ತುಳು ಪಿಕ್ಚರ್ ದ ಪದ್ಯಗ್ ಸ್ವರ ಕೊರ್ನ ತೆಲುಗುದ ಗಾಯಕಿ ಮಂಗ್ಲಿ

ಕುಡ್ಲ: ತುಳು ಪಿಕ್ಚರ್ ದ ಪದ್ಯಗ್ ಪುಗರ್ತೆದ ಗಾಯಕಿ ಮಂಗ್ಲಿ ಸ್ವರ ಕೊರ್ತೆರ್.

ಮೇರ್ ಎ.ಆರ್ ಪ್ರೊಡಕ್ಷನ್ಸ್ ಬ್ಯಾನರ್‌ದಡಿಟ್ ಅರುಣ್ ರೈ ತೋಡಾರ್ ನಿರ್ಮಾಣದ, ಎಸ್.ವಿ.ಬಾಬು ರಾಜೇಂದ್ರ ಸಿಂಗ್ ನಿರ್ದೇಶನದ ‘ಬಿರ್ದ್‌ದ ಕಂಬುಲ’ ಬೊಕ್ಕ ‘ಕನ್ನಡದ ವೀರ ಕಂಬುಲ’ ಪಿಕ್ಚರ್ ಗ್ ಪದ ಪಂತೆರ್. ತುಳುತ ಕೆ.ಕೆ.ಪೇಜಾವರ, ಕನ್ನಡದ ರಘು ಶಾಸ್ತ್ರಿ ಮೆರೆನ ಸಾಹಿತ್ಯಗ್ ಕದ್ರಿ ಮಣಿಕಾಂತ್ ಸಂಗೀತ ಕೊರ್ತೆರ್. ತುಳುನಾಡ್ ದ ಪುಗರ್ತೆದ ಜಾನಪದ ಕ್ರೀಡೆ ಕಂಬುಲದ ಬಗೆಟ್ ತುಳು ಬೊಕ್ಕ ಕನ್ನಡಡ್ ಈ ಪಿಕ್ಚರ್ ನಿರ್ಮಾಣ ಆತ್ಂಡ್. ಈ ಪಿಕ್ಚರ್ ಸಂಪೂರ್ಣ ತುಳುನಾಡ್ ದ ಜಾನಪದ ಕಲೆ ಕಂಬುಲದ ಬಗೆಟ್ ಉಂಡು. ಚಿತ್ರೀಕರಣದ ಪೊರ್ತುಡು ಸುಮಾರ್ 20 ಜತೆ ಎರ್ಲು ಬೊಕ್ಕ 500ಕ್ ಎಚ್ಚ ಕಲಾವಿದೆರ್ ಇತ್ತೆರ್.