ದಿಲ್ಲಿ-ಬೊಂಬಾಯಿ ಎಕ್ಸ್‌ಪ್ರೆಸ್ ಹೈವೇಡ್ ರಡ್ಡ್ ಚಕ್ರದ ಗಾಡಿ ತೋಜಿದ್ ಬತ್ತ್ಂಡ 5 ಸಾರ ರೂ. ದಂಡ

ದಿಲ್ಲಿ: ದೇಶದ ಮಾಮಲ್ಲ ಉದ್ದದ ದಿಲ್ಲಿ-ಬೊಂಬೈ ಎಕ್ಸ್‌ಪ್ರೆಸ್ ಹೈವೇಡ್ ರಡ್ಡ್ ಚಕ್ರದ ಗಾಡಿ ತೋಜಿದ್ ಬತ್ತ್ಂಡ 5 ಸಾರ ರೂ. ದಂಡನ್ ಪಾಡಿಯರೆ ಉಲ್ಲೆರ್.

ಫೆ.15 ಕ್ಕ್ ಪ್ರಧಾನಿ ಮೋದಿ 246 ಕಿ.ಮೀ ದಿಲ್ಲಿ-ಬೊಂಬಾಯಿ ಎಕ್ಸ್‌ಪ್ರೆಸ್‌ನ್ ಉದಿಪನ ಮಲ್ತ್‌ದಿತ್ತೆರ್. ಲೋಕಾರ್ಪಣೆ ಆಯಿಬೊಕ್ಕ ಬೈಕ್ ಸವಾರೆರ್ ಬೊಕ್ಕ ಸೈಕಲ್ ಸವಾರೆರ್ ಈ ಮಾರ್ಗಡ್ ಪೋವೊಂದುಲ್ಲೆರ್. ಈ ಮಾರ್ಗಡ್ 120 ಕಿ.ಮೀ ಬಿರ್ಸ್‌ಡ್ ಸವಾರಿ ಮಲ್ಪರೆ ಅನುಮತಿ ಕೊರ್ಂಡಲ ಗಾಡಿಲು ಅಯಿರ್ದ್ ಎಚ್ಚದ ಬಿರ್ಸ್‌ಡ್ ಪೋವೊಂದುಲ್ಲೆರ್. ಈ ಹೈವೇಡ್ 4 ಚಕ್ರ ಬೊಕ್ಕ ಅಯಿರ್ದ್ ಎಚ್ಚ ಚಕ್ರದ ಗಾಡಿಲೆಗ್ ಮಾತ್ರ ಪೋಯರೆ ಅವಕಾಶ. ಅಂಚಾದ್ ರಡ್ಡ್ ಚಕ್ರದ ಗಾಡಿ ತೋಜಿದ್ ಬತ್ತ್ಂಡ ಪೊಲೀಸೆರ್ 5 ಸಾರ ದಂಡ ಪಾಡಿಯೆರ ಉಲ್ಲೆರ್.