ಮಲಾಡ್ ಶ್ರೀ ವರಮಹಾಲಕ್ಷ್ಮಿ ಪೂಜಾ ಸಮಿತಿ ; ಆಷಾಢ ಪರ್ಬ ಆಚರಣೆ, ಪ್ರತಿಭಾ ವಿಕಸನಗ್ ಮಾತೃ ಸಂಸ್ಕೃತಿದ ಉಳಿವಿಗ್ ಪ್ರಯತ್ನ: ನ್ಯಾ. ಜಗನ್ನಾಥ್ ಶೆಟ್ಟಿ

ಬೊಂಬಾಯಿ : 13 ವರ್ಷರ್ದ್ ನಮ್ಮ ಸಮಿತಿದ ಬೇತೆ ಬೇತೆ ಸಾಂಸ್ಕೃತಿಕ ಕಾರ್ಯಕ್ರಮನ್ ನಡಪಾದ್ ಬರೊಂದಿತ್ತ್ ದ್, ಊರುದ ಸಂಸ್ಕೃತಿ, ಸಂಸ್ಕಾರನ್ ಒರಿಪಾವುನ ಪ್ರಯತ್ನನ್ ಮಲ್ಪಾವೊಂದು ಬರೊಂದು ಉಲ್ಲೆರ್. ವರಮಹಾಲಕ್ಷ್ಮಿ ಪೂಜಾ ಸಮಿತಿ ಧಾರ್ಮಿಕ ಕಾರ್ಯದೊಟ್ಟುಗ್ ಸದಸ್ಯೆರ್ ಬೊಕ್ಕ ಜೋಕ್ಲೆನ ಪ್ರತಿಭಾ ವಿಕಸನದೊಟ್ಟುಗ್ ಮಾತೃ ಸಂಸ್ಕೃತಿನ್ ಒರಿಪಾಯರೆ ಒಂಜಿ ಎಡ್ಡೆ ವೇದಿಕೆಯಾತ್oಡ್ ಪಂದ್ ಮಲಾಡ್ ಶ್ರೀ ವರಮಹಾಲಕ್ಷ್ಮಿ ಪೂಜಾ ಸಮಿತಿದ ಅಧ್ಯಕ್ಷೆರ್ ನ್ಯಾ. ಜಗನ್ನಾಥ್ ಎನ್. ಶೆಟ್ಟಿ ತೆರಿಪಾಯೆರ್.

ಜುಲೈ 17 ಕ್ ಉತ್ಕರ್ಷ ವಿದ್ಯಾ ಮಂದಿರ, ಪುಷ್ಪ ಪಾರ್ಕ್ ದಪ್ತರೆ ರೋಡ್, ಮಲಾಡ್ ಪೂರ್ವ ಮುಲ್ಪ ನಡತಿನ ಮಲಾಡ್ ಪೂರ್ವ ಶ್ರೀ ವರಮಹಾಲಕ್ಷ್ಮಿ ಪೂಜಾ ಸಮಿತಿದ ಪೊಂಜೋವ್ ಲೆನ ವಿಭಾಗದ ಆಷಾಢ ಪರ್ಬದ ಸಭಾಕಾರ್ಯಕ್ರಮದ ಅಧ್ಯಕ್ಷತೆನ್ ವಹಿಸೊoದು ತುಡರ್ ಅರ್ಲಾದ್ ಉದಿಪನ ಮಲ್ತ್ ದ್ ಪಾತೆರಿಯೆರ್. ಈ ಪಿರವು ಮಲ್ತಿನ ಕಾರ್ಯಕ್ರಮ ಅoಚನೆ ಇತ್ತೆ ಆಪಿನ ಕಾರ್ಯಕ್ರಮನ್ ತೂನಗ ಮಸ್ತ್ ಖುಷಿ ಆಪುಂಡ್. ಪೊಂಜೋವ್ ಲೆನ ವಿಭಾಗದಕುಲು ಆಟಿ ತಿಂಗೋಲ್ ದ ಈ ಕಾರ್ಯಕ್ರಮಡ್ ಮಸ್ತ್ ಬಗೆತ್ತ ತೆನಸ್ ನ್ ಮಲ್ತ್ ದ್ ಕನತೆರ್ ಪoದ್ ನ್ಯಾ. ಜಗನ್ನಾಥ್ ಎನ್. ಶೆಟ್ಟಿ ಪಂಡೆರ್.

ಈ ಪೊರ್ತುಡ್ ಶ್ರೀ ವರಮಹಾಲಕ್ಷ್ಮಿ ಪೂಜಾ ಸಮಿತಿದ ಪೊಂಜೋವ್ ಲೆನ ವಿಭಾಗದ ಕಾರ್ಯಾಧ್ಯಕ್ಷೆ ಭಾರತಿ ಎಸ್. ವಾಗ್ಲೆ, ಬಿಲ್ಲವರ ಅಸೋಶಿಯೇಷನ್ ಮಲಾಡ್ ಸ್ಥಳೀಯ ಸಮಿತಿದ ಕಾರ್ಯಾಧ್ಯಕ್ಷರಾಯಿನ ಸಂತೋಷ್ ಪೂಜಾರಿ, ಯುವ ವಿಭಾಗದ ಕಾರ್ಯಾಧ್ಯಕ್ಷೆ ರಶ್ಮಿ ಎಸ್ ಪೂಜಾರಿ, ಸಮಿತಿದ ಕೋಶಾಧಿಕಾರಿ ಜಗನ್ನಾಥ್ ಎಚ್. ಮೆಂಡನ್ ಸಾಲಿಗ್ರಾಮ, ಪೊಂಜೋವ್ ಲೆನ ವಿಭಾಗದ ಉಪಕಾರ್ಯಾಧ್ಯಕ್ಷರಾಯಿನ ರತ್ನ ಡಿ. ಕುಲಾಲ್, ಪೊಂಜೋವ್ ಲೆನ ವಿಭಾಗದ ಕಾರ್ಯದರ್ಶಿ ಶ್ರೀಮತಿ ಕೆ ಆಚಾರ್ಯ, ಮಲಾಡ್ ಶ್ರೀ ವರಮಹಾಲಕ್ಷ್ಮಿ ಪೂಜಾ ಸಮಿತಿದ ಸಂಚಾಲಕೆರ್ ಪತ್ರಕರ್ತ ದಿನೇಶ್ ಕುಲಾಲ್ ಲೇಸ್ ಡ್ ಇತ್ತೆರ್.