Tulu News

ಮಾ.1-3: ಪಣಂಬೂರು ಬೀಚ್ ಡ್ ಜಾನಪದ ಕಡಲ್ ಉಚ್ಚಯ

ಬೆಂಗ್ಲೂರು ಕರ್ನಾಟಕ ಜಾನಪದ ಪರಿಷತ್ ಜಿಲ್ಲಾ ಘಟಕ ಬೊಕ್ಕ ಕದಳಿ ಬೀಜ್ ಟೂರಿಸಂದ ಒಟ್ಟುಸೇರಿಗೆಡ್ ಪಣಂಬೂರು ಬೀಚ್ ಡ್ ಮಾ.1-3 ಮುಟ್ಟ ಜಾನಪದ ಕಡಲ್ ಉಚ್ಚಯ ನಡಪರೆ ಉಂಡು.

ಈ ಲೇಸ್ ನ್ ರಾಜ್ಯಪಾಲೆರ್ ಥಾವರ್ ಚಂದ್ ಗೆಹ್ಲೋಟ್ ಉದಿಪನ ಮಲ್ಪುವೆರ್. ಈ ಲೇಸ್ ಡ್ ಶಿಲ್ಪಿ ಅರುಣ್ ಯೋಗಿರಾಜ್ ಮೈಸೂರ್, ಬೆಂಗ್ಲೂರು ಕರ್ನಾಟಕ ಜಾನಪದ ಪರಿಷತ್ ಜಿಲ್ಲಾ ಘಟಕದ ಗುರ್ಕಾರೆ ಪಮ್ಮಿ ಕೊಡಿಯಾಲ್ ಬೈಲ್ ಪಾಲ್ ಪಡೆಯೆರೆ ಉಲ್ಲೆರ್.

ಅಂಚೆನೆ ಜಾನಪದ ಪ್ರದರ್ಶನ, ಗಾಳಿಪಟ ಪ್ರದರ್ಶನ, ಆಹಾರ ಮೇಳ, ರಮೇಶ್ಚಂದ್ರ ಕೂಟ ಬೊಕ್ಕ ಕಲಾವತಿ ಕೂಟದಕ್ಲೆರ್ದ್ ಜಾನಪದ ರಸಮಂಜರಿ, ಅಜಯ್ ವಾರಿಯರ್ ಕೂಟರ್ದ್ ಸಂಗೀತ ರಸಮಂಜರಿ, ಮಣಿಕಾಂತ್ ಕದ್ರಿ ಕೂಟರ್ದ್ ಕಡಲಗೀತೆ ಮ್ಯೂಸಿಕಲ್ ನೈಟ್ ನಡಪರೆ ಉಂಡು ಪಂದ್ ಬೆಂಗ್ಲೂರು ಕರ್ನಾಟಕ ಜಾನಪದ ಪರಿಷತ್ ಬೆದ್ರ ತಾಲೂಕ್ ಘಟಕದ ಗುರ್ಕಾರ್ದಿ ಪದ್ಮಶ್ರೀ ಭಟ್ ನಿಡ್ಡೋಡಿ ಲೆಪ್ಪೋಲೆಡ್ ತೆರಿಪಾದೆರ್.

ಫೆ.25: ಪೊವಾಯಿ ಕನ್ನಡ ಸೇವಾ ಸಂಘದ ಮಹಿಳಾ ವಿಭಾಗರ್ದ್ ಅರಸಿನ ಕುಂಕುಮ, ಎಲ್ಯ ನಾಟಕ ಪಂತೊ

ಪೊವಾಯಿದ ಕನ್ನಡ ಸೇವಾ ಸಂಘದ ಮಹಿಳಾ ವಿಭಾಗರ್ದ್ ಅರಸಿನ ಕುಂಕುಮ ಲೇಸ್ ಬೊಕ್ಕ ಎಲ್ಯ ನಾಟಕ ಪಂತೊ ಬರ್ಪಿನ ಐತಾರ (ಫೆ.25) ಮದ್ದೆನ 2.30ಗು ಸರಿಯಾದ್ ಸಂಘದ ಕಚೇರಿದ ಆವರಣ ಸೋಲಾರಿಸ್ ನೋ 1 ಸಾಕಿ ವಿಹಾರ ರೋಡ್ ಪೊವಾಯಿ ಮುಲ್ಪ ನಡಪರೆ ಉಂಡು.

ಆನಿದ ಲೇಸ್ ನ್ ಬಂಟರ ಸಂಘ ಮುಂಬಯಿ ನೆತ್ತ ಮಾಜಿ ಮಹಿಳಾ ಗುರ್ಕಾರ್ದಿ ಲತಾ ಜಯರಾಮ್ ಶೆಟ್ಟಿ ಉದಿಪನ ಮಲ್ಪೆರೆ ಉಲ್ಲೆರ್. ಲೇಸ್ ದ ಗುರ್ಕಾರ್ಮೆನ್ ಕನ್ನಡ ಸೇವಾ ಸಂಘ ಪೊವಾಯಿದ ಮಹಿಳಾ ವಿಭಾಗದ ಗುರ್ಕಾರ್ದಿ ಸುಗುಣ ಕೃಷ್ಣ ಶೆಟ್ಟಿ ವಹಿಸೊನರೆ ಉಲ್ಲೆರ್. ಮಲ್ಲ ಬಿನ್ನೆರ್ ಆದ್ ಮುಲುಂಡ್ ಬಂಟ್ಸ್ ಮಹಿಳಾ ವಿಭಾಗ ದ ಗುರ್ಕಾರ್ದಿ ರತ್ನ ವಸಂತ್ ಶೆಟ್ಟಿ ಬೊಕ್ಕ ಬಂಟರ ಸಂಘ ಮುಂಬೈದ ಲೇಡೀಸ್ ವಸತಿ ಗ್ರಹತ್ತ ಸಂಯೋಜಕಿ ಶೋಭಾ ಸಿ ಎ ಶಂಕರ್ ಶೆಟ್ಟಿ ಅಂಚೆನೆ ಮಾನಾದಿಗೆದ ಬಿನ್ನೆರಾದ್ ಕೈತಲ್ದ ಮುನ್ಸಿಪಲ್ ಮೆಂಬರ್ ಅಶ್ವಿನಿ ಅಶೋಕ್ ಮಟೆಕಾರ್ ಬೊಕ್ಕ ಮಾಜಿ ಮುನ್ಸಿಪಲ್ ಮೆಂಬರ್ ಸವಿತಾ ಶರದ್ ಪವಾರ್ ಬರ್ರೆ ಉಲ್ಲೆರ್.

ಅಂಚೆನೆ ಲೇಸ್ ಡ್ ಬಾಂಬೆಡ್ ಸಮಾಜ ಪರ ಕೆಲಸ ಮಲ್ಪುನ ಸಮಾಜ ಸೇವಕಿ ಡಾ. ರಜಿನಿ ವಿನಾಯಕ್ ಪೈ ಬೊಕ್ಕ ಸಂಘದ ಸದಸ್ಯೆ ಭಾರತಿ ಬಾಲಕೃಷ್ಣ ಶೆಟ್ಟಿ ಮೊಕ್ಲೆನ್ ಬಿನ್ನೆರೆ ಚಾವಡಿಡ್ ಮಾನಾದಿಗೆ ಮಲ್ಪರೆ ಉಂಡು. ಅಂಚನೇ ಸಾಂಸ್ಕೃತಿಕ ಕಾರ್ಯಕ್ರಮ ನಡಪರೆ ಉಂಡು ಈ ಮಾತಾ ಲೇಸ್ ಡ್ ತನುಕ್ಲ್ ಪಾಲ್ ಪಡೆವೊಡು ಪಂದ್ ಸಂಘ ದ ಪದುಕೆರ್ ಲೆಪ್ಪೋಲೆಡ್ ತೆರಿಪಾದೆರ್.

ಕೊಡೆತ್ತೂರು ಅರಸು ಕುಂಜರಾಯ ದೈವೊಲ್ಯದ ಬ್ರಹ್ಮಕಲಶೊಗು ದೊಂಪ ಮೂರ್ತ

ಮುಲ್ಕಿ: ಕಿನ್ನಿಗೋಳಿ ಕೈತಲ್ದ ಕೊಡೆತ್ತೂರು ಶ್ರೀ ಅರಸು ಕುಂಜರಾಯ ದೈವೊಲ್ಯಡ್ ನಡಪರೆ ಇಪ್ಪುನ ಅರಸು ಕುಂಜರಾಯನ ಪುನರ್ ಪ್ರತಿಷ್ಠೆ ಬೊಕ್ಕ ಬ್ರಹ್ಮಕಲಶ ಉಚ್ಚಯದ ಲೆಕ್ಕೊಡು ದೊಂಪದ ಮೂರ್ತ ನಡತ್ಂಡ್.

ಕೊಡೆತ್ತೂರು ವೇದವ್ಯಾಸ ಉಡುಪ ಮೇರ್, ಪ್ರಾರ್ತನೆ ಸಂದಾದ್ ಧಾರ್ಮಿಕ ಕೇಂದ್ರಲೆನ ಜೀರ್ಣೋದ್ಧಾರದ ಮುಕೇನ ಗ್ರಾಮಡ್ ಸುಖ, ಶಾಂತಿ, ನೆಮ್ಮದಿ ಬೊಕ್ಕ ಅಭಿವೃದ್ಧಿ ಸಾಧ್ಯ ಪಂದ್ ಪಂಡೆರ್.

ಈ ಪೊರ್ತುಡು ದೈವೊಲ್ಯದ ಆಡಳಿತ ಮಂಡಳಿದ ಸದಸ್ಯೆರ್, ಜೀರ್ಣೋದ್ಧಾರ ಬೊಕ್ಕ ಬ್ರಹ್ಮಕಲಶ ಉಚ್ಚಯ ಸಮಿತಿದ ಸದಸ್ಯೆರ್, ಭಕ್ತೆರ್ ಪಾಲ್ ಪಡೆದಿತ್ತೆರ್.

ಫೆ.25: ಹಳೆಯಂಗಡಿ ಬಿಲ್ಲವ ಸಂಘದ 59ನೇ ವರ್ಷದ ಮಹಾಸಭೆ

ಹಳೆಯಂಗಡಿ ಬಿಲ್ಲವ ಸಮಾಜ ಸೇವಾ ಸಂಘದ 59ನೇ ವರ್ಷದ ಮಹಾಸಭೆ ಫೆ.25 ಐತಾರ ಹಳೆಯಂಗಡಿ ಬಿಲ್ಲವ ಭವನಡ್ ನಡಪರೆ ಉಂಡು.

ಈ ಲೇಸ್ ಸಂಘದ ಗುರ್ಕಾರೆ ಚಂದ್ರಶೇಖರ್ ನಾನಿಲ್ ಮೆರೆನ ಗುರ್ಕಾರ್ಮೆಡ್ ನಡಪರೆ ಉಂಡು.

ಈ ಲೇಸ್ ಡ್ ಸಂಘದ ಸದಸ್ಯೆರ್ ಎಚ್ಚದ ಸಂಖ್ಯೆಡ್ ಪಾಲ್ ಪಡೆದ್, ಸಭೆತ್ತ ಯಶಸ್ವಿಗ್ ಸಹಕಾರ ಮಲ್ಪೊಡು ಪಂದ್ ಕಾರ್ಯಕಾರಿ ಸಮಿತಿದ ಮಾನಾದಿಗೆದ ಪ್ರಧಾನ ಕಾರ್ಯದರ್ಶಿ ಹಿಮಕರ್ ಟಿ ಸುವರ್ಣ ಕಲ್ಲಾಡಿ ಕದಿಕೆ ಲೆಪ್ಪೋಲೆಡ್ ತೆರಿಪಾದೆರ್.

ಫೆ.25-ಮಾ.2: ಒಡಿಪು-ಕೊಡವೂರು ಸುಮನಸಾ ರಂಗಪರ್ಬ

ಒಡಿಪು-ಕೊಡವೂರು ಸುಮನಸಾ ಸಾಂಸ್ಕೃತಿಕ ಸಮಾಜ ಸೇವಾ ಸಂಘಟನೆದ 12ನೇ ರಂಗಪರ್ಬ ಫೆ.25 ರ್ದ್ ಮಾ.2 ಮುಟ್ಟ ಒಡಿಪು ಅಜ್ಜರಕಾಡು ಭುಜಂಗಪಾರ್ಕ್ ಬಯಲುರಂಗ ಮಂದಿರಡ್ ನಡಪರೆ ಉಂಡು.

ಪ್ರತಿದಿನೊಲ ಸಾಂಸ್ಕೃತಿಕ ಲೇಸ್ ದ ಲೆಕ್ಕೊಡು ಬೇತೆ ಬೇತೆ ನಾಟಕ ನಡಪರೆ ಉಂಡು.

ಈ ಲೇಸ್ ಬೆಂಗ್ಲೂರು-ಒಡಿಪು ಕನ್ನಡ ಬೊಕ್ಕ ಸಂಸ್ಕೃತಿ ಇಲಾಖೆದ ಸಹಕಾರಡ್ ನಡಪರೆ ಉಂಡು.

ಫೆ.23-24: ಪಂಜ ಶ್ರೀ ಕೋಡ್ದಬ್ಬು ದೈವೊಲ್ಯಡ್ ಸಿರಿಸಿಂಗಾರದ ನೇಮ

ಕೊಯಿಕುಡೆ: ಪಂಜ ಶ್ರೀ ಕೋಡ್ದಬ್ಬು ದೈವೊಲ್ಯಡ್ ಸಿರಿಸಿಂಗಾರದ ನೇಮ ಫೆ.23 ಬೊಕ್ಕ 24 ಕ್ಕ್ ನಡಪರೆ ಉಂಡು.

ಫೆ.23 ಸುಕ್ರಾರ ಬಯ್ಯಗ್ ಭಂಡಾರ ಏರಿಯೆರೆ, ಅನ್ನ ಪ್ರಸಾದ ಸೇವೆ, ರಾತ್ರೆ ಶ್ರೀ ಕೋಡ್ದಬ್ಬು ದೈವೊದ ಬೊಕ್ಕ ತನ್ನಿಮಾನಿಗ ದೈವೊದ ನೇಮ ನಡಪರೆ ಉಂಡು.

ಫೆ.24 ಸನಿಯಾರ ಬಯ್ಯಗ್ ಧೂಮಾವತಿ ಬಂಟ ದೈವೊಲೆನ ನೇಮ, ಭಂಡಾರ ಪೋವೆರೆ ಉಂಡು.

ಈ ಲೇಸ್ ಡ್ ಭಕ್ತೆರ್ ಮಾತೆರ್ಲಾ ಕುಟುಂಬ ಸಮೇತೆರಾದ್ ಬತ್ತ್ ದ್, ಸಿರಿಮುಡಿ ಗಂಧ ಪ್ರಸಾದ ದೆತೊಂದು ಶ್ರೀ ದೈವೊಲೆನ ಕೃಪೆಗ್ ಪಾತ್ರರಾವೊಡು ಪಂದ್ ಪಂಜದ ಗುತ್ತು ವಿಶ್ವನಾಥ ಶೆಟ್ಟಿ, ಪಂಜ ಶ್ರೀ ಕೋಡ್ದಬ್ಬು ದೈವಸ್ಥಾನದ ಆಡಳಿತ ಮಂಡಳಿ, ಪಂಜ ಮೊಗಪಾಡಿ ಗ್ರಾಮದ ಪತ್ತ್ ಸಮಸ್ತೆರ್ ಲೆಪ್ಪೋಲೆಡ್ ತೆರಿಪಾದೆರ್.

ಫೆ.23-25: ಮೀರಾರೋಡ್ ಲಕ್ಷ್ಮೀನಾರಾಯಣ ಭಜನಾ ಸಮಿತಿದ 24ನೇ ವರ್ಷದ ಮಂಗಳ ಉಚ್ಚಯ

ಮೀರಾರೋಡ್ ಶ್ರೀ ಲಕ್ಷ್ಮೀನಾರಾಯಣ ಭಜನಾ ಸಮಿತಿದ 24ನೇ ವರ್ಷದ ಮಂಗಳ ಉಚ್ಚಯ ಲೇಸ್ ಫೆ.23-25 ಮುಟ್ಟ ನಡಪರೆ ಉಂಡು.

ಫೆ.23 ಕ್ಕ್ ಬಯ್ಯಗ್ ಪೊಂಜೋವುನಕ್ಲೆರ್ದ್ ಅರಶಿನ ಕುಂಕುಮ ಲೇಸ್ ನಡಪರೆ ಉಂಡು.

ಫೆ.24 ಕ್ಕ್ ಬೊಲ್ಪುಗು ಗಣಹೋಮ, ಕಲಶ ಪ್ರತಿಷ್ಠಾಪನೆ, ಏಕಾಹ ಭಜನೆ, ಮಧ್ಯಾಹ್ನ ಅನ್ನ ಪ್ರಸಾದ ಸೇವೆ ನಡಪರೆ ಉಂಡು.

ಫೆ.25 ಕ್ಕ್ ಬೊಲ್ಪುಗು ಮಂಗಳಾರತಿ ಬೊಕ್ಕ ಪ್ರಸಾದ ಪಟ್ಟುನ ಲೇಸ್ ನಡಪರೆ ಉಂಡು.

ಈ ಮಾತ ಲೇಸ್ ಡ್ ಮಾತೆರ್ಲಾ ಪಾಲ್ ಪಡೆದ್ ತೀರ್ಥ ಪ್ರಸಾದ ದೆತೊಂದು ಶ್ರೀ ಲಕ್ಷ್ಮೀನಾರಾಯಣ ದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ಶ್ರೀ ಲಕ್ಷ್ಮೀನಾರಾಯಣ ಭಜನಾ ಸಮಿತಿ ಕಾರ್ಯಕಾರಿ ಮಂಡಳಿದ ಗುರ್ಕಾರೆ ಹರೀಶ್ ಜಿ ಪೂಜಾರಿ ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.

ನಡಿಕುದ್ರು ಶ್ರೀ ಜಾರಂದಾಯಗ್ ಗಡು ಜಾಗೆಡ್ ಗೌಜಿದ ನೇಮ

ಮುಲ್ಕಿ: ನಡಿಕುದ್ರು ಶ್ರೀ ಧರ್ಮದೈವ ಜಾರಂದಾಯ ದೈವೊಲ್ಯದ ಗಡು ಜಾಗೆಡ್ ಶ್ರೀ ಧರ್ಮದೈವೊಲೆನ ನೇಮ ಬುಧಾರ ರಾತ್ರೆ ಭಾರಿ ಗೌಜಿಡ್ ನಡತ್ಂಡ್.

ಬೊಲ್ಪುಗು ಪ್ರಾರ್ತನೆ, ನವಕ ಕಲಶಾಭಿಷೇಕ, ನಾಗದೇವೆರೆಗ್ ಪೇರ್ ದ ಅಭಿಷೇಕ, ವಿದ್ಯಾರ್ಥಿ ವೇತನ ಪಟ್ಟುನ ಲೇಸ್, ಮಧ್ಯಾಹ್ನ ಅನ್ನ ಪ್ರಸಾದ ಸೇವೆ, ರಾತ್ರೆ ಭಂಡಾರ ಜಪ್ಪೆರೆ, ಅನ್ನ ಪ್ರಸಾದ ಸೇವೆ, ಮೈಸಂದಾಯ ನೇಮ, ಶ್ರೀ ಧರ್ಮದೈವ ಜಾರಂದಾಯ, ಬಂಟ ಪರಿವಾರ ದೈವೊಲೆನ ಗಡಿನಾಡು ನೇಮ ನಡತ್ಂಡ್.

ಈ ಪೊರ್ತುಡು ದೈವೊಲ್ಯದ ಆಡಳಿತ ಮಂಡಳಿದ ಸದಸ್ಯೆರ್, ಭಕ್ತೆರ್ ಪಾಲ್ ಪಡೆದಿತ್ತೆರ್.

ಮಾ.3: ಯಕ್ಷಧ್ರುವ ಪಟ್ಲ ಫೌಂಡೇಶನ್ ಟ್ರಸ್ಟ್ (ರಿ.) ಬ್ರಹ್ಮಾವರ ಘಟಕದ ಸುರುತ್ತ ವರ್ಷದ ಲೇಸ್, ಅಶಕ್ತ ಕಲಾವಿದೆರೆಗ್ ಮಾನಾದಿಗೆ

ಕುಡ್ಲ: ಯಕ್ಷಧ್ರುವ ಪಟ್ಲ ಫೌಂಡೇಶನ್ ಟ್ರಸ್ಟ್ (ರಿ.) ಬ್ರಹ್ಮಾವರ ಘಟಕದ ಸುರುತ್ತ ವರ್ಷದ ಲೇಸ್, ಅಶಕ್ತ ಬೊಕ್ಕ ಉದಯೋನ್ಮುಖ ಕಲಾವಿದೆರೆಗ್ ಮಾನಾದಿಗೆದ ಅಭಿನಂದನೆ ಮಾ.3 ಐತಾರ ಬಯ್ಯಗ್ ಯಡ್ತಾಡಿ ಮೂಡಬೆಟ್ಟು ಪ್ರಕೃತಿ ಲೇಔಟ್ ಡ್ ನಡಪರೆ ಉಂಡು.

ಅಂಚೆನೆ ಸಾಂಸ್ಕೃತಿಕ ಲೇಸ್ ದ ಲೆಕ್ಕೊಡು ಶ್ರೀ ಜ್ಞಾನಶಕ್ತಿ ಸುಬ್ರಹ್ಮಣ್ಯ ಸ್ವಾಮಿ ಕೃಪಾಪೋಷಿತ ಯಕ್ಷಗಾನ ಮಂಡಳಿ ಪಾವಂಜೆ ಮೊಕ್ಲೆರ್ದ್ “ಅಯೋಧ್ಯಾ ದೀಪ’ ಆಟ ನಡಪರೆ ಉಂಡು ಪಂದ್ ಯಕ್ಷಧ್ರುವ ಪಟ್ಲ ಫೌಂಡೇಶನ್ ಟ್ರಸ್ಟ್ (ರಿ.) ಬ್ರಹ್ಮಾವರ ಘಟಕ ಲೆಪ್ಪೋಲೆಡ್ ತೆರಿಪಾದ್ಂಡ್.

ರೇಡಿಯೊ ಮಣಿಪಾಲ್ ದ ತುಳುವೆರೆ ಜಾಲ್ ಡ್ ಕಂಗೀಲು

ಮಣಿಪಾಲ: ರೇಡಿಯೊ ಮಣಿಪಾಲ್ 90.4 Mhz ದ ತುಳುವೆರೆ ಜಾಲ್ ಡ್ ಫೆ.22 ಗುರುವಾರ ಬಯ್ಯಗ್ 6.10 ಕ್ಕ್ ಪ್ರಸಾರ ಆಪುಂಡು.

ಈ ಲೇಸ್ ಡ್ ಕಟಪಾಡಿ ಮಟ್ಟುಡು ಆಚರಣೆ ಮಲ್ಪುನ ಕಂಗೀಲು ಸೇವೆದ ಬಗೆಟ್ಟ್ ಗ್ರಾಮಸ್ಥೆರ್ ರಾಜಶೇಖರ್, ಪಾಡ್ದನ ಕಲಾವಿದೆರ್ ದಿನೇಶ್ ಮಟ್ಟು ಬೊಕ್ಕ ಶಶಿಕುಮಾರ್ ಮೊಕ್ಲೆನೊಟ್ಟಿಗೆ ಪಾತೆರಕತೆ ನಡತ್ಂಡ್. ಫೆ.23 ಕ್ಕ್ ಮಧ್ಯಾಹ್ನ 2.10 ಕ್ಕ್ ಕುಡೊರ ಪ್ರಸಾರ ಆಪುಂಡು.

ಈ ಲೇಸ್ ನ್ ಆಂಡ್ರಾಯ್ಡ್ ಫೋನ್ ಬೊಕ್ಕ ಐಫೋನ್ ಡ್ ರೇಡಿಯೊ ಮಣಿಪಾಲ್ ಆಪ್ ಡೌನ್‌ಲೋಡ್ ಮಲ್ತ್ ದ್ ಕೇನೊಲಿ ಪಂದ್ ರೇಡಿಯೊ ಸಮುದಾಯ ಬಾನುಲಿ ಕೇಂದ್ರದ ಪ್ರಕಟಣೆ ತೆರಿಪಾದ್ಂಡ್.