ಒಡಿಪು , ಜ.25: ಉಡುಪಿ ಮಹಿಳಾ ಬೊಕ್ಕ ಮಕ್ಕಳ ಅಭಿವೃದ್ಧಿ ಇಲಾಖೆ, ರಾಜ್ಯ ಮಹಿಳಾ ಅಭಿವೃದ್ಧಿ ನಿಗಮ, ಮಹಿಳಾ ಶಕ್ತಿ ಕೇಂದ್ರ, ಜಿಲ್ಲಾ ಮಕ್ಕಳ ರಕ್ಷಣಾ ಘಟಕದ ಒಟ್ಟು ಸೇರಿಗೆಡ್ ಬೇಟಿ ಬಚಾವೋ ಬೇಟಿ ಪಡಾವೋ ಅಭಿಯಾನದ ಪರವಾದ್ ಜಿಲ್ಲಾಮಟ್ಟದ ರಾಷ್ಟ್ರೀಯ ಪೊಣ್ಣು ಜೋಕ್ಲೆನ ದಿನಾಚರಣೆನ್ ಕೋಡೆ ನಿಟ್ಟೂರು ಪೊಣ್ಣು ಜೋಕ್ಲೆನ ಬಾಲಮಂದಿರಡ್ ಅಟ್ಟನೆ ಮಲ್ತಿತ್ತೆರ್.
ಲೇಸ್ ನ್ ಪುಟಾಣಿ ಜೋಕ್ಲೆನೊಟ್ಟಿಗೆ ದೈಕ್ ನೀರ್ ಪಾಡುನ ಮುಖೇನ ಮಕ್ಕಳ ಕಲ್ಯಾಣ ಸಮಿತಿದ ಗುರ್ಕಾರ್ಲಾಯಿನ ರೊನಾಲ್ಡ್ ಫುರ್ಟಾಡೋ, ಜೋಕ್ಲೆನ ಬಾಯಿಗ್ ಜೇನು ತುಪ್ಪಹಾಕಿ ಪಾರ್ದ್ ಎಡ್ಡೆಪ್ಪುದ ಪಾತೆರ ಪಂದ್ ಉದಿಪನ ಮಲ್ತೆರ್.
ಲೇಸ್ ದ ಗುರ್ಕಾರ್ಮೆ ವಯಿಸೊಂದಿನ ಮಹಿಳಾ ಬೊಕ್ಕ ಮಕ್ಕಳ ಕಲ್ಯಾಣ ಇಲಾಖೆದ ಉಪ ನಿರ್ದೇಶಕ ಆರ್.ಶೇಷಪ್ಪ ಪಾತೆರ್ದ್ , ಮಕ್ಕಳ ರಕ್ಷಣೆ, ಪೋಷಣೆ ಬೊಕ್ಕ ಸರಕಾರದ ಯೋಜನೆ ಅನುಷ್ಠಾನ ಮಲ್ಪುನ ಮುಖೇನ ಪೊಣ್ಣು ಜೋಕ್ಲೆನ ಮುಖ್ಯ ವಾಹಿನಿಗ್ ಕನವೊಡು ಪಂದ್ ಪಂಡೆರ್.
pallavi shetty