ಅನುಪಮ್ ಅಗರ್ವಾಲ್ ಕುಡ್ಲದ ಪೊಸ ಪೊಲೀಸ್ ಕಮಿಷನರ್

ಕುಡ್ಲ: ಪೇಂಟೆದ ಪೊಸ ಪೊಲೀಸ್ ಆಯುಕ್ತೆರಾದ್ ಐಪಿಎಸ್ ಅಧಿಕಾರಿ ಅನುಪಮ್ ಅಗರ್ವಾಲ್ ಮೇರ್ ನೇಮಕ ಆತೆರ್.

ರಾಜ್ಯ ಸರ್ಕಾರ ಹಾಲಿ ಕುಡ್ಲ ಪೊಲೀಸ್ ಕಮೀಷನರಾದಿಪ್ಪುನ ಕುಲದೀಪ್ ಕುಮಾರ್ ಆರ್ ಜೈನ್ ಮೇರ್ ಸೇರಿನಂಚೆನೆ 35 ಐಪಿಎಸ್ ಅಧಿಕಾರಿಲೆನ್ ವರ್ಗಾವಣೆ ಮಲ್ದ್ಂಡ್.

ಪೊಸ ಆಯುಕ್ತೆರಾಯಿನ ಅನುಪಮ್ ಅಗರ್ವಾಲ್ 2008-ಬ್ಯಾಚ್ IPS ಅಧಿಕಾರಿ ಆದಿತ್ತೆರ್. ಮೇರ್ ಮೂಲತಃ ರಾಜಸ್ಥಾನದ ಜೋಧ್‌ಪುರದಾರ್. ನೆರ್ದ್ ದುಂಬು ಕರ್ನಾಟಕ ಪೊಲೀಸ್ ಅಕಾಡೆಮಿದ ನಿರ್ದೇಶಕೆರಾದ್ ಸೇವೆ ಸಂದಾದೆರ್. ದಾವಣಗೆರೆಟ್ಟ್ ಸಹಾಯಕ ಪೊಲೀಸ್ ವರಿಷ್ಠಾಧಿಕಾರಿಯಾದ್, ಬೆಳಗಾವಿಡ್ ಉಪ ಪೊಲೀಸ್ ಆಯುಕ್ತೆರಾದ್, ರಾಮನಗರ ಬೊಕ್ಕ ವಿಜಯಪುರಟ್ಟ್ ಪೊಲೀಸ್ ವರಿಷ್ಠಾಧಿಕಾರಿಯಾದ್ ಬೊಕ್ಕ ಯುವ ಸಬಲೀಕರಣ, ಕ್ರೀಡಾ ಇಲಾಖೆದ ನಿರ್ದೇಶಕೆರಾದ್ ಸೇವೆ ಸಂದಾದೆರ್.