ನವಚೇತನ ಸೇವಾ ಬಳಗದಕ್ಲೆರ್ದ್ ಬಡಪತ್ತ್ ದ ಕುಟುಂಬಗ್ ಪನವುದ ಸಕಾಯ

ನವಚೇತನ ಸೇವಾ ಬಳಗ (ರಿ.) ತೋಡಾರು ಸಂಸ್ಥೆದ 86ನೇ ಸೇವಾ ಯೋಜನೆದ ಲೆಕ್ಕೊಡು ಒಂಜಿ ಬಡಪತ್ತ್ ದ ಕುಟುಂಬಗ್ ಪನವುದ ಸಕಾಯ ಮಲ್ತೆರ್.

ಮುಲ್ಕಿ ತಾಲೂಕ್ ಹಳೆಯಂಗಡಿ ಕೈತಲ್ದ ಚೇಳಾಯಿರು ನಿವಾಸಿ ಕುಸುಮ ಮೇರ್ ಪಿತ್ತಕೋಶದ ಕ್ಯಾನ್ಸರ್ ದ ಸಮಸ್ಯೆಡ್ ಉಲ್ಲೆರ್. ಇತ್ತೆ ಮೆರೆಗ್ ಇಂಡಿಯನ್ ಆಸ್ಪತ್ರೆಡ್ ಕಿಮೋಥೆರಪಿ ಚಿಕಿತ್ಸೆ ನಡತೊಂದು ಉಂಡು. ಮಸ್ತ್ ಬಡಪತ್ತ್ ದ ಕುಟುಂಬ ಆಯಿರ್ನೆದಾವೆರ ಒರ್ತಿ ಮಗಲೆರ್ದ್ ಇಲ್ಲದ ಮಾತ ಜಬದಾರಿನ್ ದೆತೊನಿಯೆರೆ ಆವೊಂದು ಇಜ್ಜಿ. ಅಂಚಾದ್ ನವಚೇತನ ಸೇವಾ ಬಳಗ (ರಿ.) ತೋಡಾರು ಕೂಟರ್ದ್ ಪನವುದ ಸಕಾಯಗ್ ಬಿನ್ನಾಪು ಮಲ್ತ್ ದ್ ಇತ್ತೆರ್. ಈ ಬಿನ್ನಾಪುಗ್ ಸ್ವಂದಿಸಾಯಿನ ಕೂಟ 15 ಸಾರ ರೂ.ದ ಪನವುದ ಸಕಾಯನ್ ಕೂಟದ ಸದಸ್ಯೆರೆನ ಸಮ್ಮುಖಡ್ ಕೊರ್ತುಂಡು.