“ಬಲೆ ತುಳು ಲಿಪಿ ಕಲ್ಪುಗ” ಕಜ್ಜ ಕೊಟ್ಯದ ಉದಿಪನ : ತುಳು ಭಾಷೆದ ಬುಲೆಚ್ಚಿಲ್ ಗ್ ಕೈ ಜೋಡಾಯೆರೆ ಲೆಪ್ಪು ಕೊರಿನ ಪಿ.ಎಂ.ರವಿ
ಕುಡ್ಲ : ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ವತಿರ್ದ್ ತುಳುಭಾಷೆದ ಲಿಪಿನ್ ಕೊಡಗು ಜಿಲ್ಲೆಡ್ ಪೊಲಬು ಮಲ್ಪುನ ಬೊಕ್ಕ ಕಲ್ಪಾವುನ ನೆಲೆಟ್ಟ್ ಪೇಂಟೆದ ಪತ್ರಿಕಾ ಭವನಡ್ ಅಟ್ಟನೆ ಮಲ್ತಿನ “ಬಲೆ ತುಳು ಲಿಪಿ ಕಲ್ಪುಗ ” ಲೇಸ್ ದ ಉದಿಪನಡ್ ಪಾಲ್ ಪಡೆದ್ ಪಾತೆರಿಯೆರ್.
ಪೇಂಟೆಡ್ ತುಳು ಲಿಪಿ ಕಲ್ತಿನ ಕಲ್ಪಾರ್ಥಿಲು ಉಲ್ಲೆರ್ , ಅಕ್ಲೆನ ಮುಖೇನ ಅನ್ಲೈನ್ ಡ್ಲಾ ಲಿಪಿ ಕಲ್ಪರೆ ಕ್ರಮ ದೆತೊನುವ ಪಂದ್ ಪಂಡೆರ್..
ತುಳುವೇರ್ ಜನಪದ ಕೂಟದ ಜಿಲ್ಲಾಧ್ಯಕ್ಷ ಬಿ.ಬಿ.ಐತ್ತಪ್ಪ ರೈ ಪಾತೆರ್ದ್ ಕೂಟದ ಮುಖೇನ ತುಳು ಭಾಷಿಕೆರೆನ್ ಒಟ್ಟು ಮಲ್ಪುನ ಬೇಲೆ ಆವೊಂದು ಉಂಡು . ಐತ ಒಟ್ಟುಗು ಭಾಷೆದ ಬುಲೆಚ್ಚಿಲ್ ಗಾದ್ ಅಗತ್ಯ ಲೇಸ್ ಅಟ್ಟನೆ ಮಲ್ಪೊಡು ಪಂದ್ ಪಂಡೆರ್ .
.ಜಿ.ಪಂ ಮಾಜಿ ಗುರ್ಕಾರ್ಲಾಯಿನ ಬಿ.ಶಿವಪ್ಪ ಪಾತೆರ್ದ್ ತುಳು ಲಿಪಿನ್ ಪ್ರತಿಯೊರಿಲಾ ಕಲ್ಪೊಡು ಪಂದ್ ಪಂಡೆರ್. ಈ ಪೊರ್ತುಡು ನಗರಸಭಾ ಸದಸ್ಯೆ ಚಿತ್ರಾವತಿ ಪೂವಪ್ಪ ಮೊಗೇರ ಸಮಾಜದ ಜಿಲ್ಲಾಧ್ಯಕ್ಷ ಗೌತಮ್ ಶಿವಪ್ಪ, ತುಳುವೆರ ಜನಪದ ಕೂಟದ ಜಿಲ್ಲಾ ಕಾರ್ಯದರ್ಶಿ ಬಿ.ಎಸ್.ಆನಂದ, ಉಪಾಧ್ಯಕ್ಷೆ ವಿಜಯಲಕ್ಷ್ಮಿ ರವಿಶೆಟ್ಟಿ, ಮಡಿಕೇರಿ ತಾಲ್ಲೂಕು ಗುರ್ಕಾರ್ಲಾಯಿನ ಎಂ.ಡಿ.ಸುರೇಶ್ ನಿರ್ದೇಶಕೆರಾಯಿನ ಲೀಲಾಶೇಷಮ್ಮ ಅಶೋಕ್ ಆಚಾರ್ಯ, ಜಗದೀಶ್ ಆಚಾರ್ಯ, ಪದುಕೆರಾಯಿನ ಸಾವಿತ್ರಿ, ಶೋಭಾ ಮುತ್ತಪ್ಪ ಕವಿತಾ ಪ್ರಸಾದ್, ಶಶಿಕಲಾ ಲೋಕೇಶ್ ರೈ, ಸುನಿತಾ ನಾರಾಯಣ, ವಿಕ್ರಂ, ನಾಗರಾಜ್, ಸುರೇಶ್ ಒತ್ತು ಪಾಲ್ ಪಡೆದಿತ್ತೆರ್ .
pallavi shetty