ಕಾರ್ಲ: ವೀಡಿಯೋಗ್ರಫಿ ಮಲ್ತೊಂದು ಇಪ್ಪುನಗ ಛಾಯಗ್ರಾಹಕೆಯೊರಿ ತಿಗಲೆ ಬೇನೆಡ್ ತೀರ್ ಪೋಯಿನ ಘಟನೆ ಕಾರ್ಲ ತಾಲೂಕ್ ದ ಕಡ್ತಲ ಗ್ರಾಮದ ಕುಕ್ಕುಜೆಡ್ ನಡತ್ಂಡ್.
ಕಾರ್ಲದ ತೆಳ್ಳಾರು ನಿವಾಸಿ ಛಾಯಾಗ್ರಾಹಕೆ ದೀಪಕ್ ಶೆಟ್ಟಿ (45) ಈ ಘಟನೆಡ್ ತೀರ್ ಪೋಯಿನಾರ್.
ಮೇರ್ ಕಡ್ತಲ ಗ್ರಾಮದ ಕುಕ್ಕುಜೆಡ್ ಇಲ್ಲ್ ಒಕ್ಕೆಲ್ ದ ವೀಡಿಯೋಗ್ರಫಿ ಮಲ್ತೊಂದು ಇಪ್ಪುನಗ ಒರಾನೇ ಬೂರ್ದೆರ್. ಕೂಡ್ಲೆ ಮಣಿಪಾಲ ಆಸ್ಪತ್ರೆಗ್ ಲೆತೊಂದು ಪೋಂಡಲ ತೀರ್ ಪೋತೆರ್.
ಮೆರೆಗ್ ಬೊಡೆದಿ, ಒರಿ ಮಗೆ ಬೊಕ್ಕ ಮಗಲ್ ಉಲ್ಲೆರ್.
ನೂಯಿದಗೋಳಿ ಶ್ರೀ ಅಂಬಿಕಾ ಅನ್ನಪೂರ್ಣೇಶ್ವರೀ ಭಜನಾ ಮಂಡಳಿ ಬೊಕ್ಕ ಕರಿಮಣೇಲು ಶ್ರೀ ಕ್ಷೇತ್ರ ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆ (ರಿ.) ದ ಒಟ್ಟುಸೇರಿಗೆಡ್ 33ನೇ ವರ್ಷದ ಬಜಪೆ ಸುಂಕದಕಟ್ಟೆ ಶ್ರೀ ಅಂಬಿಕಾ ಅನ್ನಪೂರ್ಣೇಶ್ವರೀ ಪ್ರಸಾದಿತ ದಶಾವತಾರ ಯಕ್ಷಗಾನ ಮಂಡಳಿದಕ್ಲೆರ್ದ್ ಮಾಯದ ದೃಷ್ಟಿ ಆಟ ಫೆ.21 ಬುದಾರ ರಾತ್ರೆ ಕರಿಮಣೇಲು ಗ್ರಾಮದ ನೂಯಿದಗೋಳಿ ಮಂಜೋಲುಗುಡ್ಡೆ ಭಜನಾ ಮಂದಿರದಲ್ಪ ಪಾಡಿನ ರಂಗಮಂಟಪಡ್ ನಡಪರೆ ಉಂಡು.
ಈ ಲೇಸ್ ಭಕ್ತೆರ್ ಮಾತೆರ್ಲಾ ಕುಟುಂಬ ಸಮೇತೆರಾದ್ ಪಾಲ್ ಪಡೆದ್ ಶ್ರೀ ದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ನೂಯಿದಗೋಳಿ ಶ್ರೀ ಅಂಬಿಕಾ ಅನ್ನಪೂರ್ಣೇಶ್ವರೀ ಭಜನಾ ಮಂಡಳಿದ ಗುರ್ಕಾರೆ, ಸರ್ವಸದಸ್ಯೆರ್, ಕರಿಮಣೇಲು ಗ್ರಾಮಸ್ಥೆರ್ ಬೊಕ್ಕ ಭಕ್ತವೃಂದದಕುಲು ಲೆಪ್ಪೋಲೆಡ್ ತೆರಿಪಾದೆರ್.
ಶಿಕ್ಷಣ- 44422 ಕೋಟಿ ರೂ.
ಮಹಿಳಾ ಬೊಕ್ಕ ಜೋಕ್ಲೆನ ಕಲ್ಯಾಣ- 34406 ಕೋಟಿ ರೂ.
ಇಂಧನ- 23159 ಕೋಟಿ
ಗ್ರಾಮೀಣಾಭಿವೃದ್ಧಿ ಪಂಚಾಯತ್ ರಾಜ್- 21160 ಕೋಟಿ
ಒಳಾಡಳಿತ ಬೊಕ್ಕ ಸಾರಿಗೆ- 19777 ಕೋಟಿ
ನೀರಾವರಿ- 19179 ಕೋಟಿ
ನಗರಾಭಿವೃದ್ಧಿ ಬೊಕ್ಕ ವಸತಿ- 18155 ಕೋಟಿ
ಕಂದಾಯ- 16170 ಕೋಟಿ
ಆರೋಗ್ಯ- 15145 ಕೋಟಿ
ಸಮಾಜ ಕಲ್ಯಾಣ- 13334 ಕೋಟಿ
ಲೋಪಯೋಗಿ- 10424 ಕೋಟಿ
ಆಹಾರ ಬೊಕ್ಕ ನಾಗರಿಕ ಸರಬರಾಜು- 9963 ಕೋಟಿ
ಕೃಷಿ ಬೊಕ್ಕ ತೋಟಗಾರಿಕೆ- 6688 ಕೋಟಿ
ಪಶುಸಂಗೋಪನೆ ಬೊಕ್ಕ ಮೀನುಗಾರಿಕೆ- 3307 ಕೋಟಿ
ಇತರೆ- 124593 ಕೋಟಿ
ಬೊಲ್ತೇರ್: ಉರುವಾಲು ಗ್ರಾಮದ ಕೊರಿಂಜ ಶ್ರೀ ಪಂಚಲಿಂಗೇಶ್ವರ ದೇವಲ್ಯಡ್ ಪುನರ್ ಪ್ರತಿಷ್ಠಾ ಅಷ್ಟಬಂಧ ಬ್ರಹ್ಮಕಲಶ ಉಚ್ಚಯ ಬೊಕ್ಕ ದೈವೊಲೆನ ಪ್ರತಿಷ್ಠೆ, ವರ್ಷದ ಜಾತ್ರೆ, ನೇಮ ಫೆ.15- 22 ಮುಟ್ಟ ನಡಪರೆ ಉಂಡು.
ಈ ಲೇಸ್ ಧರ್ಮಸ್ಥಳದ ಧರ್ಮಾಧಿಕಾರಿ ಡಾ| ಡಿ. ವೀರೇಂದ್ರ ಹೆಗ್ಗಡೆರೆನ ಆಶೀರ್ವಾದಡ್, ಎಡಪದವು ಬ್ರಹ್ಮಶ್ರೀ ವಿಷ್ಣುಮೂರ್ತಿ ತಂತ್ರಿಲೆನ ಮಾರ್ಗದರ್ಶನಡ್, ವೆಂಕಟೇಶ ತಂತ್ರಿಲೆನ ಮುತಾಲಿಕೆಡ್ ನಡಪರೆ
ಉಂಡು.
ಫೆ.15 ಗುರುವಾರ ಬೊಲ್ಪುಗು ತಂತ್ರಿಲು ಬರಿಯೆರೆ, ಸಾಮೂಹಿಕ ಪ್ರಾರ್ತನೆ, ತೋರಣ ಮೂರ್ತ, ಉಗ್ರಾಣ ಮೂರ್ತ, ಗಣಪತಿ ಹೋಮ, ಕಾರ್ಯಾಲಯ ಉದಿಪನ, ಮಧ್ಯಾಹ್ನ ಮಹಾಪೂಜೆ ನಡತ್ಂಡ್. ಬಯ್ಯಗ್ ಭಜನೆ, ಮಹಾಪೂಜೆ, ಅನ್ನ ಪ್ರಸಾದ ಸೇವೆ ನಡತ್ಂಡ್.
ಫೆ.16 ಸುಕ್ರಾರ (ಇನಿ) ಬೊಲ್ಪುಗು ಎಕ್ಕ ಭಜನೆ, ಮಧ್ಯಾಹ್ನ ಮಹಾಪೂಜೆ, ಅನ್ನ ಪ್ರಸಾದ ಸೇವೆ, ಪುದೆಕಾಣಿಕೆ ಮೆರವಣಿಗೆ, ಬಯ್ಯಗ್ ಸಭಾ ಭವನ ಉದಿಪನ, ಮಹಾಪೂಜೆ, ರಾತ್ರೆ ನೃತ್ಯ ಸಂಭ್ರಮ ಸಾಂಸ್ಕೃತಿಕ ಲೇಸ್ ನಡಪರೆ ಉಂಡು.
ಫೆ.17 ಸನಿಯಾರ ಕುಂಕುಮಾರ್ಚನೆ ಸೇವೆ, ಭಜನೆ, ಅನ್ನಛತ್ರ ಉದಿಪನ ಮಧ್ಯಾಹ್ನ ಮಹಾಪೂಜೆ, ಬಯ್ಯಗ್ ವಾಸ್ತುಪೂಜೆ, ವಾಸ್ತುಹೋಮ, ಭಜನೆ, ನಾಟ್ಯವೈಭವ-ಭರತನಾಟ್ಯ-ಜಾನಪದ ನೃತ್ಯ ಸಾಂಸ್ಕೃತಿಕ ಲೇಸ್, ಮಹಾಪೂಜೆ, ಸಭಾ ಲೇಸ್, ರಾತ್ರೆ ನೃತ್ಯರಸ ಸಂಜೆ ಶ್ರೀನಿವಾಸ ಕಲ್ಯಾಣ ನೃತ್ಯರೂಪಕ ನಡಪರೆ ಉಂಡು.
ಫೆ.18 ಐತಾರ ಬೊಲ್ಪುಗು ಗಣಪತಿ ಹೋಮ, ನವಗ್ರಹಯಾಗ, ಮೃತ್ಯುಂಜಯ ಯಾಗ, ಕಲಶಾಭಿಷೇಕ, ಪರ್ವಸೇವೆ, ಮಹಾಪೂಜೆ, ಭಜನೆ, ಮಧ್ಯಾಹ್ನ ಭಕ್ತಿಭಾವ ಸಂಗಮ, ಮಹಾಪೂಜೆ, ಬಯ್ಯಗ್ ಬಲಿಪೀಠ ಸ್ಥಾಪನೆ, ಭಜನೆ, ನಲಿಕೆ ಭಜನೆ, ಮಹಾಪೂಜೆ, ಸಭಾ ಲೇಸ್ ರಾತ್ರೆ ಪೂಜೆ, ಭಕ್ತಿ ಗಾನ ಸಂಭ್ರಮ ಸಾಂಸ್ಕೃತಿಕ ಲೇಸ್ ನಡಪರೆ ಉಂಡು.
ಫೆ.19 ಸೋಮಾರ ಬೊಲ್ಪುಗು ಕಲಶಾಭಿಷೇಕ, ಆಶ್ಲೇಷ ಬಲಿ, ಮಹಾಪೂಜೆ, ಭಜನೆ, ಮಧ್ಯಾಹ್ನ ಏಕಾದಶಿ ದೇವಿಮಹಾತ್ಮೆ ಆಟ, ಮಹಾಪೂಜೆ ಬಯ್ಯಗ್ ಕಲಶಪರ್ವ ಸೇವೆ, ಶಾಂತಿ ಹೋಮ, ಭಜನೆ, ಮಹಾಪೂಜೆ, ಸಭಾ ಲೇಸ್ ರಾತ್ರೆ ಶಿವ ಕಲ್ಯಾಣ ತಾಂಡವ ಸಾಂಸ್ಕೃತಿಕ ಲೇಸ್ ನಡಪರೆ ಉಂಡು.
ಫೆ.20 ಅಂಗಾರೆ ಬೊಲ್ಪುಗು ಮಹಾಪೂಜೆ, ಭಜನೆ, ಮಧ್ಯಾಹ್ನ ಯಕ್ಷಗಾನ ತಾಳಮದ್ದಳೆ, ಬಯ್ಯಗ್ ಅನ್ನ ಪ್ರಸಾದ ಸೇವೆ, ಭಕ್ತಿ ರಸಮಂಜರಿ, ಸಭಾ ಲೇಸ್, ರಾತ್ರೆ ದಕ್ಷಾದ್ವರ ಯಕ್ಷಗಾನ ಬಯಲಾಟ ನಡಪರೆ ಉಂಡು.
ಫೆ.21 ಬುದಾರ ಬೊಲ್ಪುಗು ಬ್ರಹ್ಮಕಲಶಾಭಿಷೇಕ, ನ್ಯಾಸ ಪೂಜೆ, ಪ್ರಸನ್ನ ಪೂಜೆ, ಅವಭೃತ ಬಲಿ, ಪಲ್ಲಪೂಜೆ, ಅನ್ನ ಪ್ರಸಾದ ಸೇವೆ, ಭಜನೆ ಮಧ್ಯಾಹ್ನ ಯಕ್ಷಗಾನ ವೈಭವ, ಮಹಾಪೂಜೆ, ಬಯ್ಯಗ್ ಮಹಾರಂಗಪೂಜೆ, ಬಟ್ಟಲ್ ಕಾಣಿಕೆ, ಭಜನೆ, ಸಭಾ ಲೇಸ್, ರಾತ್ರೆ ಪುದರ್ ದೀದಾಂಡ್ ತುಳು ನಾಟಕ ನಡಪರೆ ಉಂಡು.
ಫೆ.22 ಗುರುವಾರ ಬೊಲ್ಪುಗು ಸಂಪ್ರೋಕ್ಷಣೆ, ಮಧ್ಯಾಹ್ನ ಭಂಡಾರ ದೆಪ್ಪೆರೆ, ರಾತ್ರೆ ರಕ್ತೇಶ್ವರಿ, ಧೂಮಾವತಿ, ಪಿಲಿಚಾಮುಂಡಿ, ಕೈರತಿ (ಕೊರತಿ) ಬೊಕ್ಕ ಸಪರಿವಾರ ದೈವೊಲೆನ ನೇಮ ನಡಪರೆ ಉಂಡು.
ಈ ಲೇಸ್ ಡ್ ಭಕ್ತೆರ್ ಮಾತೆರ್ಲಾ ಪಾಲ್ ಪಡೆದ್ ಶ್ರೀ ಪಂಚಲಿಂಗೇಶ್ವರ ದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ಆಡಳಿತ ಸಮಿತಿದ ಮಾನಾದಿಗೆದ ಗುರ್ಕಾರೆ ದಿನಕರ ಪೂಜಾರಿ ಕಡ್ತಿಲ, ಜೀರ್ಣೋದ್ಧಾರ ಸಮಿತಿದ ಮಾನಾದಿಗೆದ ಗುರ್ಕಾರೆ ಡಾ| ಕೃಷ್ಣರಾಜ ಯು, ಎಸ್ ಎ ರಾಜಮಂದಿರ ಉರುವಲು ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.
•ಇಲ್ಲ್ ದಾಂತಿನ 10 ಸಾರ ಮೀನುಗಾರೆರೆಗ್ ಪೊಸ ಇಲ್ಲ್ ನಿರ್ಮಾಣ
•ಮೀನುಗಾರಿಕೆಗ್ 3 ಸಾರ ಕೋಟಿ ರೂ. ಅನುದಾನ
•ಮುರುಡೇಶ್ವರಡ್ ಮೀನುಗಾರಿಕೆ ಬಂದರ್ ನಿರ್ಮಾಣ
•ಕುರಿ ಸಾಂಕುನಕ್ಲೆನ ಜೋಕ್ಲೆಗ್ ಸರ್ಕಾರರ್ದ್ ಸ್ಕಾಲರ್ ಶಿಪ್
•ಪಶು ವೈದ್ಯ ಸಂಸ್ಥೆಲೆನ ಪೊಸ ಕಟ್ವಾನಗ್ 100 ಕೋಟಿ ಮೀಸಲಾತಿ
•ಮೇಕೆದಾಟು ಯೋಜನೆ ಜಾರಿಗ್ ಕನಯೆರೆ ಪ್ರತ್ಯೇಕ ಯೋಜನಾ ಘಟಕ ಸ್ಥಾಪನೆ
•ಬಿಎಂಟಿಸಿಗ್ 1334 ಪೊಸ ಇವಿ ಬಸ್
•20 ಸಾರ ಅಂಗನವಾಡಿ ಕಾರ್ಯಕರ್ತೆರೆಗ್ ತರಬೇತಿ
•ಬೆಂಗ್ಲೂರುಡು 233 ಕೋಟಿ ರೂ. ಕರ್ಚಿಡ್ ವಿಜ್ಞಾನ ನಗರ ನಿರ್ಮಾಣ
ಬೊಂಬೈಡ್ ಫೆ.9 ಕ್ಕ್ ನಡತಿನ 19ನೇ ಬ್ಯಾಂಕಿಂಗ್ ತಂತ್ರಜ್ಞಾನ ಸಮ್ಮೇಳನಡ್ ಪುಗರ್ತೆದ ಇಂಡಿಯನ್ ಬ್ಯಾಂಕ್ ಅಸೋಸಿಯೇಷನ್ (IBA) ರ್ದ್ ಭಾರತ್ ಕೋ-ಆಪರೇಟಿವ್ ಬ್ಯಾಂಕ್ ಗ್ “ಬೆಸ್ಟ್ ಐಟಿ ರಿಸ್ಕ್ ಮ್ಯಾನೇಜ್ಮೆಂಟ್ ಪ್ರಶಸ್ತಿ” ತಿಕ್ ದ್ಂಡ್.
ಭಾರತ್ ಬ್ಯಾಂಕ್ ದ ಕಾರ್ಯಾಧ್ಯಕ್ಷೆರ್ ಸೂರ್ಯಕಾಂತ್ ಜಯ ಸುವರ್ಣ ಮೆರೆನ ಪರವಾದ್ ಭಾಸ್ಕರ್ ರಾವ್ (CISO) ಮೇರ್ RBI ದ ಗವರ್ನರ್ ಟಿ.ರಬಿ ಶಂಕರ್ ಬೊಕ್ಕ ಎ.ಕೆ. ಗೋಯೆಲ್, (ಪಂಜಾಬ್ ನ್ಯಾಷನಲ್ ಬ್ಯಾಂಕ್ದ ಗುರ್ಕಾರೆ IBA ಬೊಕ್ಕ MD CEO) ಮೊಕ್ಲೆರ್ದ್ ಪ್ರಶಸ್ತಿ ಸ್ವೀಕಾರ ಮಲ್ತೆರ್.
ಜಯ ಸಿ. ಸುವರ್ಣ ಪ್ಯಾನೆಲ್ ದ ಪೊಸ ನಿರ್ದೇಶಕ ಮಂಡಳಿ ಅಧಿಕಾರದ ಪುಡಿ ಪತ್ತಿನ ನಾಲೇ ತಿಂಗೊಲ್ಡು ಭಾರತ್ ಬ್ಯಾಂಕ್ 4 ಪ್ರಶಸ್ತಿ ಪಡೆತ್ಂಡ್.
ಭಾರತ್ ಬ್ಯಾಂಕ್ ದ ಸಿಬ್ಬಂದಿಲು ಬೊಕ್ಕ ವ್ಯವಸ್ಥಾಪಕ ಮಂಡಳಿದ ಪರಿಶ್ರಮಗ್ ಸಂದಿನ ಗೌರವ ಉಂದಾತ್ಂಡ್.
ಕಾಪು: ಕಾಪು ಶ್ರೀ ಲಕ್ಷ್ಮೀ ಜನಾರ್ದನ ದೇವಲ್ಯದ ವರ್ಷದ ಜಾತ್ರೆದ ಲೆಕ್ಕೊಡು ಫೆ.13 ಕ್ಕ್ ಕೊಡಿ ಏರ್ಂಡ್.
ಈ ಲೇಸ್ ಶ್ರೀ ಲಕ್ಷ್ಮೀ ಜನಾರ್ದನ ದೇವಲ್ಯದ ಪ್ರಧಾನ ತಂತ್ರಿ ವೇದಮೂರ್ತಿ ಅನಂತರಾಮ ತಂತ್ರಿ ಕಲ್ಯ ಮೆರೆನ ಮುತಾಲಿಕೆಡ್ ಅರ್ಚಕೆರ್ ವೇ. ನಾರಾಯಣ ತಂತ್ರಿ, ವೇ.ಜನಾರ್ದನ ತಂತ್ರಿಲೆನ ಉಪಸ್ಥಿತಿಡ್ ನಡತ್ಂಡ್.
ಈ ಪೊರ್ತುಡು ಶ್ರೀ ಲಕ್ಷ್ಮೀ ಜನಾರ್ದನ ದೇವಲ್ಯದ ಕಾರ್ಯ ನಿರ್ವಹಣಾಧಿಕಾರಿ ಅರುಣ್ ಕುಮಾರ್ ಬಿ.ಕೆ., ಗೌರವ ಸಲಹೆಗಾರೆರ್ ಕೆ.ಪಿ. ಆಚಾರ್ಯ, ಕಟ್ವಾನ ನಿರ್ಮಾಣ ಸಮಿತಿ ಗುರ್ಕಾರೆ ಕೆ.ವಾಸುದೇವ ಶೆಟ್ಟಿ, ವ್ಯವಸ್ಥಾಪನ ಸಮಿತಿ ಮಾಜಿ ಗುರ್ಕಾರೆ ಮೋಹನ್ ಎಂ. ಬಂಗೇರ, ಮಾಜಿ ಶಾಸಕೆರ್ ಲಾಲಾಜಿ ಆರ್. ಮೆಂಡನ್, ಪ್ರಮುಖೆರ್ ಅನಿಲ್ ಬಲ್ಲಾಳ್ ಕಾಪು ಬೂಡು, ನಡಿಕೆರೆ ರತ್ನಾಕರ ಶೆಟ್ಟಿ, ಕಾಪು ದಿವಾಕರ ಶೆಟ್ಟಿ, ರಮೇಶ್ ಹೆಗ್ಡೆ ಕಲ್ಯ, ಸೂರಜ್ ಶೆಟ್ಟಿ ಮಲ್ಲಾರುಗುತ್ತು, ಮನೋಹರ ಶೆಟ್ಟಿ ಕಾಪು, ಶ್ರೀಧರ ಶೆಣೈ, ಪ್ರಸಾದ್ ಶೆಣೈ, ರತ್ನಾಕರ ಹೆಗ್ಡೆ ಕಲೀಲಬೀಡು, ಯೋಗೀಶ್ ಶೆಟ್ಟಿ ಬಾಲಾಜಿ, ಶ್ರೀಕರ ಶೆಟ್ಟಿ ಕಲ್ಯ, ವಿಕ್ರಂ ಕಾಪು, ಸಖೇಂದ್ರ ಸುವರ್ಣ, ಮಾಧವ ಆರ್. ಪಾಲನ್, ಸುರೇಶ್ ಶೆಟ್ಟಿ ಅಯೋಧ್ಯಾ, ಬಾಲಕೃಷ್ಣ ಶೆಟ್ಟಿ ದೊರಕಳಗುತ್ತು, ಶೇಖರ ಸಾಲ್ಯಾನ್, ರವಿ ಭಟ್ ಮಂದಾರ, ದೇವರಾಜ್ ‘ತೊಟ್ಟಂ, ರವೀಂದ್ರ ಮಲ್ಲಾರು, ಉಮೇಶ್ ಪೂಜಾರಿ, ಸರೋಜಿನಿ ಶೆಟ್ಟಿ ರಮಾ ಶೆಟ್ಟಿ ಸಂದೀಪ್ ಶೆಟ್ಟಿ ಕಲ್ಯಾ, ರತ್ನಾಕರ ಶೆಟ್ಟಿ ಪಡುಮನೆ, ಅನಿಲ್ ಕುಮಾರ್ ಬೊಕ್ಕ ಕಾಪು ಸಾರ ಸೀಮೆದ ಭಕ್ತೆರ್ ಪಾಲ್ ಪಡೆದಿತ್ತೆರ್.
ಮುಲ್ಕಿ: ಸಮಾಜಮುಖಿ ಬೇಲೆರ್ದ್ ಸಂಘ ಸಂಸ್ಧೆಲು ಕಾರ್ಯಪ್ರವೃತ್ತಿ ಆಂಡ ಸಾಧಕೆರಾಯೆರೆ ಸಾಧ್ಯ ಪಂದ್ ಏಳಿಂಜೆ ಶ್ರೀ ಲಕ್ಷ್ಮೀ ಜನಾರ್ದನ ದೇವಲ್ಯದ ಆಡಳಿತ ಮೊಕ್ತೇಸರೆರ್ ಪ್ರಭಾಕರ ಶೆಟ್ಟಿ ಏಳಿಂಜೆ ಕೋಂಜಾಲು ಗುತ್ತು ಪಂಡೆರ್.
ಏಳಿಂಜೆ ಶ್ರೀ ಲಕ್ಷ್ಮೀಜನರ್ದಾನ ದೇವಲ್ಯದ ಚಾವಡಿಡ್ ನಡತಿನ ಏಳಿಂಜೆ ಶ್ರೀ ದೇವಿ ಯುವತಿ ಮಹಿಳಾ ಮಂಡಲದ ವಾರ್ಷಿಕ ಉಚ್ಚಯ ಲೇಸ್ ದ ಗುರ್ಕಾರ್ಮೆನ್ ಒಯಿಸೊಂದು ಪಾತೆರಿಯೆರ್.
ಈ ಲೇಸ್ ಡ್ ಸಾಧಕಿ ಬರವುಗಾರ್ತಿ ಶರೋನ್ ಶೆಟ್ಟಿ ಬೊಕ್ಕ ಕಂಬುಲ ಒಟಗಾರೆ ಗುರುಚರಣ್ ಪಟ್ಟೆ ಮೊಕ್ಲೆಗ್ ಮಾನಾದಿಗೆ ಮಲ್ತೆರ್.
ಈ ಪೊರ್ತುಡು ದೇವಲ್ಯದ ಪ್ರಧಾನ ಅರ್ಚಕೆರ್ ಗಣೇಶ್ ಭಟ್, ನಿವೃತ್ತ ಉಪ ತಹಶೀಲ್ದಾರೆರ್ ಯೋಗೀಶ್ ರಾವ್, ಬೊಂಬೈ ಉದ್ಯಮಿ ದಿವಾಕರ ಶೆಟ್ಟಿ ಕೋಂಜಾಲಗುತ್ತು, ದಯಾನಂದ ಶೆಟ್ಟಿ ಕೋಂಜಾಲು ಗುತ್ತು, ಸಂಘದ ಮಾನಾದಿಗೆದ ಗುರ್ಕಾರ್ದಿ ವತ್ಸಲಾ ರಾವ್, ನವಚೇತನ ಯುವಕ ಮಂಡಲದ ಮಾನಾದಿಗೆದ ಗುರ್ಕಾರೆ ಅನಿಲ್ ಶೆಟ್ಟಿ ಕೋಂಜಾಲುಗುತ್ತು, ಐಕಳ ಗ್ರಾ.ಪಂ ಒತ್ತು ಗುರ್ಕಾರ್ದಿ ಜಯಲಕ್ಷ್ಮಿ, ಮಾನಾದಿಗೆದ ಗುರ್ಕಾರ್ದಿ ನೇತ್ರಾವತಿ ಎಸ್ ಶೆಟ್ಟಿ, ನಿಶಿತಾ ಹರೀಶ್ ಶೆಟ್ಟಿ, ರೇಖಾ ರಘುರಾಮ, ಪದ್ಮಿನಿ ವಸಂತ್, ವಿಮಲ ನಿಶಿತ ಶೆಟ್ಟಿ, ಗುರ್ಕಾರ್ದಿ ಉಮಾವತಿ, ಕಾರ್ಯದರ್ಶಿ ಶಕುಂತಲಾ ಶೆಟ್ಟಿ, ಸವಿತಾ ಪಾಲ್ ಪಡೆದಿತ್ತೆರ್.
ಕುಡ್ಲ ಪೇಂಟೆದ ಕೊಣಾಜೆ ಪೊಲೀಸ್ ಠಾಣಾ ವ್ಯಾಪ್ತಿಡ್ ಬ್ಯಾಟರಿ ಕಂಡಿನ ಆರೋಪಿನ್ ಬೊಕ್ಕ ಆಯಡ ಇತ್ತಿನ 3,90,000 ರೂ. ಬಿಲೆತ್ತ ಸೊತ್ತುಲೆನ್ ಕೊಣಾಜೆ ಪೊಲೀಸೆರ್ ವಶಕ್ಕ್ ಪಡೆತೆರ್.
ಈ ಕೇಸ್ ಗ್ ಸಂಬಂಧಪಟ್ಟಿನ ಆರೋಪಿ ರಿಯಾಜ್ ತಲಪಾಡಿ ತೆರಿದ್ ಬೈದ್ಂಡ್.
ಈ ಕೇಸ್ ದ ಪತ್ತೆ ಕಾರ್ಯ ಕುಡ್ಲ ಪೇಂಟೆದ ಮಾನ್ಯ ಪೊಲೀಸ್ ಆಯುಕ್ತೆರ್ ಅನುಪಮ್ ಅಗರವಾಲ್ ಐ.ಪಿ.ಎಸ್ ಮೆರೆನ ಮಾರ್ಗದರ್ಶನದಂಚೆನೆ ಕಾನೂನು & ಸುವ್ಯವಸ್ಥೆ ವಿಭಾಗದ ಡಿಸಿಪಿ ಸಿದ್ದಾರ್ಥ ಗೋಯಲ್ ಐ.ಪಿ.ಎಸ್ ಬೊಕ್ಕ ಅಪರಾಧ & ಸಂಚಾರ ವಿಭಾಗದ ಡಿಸಿಪಿ ದಿನೇಶ್ಕುಮಾರ್ ನಿರ್ದೇಶನದಂಚೆನೆ, ಕುಡ್ಲ ದಕ್ಷಿಣ ವಿಭಾಗದ ಎ.ಸಿ.ಪಿ. ಧನ್ಯ ಎನ್ ನಾಯಕ್ ಮೆರೆನ ಮುತಾಲಿಕೆಡ್ ನಡತ್ಂಡ್.
ಈ ಪೊರ್ತುಡು ಕೊಣಾಜೆ ಪೊಲೀಸ್ ಠಾಣೆದ ಪೊಲೀಸ್ ನಿರೀಕ್ಷಕೆರ್ ರವೀದ್ರ ಸಿ ಎಂ, ಪೊಲೀಸ್ ಉಪ ನಿರೀಕ್ಷಕೆರ್ ನಾಗರಾಜ್ ಎಸ್, ಪುನೀತ್ ಗಾಂವ್ಕರ್, ಅಶೋಕ್, ಯಲ್ಲಾಲಿಂಗ, ಸಿಬ್ಬಂದಿಲಾಯಿನ ಸಂಜೀವ್ ಎಎಸ್ ಐ, ರೇಶ್ಮಾ , ಸಂತೋಷ್ ಕೆಸಿ ಬಸವನಗೌಡ, ಸುರೇಶ್ ತಳವಾರ್ ಇತ್ತೆರ್.
ಬಜಪೆ: ಕಾಂಗ್ರೆಸ್ ಮುಖಂಡೆರ್, ಉದ್ಯಮಿ, ಮರವೂರು ಬೂಡು ಬಾಬು ಎನ್ ಶೆಟ್ಟಿ (73) ಮೇರ್ ಹುಷಾರ್ ದಾಂತೆ ಫೆ.3 ಸನಿಯಾರ ದೇವೆರೆ ಪಾದ ಸೇರಿಯೆರ್.
ಕಷ್ಟಡ್ ಇತ್ತಿನಕ್ಲೆಗ್ ಮಾತೆರ್ಗ್ಲಾ ಸಕಾಯ ಮಲ್ತೊಂದು ಇತ್ತಿನ ಮೇರ್ ಮುಲ್ಕಿ-ಬೆದ್ರ ವಿಧಾನ ಸಭಾ ಕ್ಷೇತ್ರದ ಬ್ಲಾಕ್ ಕಾಂಗ್ರೆಸ್ ಒತ್ತು ಗುರ್ಕಾರೆಯಾದ್, ಮಳವೂರು ಪ್ರಜಾಪ್ರತಿನಿಧಿ ಸಮಿತಿದ ಗುರ್ಕಾರೆಯಾದ್ ಸೇವೆ ಸಂದಾದೆರ್.
ಮಳವೂರು ಗ್ರಾಮ ಪಂಚಾಯತ್ ಬೊಕ್ಕ ಬಜಪೆ ಮಂಡಲ ಪಂಚಾಯತ್ ದ ಸದಸ್ಯೆರಾಯಿನ ಮೇರ್ ಕುಡ್ಲ ಸರಕಾರಿ ಕಾಲೇಜ್ ದ ಯೂನಿಯನ್ ಲೀಡರ್ ಆದಿತ್ತೆರ್.
ಮೆರೆಗ್ ಬೊಡೆದಿ, ರಡ್ಡ್ ಆಣ್ ಜೋಕುಲು ಬೊಕ್ಕ ಮಗಲ್ ಉಲ್ಲೆರ್. ಮೆರೆನ ನಿಧನೊಗು ಮಾಜಿ ಸಚಿವೆರ್ ಕೆ.ಅಭಯಚಂದ್ರ ಜೈನ್, ಮಾಜಿ ಶಾಸಕೆರ್ ವಿಜಯ ಕುಮಾರ್ ಶೆಟ್ಟಿ, ಕಾಂಗ್ರೆಸ್ ಮುಖಂಡೆರ್ ಮಿಥುನ್ ರೈ ಸಂತಾಪ ತೆರಿಪಾದೆರ್.
