ಕುಡ್ಲ: ಮಸ್ತ್ ಭಾಷೆದ ಗೊಂದಲದ ನಡುಟ್ಟು ತುಳು ಬಾಷೆನ್ ಮದೆ ಆಯೆರೆ ಬುಡಿಯೆರೆ ಬಲ್ಲಿ. ತುಳುಕ್ಕ್ ಆಯಿನವೇ ಆಯಿನ ವೈಶಿಷ್ಟ್ಯ ಉಂಡು. ಈ ಮಣ್ಣ್ ದ ಕಮ್ಮೆನನ್ ಪಸೆರಿಯೆರೆ ತುಳು ಕಾರಣ ಆತ್ಂಡ್. ತುಳುವೆರ್ ತನ್ನ, ಆಚಾರ-ವಿಚಾರಲೆನ್ ಪರಸ್ಪರ ವಿನಿಮಯ ಮಲ್ತ್ ದ್, ಭಾಷೆನ್ ಬುಲೆಪಾವೊಡು ಪಂದ್ ಕೊಡಾಣ್ ದ ಸರಕಾರಿ ಪ್ರೌಢಶಾಲೆದ ಮುಖ್ಯೋಪಾಧ್ಯಾಯೆರ್ ಟಿ.ಭಾಸ್ಕರ ರಾವ್ ಪಂಡೆರ್.
ಮೇರ್ ತುಳು ಕೂಟ ಕುಡ್ಲದ ಬಂಗಾರ್ ಪರ್ಬ- 6 ತ್ತ ತುಳುವೆರೆ ಹಳ್ಳಿಗೊಬ್ಬುಲು ಲೇಸ್ ನ್ ಉದಿಪನ ಮಲ್ತ್ ದ್ ಪಾತೆರಿಯೆರ್.
ಕೂಟದ ಗುರ್ಕಾರ್ರೆ ಬಿ.ದಾಮೋದರ ನಿಸರ್ಗ ಪಾತೆರ್ದ್, ಮದೆ ಆವೊಂದು ಇಪ್ಪುನ ಹಳ್ಳಿ ಗೊಬ್ಬುಲು, ಗ್ರಾಮೀಣ ಕ್ರೀಡೆಲೆನ್ ಇತ್ತೆದ ಜನಾಂಗಗ್ ತೆರಿಪಾವೊಡು ಪನ್ಪುನ ಕಾರಣಗ್ ತುಳುವೆರೆ ಹಳ್ಳಿ ಗೊಬ್ಬುಲು ಲೇಸ್ ನ್ ಆಯೋಜನೆ ಮಲ್ದ್ಂಡ್. ತುಳು ಪರಂಪರೆ ಒರಿಪಾಪುನ ಜಬದಾರಿ ಎಲ್ಲೆದ ಪ್ರಜೆಕ್ ಲಾಯಿನ ಯುವ ಜನಾಂಗದ ಮಿತ್ತ್ ಉಂಡು ಪಂದ್ ಪಂಡೆರ್.
ಶಾಲಾಭಿವೃದ್ಧಿ ಸಮಿತಿ ಬೊಕ್ಕ ಮೇಲುಸ್ತುವಾರಿ ಸಮಿತಿ ಅಧ್ಯಕ್ಷೆರ್ ದೇವದಾಸ್ ಕೆ., ಹೇಮಾ ನಿಸರ್ಗ ಮಲ್ಲ ಬಿನ್ನೆರಾದ್ ಪಾಲ್ ಪಡೆದಿತ್ತೆರ್. ಪದ್ಮನಾಭ ಕೋಟ್ಯಾನ್ ಮೇರ್ ಹಳ್ಳಿಗೊಬ್ಬುನ್ ಉದಿಪನ ಮಲ್ತೆರ್. ಪ್ರ.ಕಾರ್ಯದರ್ಶಿ ವರ್ಕಾಡಿ ರವಿ ಅಲೆವೂರಾಯ, ದಿನೇಶ್ ಕುಂಪಲ, ರಮೇಶ ಕುಲಾಲ್ ಬಾಯಾರು ಲೇಸ್ ದ ಸುಧಾರಿಕೆ ಮಲ್ತೆರ್. ಸುಜಾತಾ ಸುವರ್ಣ ಸೊಲ್ಮೆ ಸಂದಾಯೆರ್.
pallavi shetty