ಸೌಜನ್ಯ ಕೇಸ್ ದ ಪಿರ ತನಿಖೆಗ್ ಕಾನೂನುಡು ಅವಕಾಶ ಇಜ್ಜಿ : ಸಿಎಂ

ಸೌಜನ್ಯ ಕೇಸ್ ದ ಪಿರ ತನಿಖೆಗ್ ರಾಜ್ಯ ಸರಕಾರಗ್ ಒತ್ತಾಯ ಮಲ್ಪರೆ ನೆರ್ದ್ ದುಂಬು ತುಳುನಾಡ್ ದ ಶಾಸಕೆರೆನ ಗುಂಪು ಸಂಸದೆರ್ ನಳಿನ್ ಕುಮಾರ್ ಕಟೀಲ್ ಮೆರೆನ ಮುತಾಲಿಕೆಡ್ ರಾಜ್ಯಪಾಲೆರೆನ್ ಭೇಟಿ ಮಲ್ತ್ ದ್ ಇತ್ತ್ಂಡ್. ಬೊಕ್ಕ ತುಳುನಾಡ್ ದ ಶಾಸಕೆರ್ ಮುಖ್ಯಮಂತ್ರಿ ಸಿದ್ದರಾಮಯ್ಯ ಮೆರೆನ್ ಭೇಟಿ ಆತೆರ್. ಅಪಗ ಮೇರ್ ಸೌಜನ್ಯ ಕೇಸ್ ನ್ (Soujanya murder case) ತನಿಖೆ ನಡಪಾವೊಡು ಪಂದ್ ಬಿನ್ನಾಪು ಪತ್ರ ಸಂದಾದ್ ರಾಜ್ಯ ಸರ್ಕಾರಗ್ ಒತ್ತಾಯ ಮಲ್ದ್ಂಡ್.

ಈ ಪೊರ್ತುಡು ಸಿಎಂ ಸಿದ್ದರಾಮಯ್ಯ ಪಾತೆರ್ದ್, ಕೇಸ್ ನ್ ಪಿರ ತನಿಖೆ ಮಲ್ಪರೆ ಕಾನೂನುಡ್ ಅವಕಾಶ ಇಜ್ಜಿ. ಈ ವಿಷಯನ್ ಸೌಜನ್ಯನ ಪೋಷಕೆರೆಗ್ ಯಾನ್ ತೆರಿಪಾದೆ. ಈ ಬಗೆಟ್ಟ್ ಇತ್ತೆನೆ ಕಾನೂನು ಸಲಹೆನ್ ಯಾನ್ ಪಡೆತೆ. ಸೌಜನ್ಯನ ಪೋಷಕೆರ್ ಮೇಲ್ಮನವಿ ಸಂದಾವೊಲಿ. ಅತ್ತಂಡ ಕೇಂದ್ರಿಯ ತನಿಖಾ ಸಂಸ್ಥೆ ಸಿಬಿಐಗ್ ಮೇಲ್ಮನವಿ ಸಂದಾಯೆರೆ ಅವಕಾಶ ಇಪ್ಪುಂಡು ಪಂದ್ ಮುಖ್ಯಮಂತ್ರಿ ಸಿದ್ಧರಾಮಯ್ಯ ಮೇರ್ ತೆರಿಪಾದೆರ್ ಪಂದ್ ನಿಯೋಗಡ್ ಇತ್ತಿನ ಬಿಜೆಪಿ ಶಾಸಕೆರ್ ಸೋಷಿಯಲ್ ಮೀಡಿಯಾಡ್ ಪೋಸ್ಟ್ ಪಾಡ್ದೆರ್.

ಬೊಲ್ತೇರ್ ಡ್ ಆ.27 ಕ್ಕ್ ತುಳುನಾಡ್ ದ ಬಿಜೆಪಿ ಶಾಸಕೆರ್ ಸೌಜನ್ಯನ ನ್ಯಾಯಗ್ ಒತ್ತಾಯ ಮಲ್ತ್ ದ್ ಪ್ರತಿಭಟನೆ ಸಭೆ ನಡಪಾದೆರ್. ಆ ಸಭೆಟ್ಟ್ ಮುಖ್ಯಮಂತ್ರಿಲೆನಡೆ ಪೋದು ಕುಡ ತನಿಖೆಗ್ ಒತ್ತಾಯ ಮಲ್ಪುವ ಪಂದ್ ಆಗ್ರಹ ಮಲ್ತ್ ದ್ ಇತ್ತೆರ್.