರ್ಬ “ಅಸ್ಟೆಮಿದ ಐಸಿರ ತುಳುವ ತಿರ್ಲ್ ಸಾಸಿರ” ಲೇಸ್ ಸೆ.24 ಐತಾರದಾನಿ ಬೆಂಗ್ಲೂರುದ ವಿಜಯನಗರ ಮೆಟ್ರೋ ಸ್ಟೇಷನ್ ಕೈತಲ್ ಬಂಟರ ಸಂಘದ ಚಾವಡಿಡ್ ಕಾಂಡೆ 9 ಗಂಟೆರ್ದ್ ರಾತ್ರೆ 9 ಗಂಟೆ ಮುಟ ನಡಪರೆ ಉಂಡು.
ಈ ಲೇಸ್ ದ ಕಲೊಟ್ಟು ಪ್ರಣವಂ ಕುಡ್ಲ ಮೊಕ್ಲೆರ್ದ್ ಚೆಂಡೆ ನಲಿಕೆ, ರಂಗ್ ಗ್ ಪದರಂಗ್ ವಿದ್ಯಾಭೂಷಣ್, ವಿಠಲ್ ನಾಯಕ್ ಮೊಕ್ಲೆರ್ದ್ ಗೀತಾ ಸಾಹಿತ್ಯ ಸಂಭ್ರಮ, ಬಲ್ಲ್ ದ ಬಿರ್ಸೆರ್ ಹಗ್ಗಜಗ್ಗಾಟ, ಪಿಲಿ ನಲಿಕೆ, ಉದ್ಯಾವರ ಮಾಡದ ತಾಲೀಮು ಗೊಬ್ಬು, ದೊಂದಿ ಬೊಲ್ಪುದ ಬಯಲಾಟ ಧರ್ಮದೈವ ಪಂಜುರ್ಲಿ, ಐಸಿರ ಫ್ಯಾಶನ್ ಶೋ, ರಾಜಬೂಡುಡು ಬೋಳಗುತ್ತುದ ದೋನಿ ಬೊಕ್ಕ ಬೊಲ್ಲೆ, ಅಟಿಲ್ದ ಅರಗಣೆ ಆಹಾರ ಮೇಳ, ಸುಗಿಪು ನಲಿಪು, ಮುದ್ದುಕೃಷ್ಣ ಪಂತೊ, ಗೊಬ್ಬುದ ಕಲ, ಅಸ್ಟೆಮಿದ ಉಚ್ಚಯ, ಪಟ್ಟಾಂಗ ಕಟ್ಟೆ, ಅಟ್ಟಿ ಕಟ್ಟ್ ದ್ ಕಬತ್ ಗೊಬ್ಬು, ತುಲುವ ಬಿರ್ಸೆರೆಗ್ ತಮ್ಮನ ಬಲ್ಮನ ಈ ಮಾತಾ ಲೇಸ್ ಅಸ್ಟೆಮಿದ ಐಸಿರಡ್ ನಡಪರೆ ಉಂಡು.
pallavi shetty