ಜೈಲಿಡ್ ಕೈದಿಲೆನ ಉಪವಾಸ ಸತ್ಯಾಗ್ರಹ

ಬೆಂಗ್ಳೂರ್, ಅ.13: ಕೈದಿಲೆನ ಸಮಸ್ಯೆಗ್ ಎರ್ಲಾ ಬಿಲೆ ಕೊರೊಂದಿಜ್ಜೆರ್, ಸಿಬ್ಬಂದಿಲೆಡ್ದ್ ಎಪಲ ಕಿರುಕುಳ ಅವೊಂದ್ಂಡ್ ಪಂದ್ ಆರೋಪಿಸಾದ್ ಬೆಂಗ್ಳೂರ್ ದ ಪರಪ್ಪನ ಜೈಲ್ ಡ್ ಸುಮಾರ್ 5 ಸಾರ ಸಿಬ್ಬಂದಿಲು ಉಪವಾಸ ಸತ್ಯಾಗ್ರಹನ್ ಮಲ್ತೆರ್.

ಪೆರಿಯ ಅಧಿಕಾರಿಲು ಕೈದಿಲೆಡ ಪಾತೆರ್ದ್ ಆಯಿಬೊಕ್ಕ ವನಸ್ ನ್ ಮಲ್ತುದೆರ್ ಪಂದ್ ಜೈಲುದ ಮೂಲೊಲ್ ತೆರಿಪಾದೆರ್. ಜೈಲಿಡ್ ಪೆರಿಯ ಅಧಿಕಾರಿಲು ಕೈದಿಲೆನ ಸಮಸ್ಯೆನ್ ಗೆನ್ಪೊಂದಿಜ್ಜೆರ್. ಕರೀನ 15 ದಿನಡ್ದ್ 2 ಕೈದಿಲ್ ತೀರ್ ಪೊತೆರ್. ಒಂಜಿ ವಾರಡ್ದ್ ಮಸ್ತ್ ಸಲಿ ಪೆರಿಯ ಅಧಿಕಾರಿಲೆಡ ದೂರು ಕೊರ್ಂಡಲ ದಾಲ ಪ್ರಾಯೋಜನ ಆಯಿಜಿ. ಆಯಿಕಾದ್ ಜೈಲ್ ಡ್ ಇತ್ತಿನ 5 ಸಾರ ಕೈದಿಲ್ ಉಪವಾಸ ಸತ್ಯಾಗ್ರಹನ್ ಮಲ್ತೆರ್.