ವಿಶ್ವದ ಬಾರಿ ಪುಗರ್ತೆದ ಆಣ್ ಪಾಂಡ ನನ ನೆಂಪು ಮಾತ್ರ

ಹಾಂಗ್ ಕಾಂಗ್ : ತನ್ನ ಗಮ್ಮತ್ತ್ ದ ಸ್ವಭಾವಗ್ ಪುದರ್ ಪಡೆಯಿನ ವಿಶ್ವದ ಬಾರಿ ಪಿರಾಕ್ ದ ಮಲ್ಲ ಆಣ್ ಪಾಂಡಾ ತೀರ್ ಪೋತುಂಡು .

ಹಾಂಗ್ ಕಾಂಗ್‌ದ ಓಷನ್ ಪಾರ್ಕ್‌ಡ್ ಆಕರ್ಷಣೆದ ಕೇಂದ್ರ ಬಿಂದುವಾದ್ ಇತ್ತಿನ ಅನ್ ಅನ್ ಪನ್ಪಿನ ಪುದರ್ ದ 35 ವರ್ಷ ಪ್ರಾಯೋದ ಪಾಂಡಾ ತೀರ್ ಪೋತುಂಡು .

ಹುಷಾರ್ ದಾoತೆ ಸಹಜ ಆರೋಗ್ಯ ಸಮಸ್ಯೆರ್ದ್ ಇತ್ತಿನ ಪಾಂಡಾ ತೀರ್ ಪೋಯಿ ಬೊಕ್ಕ ಜಗತ್ತ್ ಡ್ ಸುದ್ದಿಯಾತುಂಡು . ಸಾಮಾನ್ಯವಾದ್ ಪಾಂಡಾದ ಆಯುಷ್ಯ 30 ರ್ದ್ 32 ವರ್ಷ .

1999 ಟ್ ಚೀನಾ ಸರ್ಕಾರರ್ದ್ ಅನ್ ಅನ್ ನ್ ಐತ ಸಂಗಾತಿ ಜಿಯಾ ಜಿಯಾದ ಒಟ್ಟುಗು ಹಾಂಗ್ ಕಾಂಗ್‌ಗ್ ಇನಾಮು ದ ರೂಪೊಡು ಕೊರ್ದು ಇತ್ತೆರ್ . 2016 ಟ್ಟ್ ಪಿರಾಕ್ದ ಪೊಣ್ಣು ಪಾಂಡಾ ಆಯಿನ ಸಂಗಾತಿ ಜಿಯಾ ಜಿಯಾ 38 ನೇ ವರ್ಷ ಪ್ರಾಯಡ್ ತೀರ್ ಪೋಂಡು .