Tulu News

Radio Manipal to air ‘ Kathe Kelona’ series ರೇಡಿಯೊ ಮಣಿಪಾಲ್ ಡ್ ಕಥೆ ಕೇಳೋಣ ಕೂಪೆ

ಮಣಿಪಾಲ: ರೇಡಿಯೊ ಮಣಿಪಾಲ್ 90.4 Mhz ಡ್ ಕನ್ನಡ ಸಾಹಿತ್ಯ ಪರಿಷತ್ ಒಡಿಪು ಜಿಲ್ಲೆ ಬೊಕ್ಕ ತಾಲೂಕ್ ಘಟಕದ ಒಟ್ಟುಸೇರಿಗೆಡ್ ಕಥೆ ಕೇಳೋಣ ಸರಣಿ ಲೇಸ್ ದ 49ನೇ ಸಂಚಿಕೆ ಎ.8 ಕ್ಕ್ ಸನಿಯಾರ ಬಯ್ಯಗ್ 4.30ಕ್ಕ್ ಪ್ರಸಾರ ಆಪುಂಡು.

ಈ ಲೇಸ್ ಡ್ ಸಾಹಿತ್ಯಾಸಕ್ತೆರ್ ಬೊಕ್ಕ ಕಲ್ಪಾರ್ಥಿ ಪವಿತ್ರ ಜೆ. ಕೋಟ್ಯಾನ್ ಮೂಡುಮಾರ್ನಾಡು ಪಾಲ್ ಪಡೆಯೆರೆ ಉಲ್ಲೆರ್.ಎ.9 ಕ್ಕ್ ಮಧ್ಯಾಹ್ನ 12.30ಕ್ಕ್ ಕತೆ ಕುಡೊರ ಪ್ರಸಾರ ಆಪುಂಡು.

Radio Manipal to air ‘ Kathe Kelona’ series

Manipal: Radio Manipal 90.4 MHz Kannada sahitya Parishad, Udupi district and taluk unit together will air the 49 th episode of ‘Kathe Kelona’ sequence on Saturday the 8 th of April at 4.30 p. m.

Radio Manipal to air program on creating awareness among the voters ರೇಡಿಯೊ ಮಣಿಪಾಲ್ ಡ್ ಮತದಾನ ಜಾಗೃತಿ

ಮಣಿಪಾಲ: ರೇಡಿಯೊ ಮಣಿಪಾಲ್ 90.4 Mhz ಡ್ ಮತದಾನ ಜಾಗೃತಿ ಲೇಸ್ ಎ.8 ಕ್ಕ್  ಸನಿಯಾರ ಬಯ್ಯಗ್ 4.45ಕ್ಕ್ ಪ್ರಸಾರ ಆಪುಂಡು.

ಈ ಲೇಸ್ ಡ್ ಬ್ರಹ್ಮಾವರದ ಕ್ಷೇತ್ರ ಸಂಪನ್ಮೂಲ ವ್ಯಕ್ತಿ ಉದಯ್ ಕೋಟ ಪಾಲ್ ಪಡೆಯೆರೆ ಉಲ್ಲೆರ್. ಎ.9 ಕ್ಕ್ ಮಧ್ಯಾಹ್ನ 12.45ಕ್ಕ್ ಕುಡೊರ
ಪ್ರಸಾರ ಆಪುಂಡು.

Radio Manipal to air program on creating awareness among the voters

Manipal: A program to create awareness among the voting population will be aired on Radio Manipal 90.4 MHz at 4.45 p. m on Saturday. It will be aired again at 12.45 p m on Sunday.

The President Droupadi Murmu inaugurates the ” Elephant festival” ಗಜ ಉಚ್ಚಯ ಉದಿಪನ ಮಲ್ತಿನ ರಾಷ್ಟ್ರಪತಿ ದ್ರೌಪದಿ ಮುರ್ಮು

ಗುವಾಹಟಿ: ರಾಷ್ಟ್ರಪತಿ ದ್ರೌಪದಿ ಮುರ್ಮು ಮೇರ್ ಸುಕ್ರಾರ 2023ತ್ತ ಗಜ ಉಚ್ಚಯದ ಉದಿಪನನ್ ಅಸ್ಸಾಂದ ಕಾಜಿರಂಗ ರಾಷ್ಟ್ರೀಯ ಉದ್ಯಾನವನಡ್ ಮಲ್ತೆರ್.‌

ಬೊಕ್ಕ ಜೀಪ್ ಸಫಾರಿನ್ ಮಲ್ತಿನ ಮೇರ್, ಆನೆಲೆಗ್ ತೆನಸ್ ನ್ ಕೊರಿಯೆರ್. ಈ ಸಫಾರಿದ ಪೊರ್ತುಡು ರಾಷ್ಟ್ರಪತಿಲು ಒಂಜಿ ಕೊಂಬುದ ಫೇಂಡಾಮೃಗ, ಕಾಡೆರ್ಮೆ, ಜಿಂಕೆ ಬೊಕ್ಕ ಪಕ್ಕಿಲು ಸೇರಿನಂಚನೆ ಸುಮಾರ್ ಪ್ರಾಣಿಲೆಗ್ ತೂಯೆರ್ ಪಂದ್ ಅಧಿಕಾರಿಲು ತೆರಿಪಾಯೆರ್.

ರಾಷ್ಟ್ರಪತಿಲು ಉದಿಪನದ ಬೊಕ್ಕ, ಪ್ರಕೃತಿ ಬೊಕ್ಕ ಮಾನವೀಯತೆದ ಬಗೆಟ್ ಸಭೆನ್ ಉದ್ದೇಶಿಸಾದ್ ಪಾತೆರ್ದ್, ಪ್ರಕೃತಿನ್ ಗೌರವಿಸಾವುನ ಸಂಸ್ಕೃತಿ ನಮ್ಮ ದೇಶದ ಗುರುತಾವೊಡು. ಭಾರತಡ್, ಪ್ರಕೃತಿ ಬೊಕ್ಕ ಸಂಸ್ಕೃತಿ ಒಂಜೆಕ್ಕೊಂಜಿ ಸಂಬಂಧ ಉಂಡು ಪಂದ್ ಪಂಡೆರ್.

ಅಂಚೆನೆ ಆನೆ ಭಾರತದ ರಾಷ್ಟ್ರೀಯ ಪಾರಂಪರಿಕ ಪ್ರಾಣಿ. ಅಂಚಾದ್, ಆನೆಲೆನ್ ರಕ್ಷಣೆ ಮಲ್ಪುನೇ ನಮ್ಮ ರಾಷ್ಟ್ರೀಯ ಪರಂಪರೆನ್ ಸಂರಕ್ಷಣೆ ಮಲ್ಪುನ ಜಬದಾರಿದ ಪ್ರಮುಖ ಭಾಗ ಆತ್ಂಡ್ ಪಂದ್ ಪಂಡೆರ್.

The President Droupadi Murmu inaugurates the ” Elephant festival”

Guwahati : The president Droupadi Murmu Inaugurated the ” Gaj Mahotsav” on Friday, April 6 th at Kaziranga national park in Assam.

Later she took a jeep Safari and later held a meeting where she spoke on Nature and humanity , human animal conflict and the relationship between Nature and culture and tradition of place.

The conservation of the Asian elephant is of prime importance and it is our duty to help protect the species she said .

Mulki- Missing girl found in Dharmasthala ಮುಲ್ಕಿ: ನಾಪತ್ತೆ ಆಯಿನ ಪೊಣ್ಣು ಧರ್ಮಸ್ಥಳಡ್ ಪತ್ತೆ

ಮುಲ್ಕಿ: ಕೆಲವು ದಿನತ್ತ ಪಿರವು ನಾಪತ್ತೆ ಆಯಿನ ಪೊಣ್ಣು ಧರ್ಮಸ್ಥಳಟ್ಟ್ ಪತ್ತೆ ಆತೆರ್.

ಎ.3 ಕ್ಕ್ ನಾಪತ್ತೆ ಆದಿತ್ತಿನ ಪಕ್ಷಿಕೆರೆ ಅತ್ತೂರು ಕಾಪಿಕಾಡ್ ದ ಕುಮಾರಿ ಸ್ವಾತಿ ಕೋಟ್ಯಾನ್, ಧರ್ಮಸ್ಥಳಡ್ ಪತ್ತೆ ಆತೆರ್. ಮಾನಸಿಕ ತೊಂದರೆನೇ ಮೇರ್ ಇಲ್ಲ್ ಬುಡ್ದ್ ಪೋವೆರೆ ಕಾರಣ ಪಂದ್ ತೆರಿದ್ ಬೈದ್ಂಡ್.

ನೇರ್ದ್ ದುಂಬು ಮೇರ್ ಪ್ರೀತಿ ಮಲ್ತ್ ದ್ ಬಲಿತೆರ್ ಪಂದ್ ಸುಮಾರ್ ಪತ್ರಿಕೆಡ್ ವರದಿ ಆದಿತ್ತ್ಂಡ್. ಈ ಕೇಸ್ ನ್ ಗಂಭೀರವಾದ್ ದೆತ್ತೊನ್ನ ಮುಲ್ಕಿ ಪೊಲೀಸೆರ್ ಕೂಡ್ಲೆ ಕಾರ್ಯಪ್ರವೃತ್ತೆರಾದ್ ಧರ್ಮಸ್ಥಳಡ್ ಪೊಣ್ಣು ಇಪ್ಪುನ ಬಗ್ಗೆ ಅಲ್ಪದ ಪೊಲೀಸೆರೆರ್ದ್ ಪೊಲಬು ತಿಕಿನ ಕೂಡ್ಲೆ ಧರ್ಮಸ್ಥಳ ಪೊಲೀಸರೆನ್ ಸಂಪರ್ಕ ಮಲ್ತ್ ದ್ ಪೊಣ್ಣನ್ ಲೆತೊಂದು ಬರ್ಪಿನೆಟ್ಟ್ ಯಶಸ್ವಿ ಆತೆರ್.

Mulki-Missing girl found in Dharmasthala

Mulki: The girl who went missing a few days back has been found in Dharmasthala.

Swathi Kotian from Pakshikere was missing from April 3rd.She has been found at Dharmasthala. She is suffering from some mental challenges and this is the reason she left home.

Radio Manipal to air ” Puranamrutha” – Pauranika Patra Jeevana Sutra series ರೇಡಿಯೊ ಮಣಿಪಾಲ್ ಡ್ ಪುರಾಣಾಮೃತ- ಪೌರಾಣಿಕ ಪಾತ್ರ ಜೀವನ ಸೂತ್ರ ಸರಣಿ ಲೇಸ್

ಮಣಿಪಾಲ: ರೇಡಿಯೊ ಮಣಿಪಾಲ್ 90.4 Mhz ಡ್ ಪುರಾಣಾಮೃತ- ಪೌರಾಣಿಕ ಪಾತ್ರ ಜೀವನ ಸೂತ್ರ ಸರಣಿ ಲೇಸ್ ದ 90ನೇ ಸಂಚಿಕೆ ಎ.8 ಕ್ಕ್ ಸನಿಯಾರ ಬಯ್ಯಗ್ 4.15ಕ್ಕ್ ಪ್ರಸಾರ ಆಪುಂಡು.

ಈ ಲೇಸ್ ಡ್ ಉಪನ್ಯಾಸಕೆರ್ ಮುಂಡಾಜೆ ಕುಮಾರೇಶ್ವರ ಭಟ್ ಪಾಲ್ ಪಡೆಯೆರೆ ಉಲ್ಲೆರ್. ಎ.9 ಕ್ಕ್ ಮಧ್ಯಾಹ್ನ 12.15 ಕ್ಕ್ ಕುಡ ಪ್ರಸಾರ ಆಪುಂಡು.

ರೇಡಿಯೊ ಮಣಿಪಾಲಡ್ ಸಂಗೀತ ಪಾಠ ಲೇಸ್

ಮಣಿಪಾಲ: ರೇಡಿಯೊ ಮಣಿಪಾಲಡ್ ಕಾವ್ಯಗಾನ-ಸಂಗೀತ ಪಾಠ ಲೇಸ್ ದ 2ನೇ ಸಂಚಿಕೆ ಎ.7 ಸುಕ್ರಾರ ಬಯ್ಯಗ್ 5.30ಕ್ಕ್ ಪ್ರಸಾರ ಆಪುಂಡು.

ಈ ಲೇಸ್ ಡ್ ಸಂಗೀತ ಶಿಕ್ಷಕೆರ್ ಕಾವ್ಯ ಸೀತಾರಾಮ ಆಚಾರ್ಯ ಕೊಡವೂರು ಪಾಲ್ ಪಡೆಯೆರೆ ಉಲ್ಲೆರ್. ನನ ಸನಿಯಾರ 1.30ಕ್ಕ್ ಮರು ಪ್ರಸಾರ ಆಪುಂಡು.

ಎ.18: ಶಾಂತಿಪಳಿಕೆ ಶ್ರೀ ಮಹಾಮ್ಮಾಯ ದೇವಲ್ಯಡ್ ಮಾರಿಪೂಜೆ

ವರ್ಕಾಡಿ: ಶಾಂತಿಪಳಿಕೆ ಶ್ರೀ ಮಹಾಮ್ಮಾಯ ದೇವಲ್ಯಡ್ ಮಾರಿಪೂಜೆ ಎ.18 ಅಂಗಾರೆ ರಾತ್ರೆ ನಡಪರೆ ಉಂಡು.

ಮಾರಿಪೂಜೆದ ದಿನ ಕಾಂಡೆ ಸೂರ್ಯೋದಯರ್ದ್ ಸೂರ್ಯಾಸ್ತ ಮುಟ್ಟ ಬೇತೆ ಬೇತೆ ಭಜನೆ ಕೂಟರ್ದ್ ಭಜನೆ ಸಂಕೀರ್ತನೆ ನಡಪರೆ ಉಂಡು. ರಾತ್ರೆ ಸಾಂಸ್ಕೃತಿಕ ಲೇಸ್ ದ ಅಂಗವಾದ್ ಸಾಂಸ್ಕೃತಿಕ ಕಲಾ ವೇದಿಕೆ ಶಾಂತಿಪಳಿಕೆ ನೆತ್ತ ಮುತಾಲಿಕೆಡ್, ಒಡಿಪು ಅಭಿನಯ ಕಲಾವಿದೆರೆರ್ದ್ ಶಾಂಭವಿ ನಾಟಕ ನಡಪರೆ ಉಂಡು. ಅಂಚೆನೆ ಕಾಣಿಕೆಡಬ್ಬಿ ಕೊನೊದು ಪೋಯಿನ ಭಕ್ತಾದಿಲು ಮಾರಿಪೂಜೆದ ದಿನ ಶ್ರೀ ಕ್ಷೇತ್ರಗ್ ಕನವೊಡು ಪಂದ್ ತೆರಿಪಾದೆರ್.

ಈ ಲೇಸ್ ಭಕ್ತಾಭಿಮಾನಿಲು ಮಾತೆರ್ಲಾ ಬತ್ತ್ ದ್, ಪ್ರಸಾದ ದೆತೊಂದು, ಶ್ರೀ ದೇವಿನ ಕೃಪೆಗ್ ಪಾತ್ರರಾವೊಡು ಪಂದ್ ದೇವಲ್ಯದ ಆಡಳಿತ ಮೊಕ್ತೇಸರೆರ್, ಸೇವಾ ಸಮಿತಿ ಬೊಕ್ಕ ಊರುದ ಪತ್ತ್ ಸಮಸ್ತೆರ್ ಲೆಪ್ಪೋಲೆಡ್ ತೆರಿಪಾದೆರ್.

Yakshagana artist of Sasihitlu Mela Nalka Jagdish is no more ಸಸಿಹಿತ್ಲು ಮೇಳದ ಯಕ್ಷಗಾನ ಕಲಾವಿದೆ ನಲ್ಕ ಜಗದೀಶ್ ನನ ನೆಂಪು ಮಾತ್ರ

ಸಸಿಹಿತ್ಲು ಮೇಳದ ಬಹುಮುಖ ಪ್ರತಿಭೆದ ಪದವೀಧರ ಕಲಾವಿದೆ ನಲ್ಕ ಜಗದೀಶ ( 56 ) ಮೇರ್ ಕೋಡೆ ರಾತ್ರೆ ಕುಡ್ಲದ ಖಾಸಗಿ ಆಸ್ಪತ್ರೆಡ್ ಚಿಕಿತ್ಸೆ ಫಲಕಾರಿ ಅವಂದೆ ದೇವೆರೆ ಪಾದೊ ಸೇರಿಯೆರ್. ‌

ಮೇರ್ ಕರಿನ 21 ವರ್ಷೊದಿಂಚ ಸಸಿಹಿತ್ಲು ಮೇಳಡ್ ಎಚ್ಚಾದ್ ಕಥಾನಾಯಕನ ಪಾತ್ರ ಮಲ್ತೊಂದು ಇತ್ತೆರ್. ಪೋಷಕ ಪಾತ್ರಡ್ ಸೈ ಪಂಡಿನ ಮೇರ್ ಭಗವತಿ ಮಹಾತ್ಮೆಡ್ ಈಶ್ವರನ ಪಾತ್ರ, ದೇವಿ ಮಹಾತ್ಮೆಡ್ ವಿಷ್ಣು, ರಕ್ತಬೀಜ ಪಾತ್ರ ಮಲ್ದೆರ್. ಮೆರೆಗ್ ಬೊಡೆದಿ ಹವ್ಯಾಸಿ ಯಕ್ಷಗಾನ ಕಲಾವಿದೆ ಹೇಮಾ, ಒಂಜಿ ಪೊಣ್ಣು ಮಗಲ್, ಎಲ್ಯ ಆನ್ ಬಾಲೆ ಉಲ್ಲೆರ್.

ಒಂಜಿ ತಿಂಗೊಲ್ದ ಪಿರವು ಹುಷಾರ್ ಇಜ್ಜಂದೆ ಆಸ್ಪತ್ರೆ ಸೇರಿನ ಮೇರ್ ಸಹ ಕಲಾವಿದೆರೆಗ್ ಮೋಕೆದ ಕಲಾವಿದೆರಾತೆರ್. ಮೆರೆನ ಸಾವುಗ್ ಮೇಳದ ಸಂಚಾಲಕೆರ್, ಸಹಕಲಾವಿದೆರ್ ಬೇಜಾರಾತೆರ್.‌

Yakshagana artist of Sasihitlu Mela Nalka Jagdish is no more

The multi talented, well educated artist Nalka Jagdish (56) expired yesterday.
He was serving in the Sasihitlu Mela as a leading artist from the past 21 years .He leaves behind wife Hema who is also an hobby Yakshagana artist and two children.

50 persons dead in a shootout in Nigeria ನೈಜೀರಿಯಾಡ್ ಗುಂಡುದ ದಾಳಿಗ್ 50 ಜನ ತೀರ್ ಪೋಯೆರ್

ನೈಜೀರಿಯಾದ ಹಳ್ಳಿಯೊಂಜೇತ ಮಿತ್ತ್ ಬಂದೂಕುಧಾರಿಲು ದಾಳಿ ಮಲ್ತಿನ ಕಾರಣ 50 ಜನ ತೀರ್ ಪೋಯೆರ್ ಪಂದ್ ಅಧಿಕಾರಿಲು ತೆರಿಪಾದೆರ್.

ಬೆನ್ಯೂ ರಾಜ್ಯದ ಉಮೊಗಿಡಿ ಗ್ರಾಮಡ್ ಈ ಘಟನೆ ನಡತ್ಂಡ್. ಮಾರ್ಕೆಟ್ ಪ್ರದೇಶಡ್ ಬಂದೂಕುಧಾರಿಲು ದಾಳಿ ನಡಪಾದೆರ್. ದಾಳಿದ ಉದ್ದೇಶ ದಾದ ಪಂದ್ ನನ‌ ತೆರಿದ್ ಬರೊಡಾತೆ.‌

50 persons dead in a shootout in Nigeria

A shootout by a group of armed men at a village in Nigeria has left 50 persons dead said sources.

The incident happened in Bento state Umoyogidi village at the market place and the reason for the shoot out is not yet known.

ತುಳುನಾಡ ರಕ್ಷಣಾ ವೇದಿಕೆದ ಮುತಾಲಿಕೆಡ್ ನಡತ್ಂಡ್ ತುಳುನಾಡ ಸ್ವಾತಂತ್ರ್ಯ ದಿನಾಚರಣೆ

ಕುಡ್ಲ: ತುಳುನಾಡ ರಕ್ಷಣಾ ವೇದಿಕೆದ ಮುತಾಲಿಕೆಡ್ ಕರಿನ 12 ವರ್ಷೊದಿಂಚ ಬೇತೆ ಸಂಘ ಸಂಸ್ಥೆದೊಟ್ಟಿಗೆ ಸೇರೊಂದು ಎಪ್ರಿಲ್‌ 5 1837ನೇ ಇಸವಿಡ್ ತುಳುನಾಡ ಸ್ವಾತಂತ್ರ್ಯದ ದಿನ ಪನ್ಪುನ ನಿಲೆಟ್ಟ್ ಕುಡ್ಲದ ಬಾವುಟ ಗುಡ್ಡೆಡ್ ತುಳುನಾಡ ಕೊಡಿ ರಾಪಾದ್ ಲೇಸ್ ನ್ ಆಯೋಜನೆ ಮಲ್ತೊಂದು ಬರೊಂದು ಉಲ್ಲೆರ್.

ಅಂಚೆನೆ ಕರಿನ ನವೆಂಬರ್‌ 19 ಕ್ಕ್ ಸನ್ಯಾನ್ಯ ಮುಖ್ಯಮಂತ್ರಿ ಬಸವರಾಜ್‌ ಬೊಮ್ಮಾಯಿ ಮೇರ್ ಬತ್ತ್ ದ್ ತುಳುನಾಡ ಸ್ವಾತಂತ್ರ್ಯ ವೀರ ಕೆದಂಬಾಡಿ ರಾಮಯ್ಯ ಗೌಡ್ರೆನ ಕಂಚ್ ದ ಪ್ರತಿಮೆನ್ ಉದಿಪನ ಮಲ್ತೆರ್.

ತುಳುನಾಡ ಸ್ವಾತಂತ್ರ್ಯ ಹೋರಾಟಗಾರೆರೆನ ನೆಂಪುದ ಸ್ಮಾರಕದ ಕೈತಲ್ ಡ್ ತುಳುನಾಡ ಬಾವುಟನ್ ರಾಪಾಯೆರ್.

ಈ ನಿಲೆಟ್ಟ್ ಪ್ರತಿ ವರ್ಷೊದಂಚೆನೆ ಈ ವರ್ಷೊಲ ಕೊಡಿ ವಂದನೆ ಬೊಕ್ಕ ಪುಷ್ಪಾರ್ಚನೆ ಲೇಸ್ ನಡತ್ಂಡ್. ಕೊಡಿನ್ ದಯಾನಂದ ಜಿ. ಕತ್ತಾಲ್‌ ಸಾರ್‌ ಮೇರ್ ಏರಾಯೆರ್. ಬೊಕ್ಕ ಕೆದಂಬಾಡಿ ರಾಮಯ್ಯ ಗೌಡ್ರೆನ ಪ್ರತಿಮೆಗ್ ಪುಷ್ಪರ್ಚಾನೆನ್ ಕೆದಂಬಡಿ ರಾಮಯ್ಯ ಗೌಡೆರೆನ ಸ್ಮಾರಕ ಉಸ್ತುವಾರಿ ಸಮಿತಿಯೊಟ್ಟಿಗೆ ಸೇರ್ದ್ ಆಚರಣೆ ಮಲ್ತೆರ್. ಈ ಪೊರ್ತುಡು ಶ್ರೀ ನಿರ್ಮಾಲನಂದ ಸ್ವಾಮೀಜಿ, ಶ್ರೀ ಒಡಿಯೂರು ಸ್ವಾಮೀಜಿ ಬೊಕ್ಕ ಸುಮಾರ್ ಪ್ರಮುಖೆರ್ ಪ್ರತಿಮೆಗ್ ಪುಷ್ಪರ್ಚಾನೆ ಮಲ್ತೆರ್.

ಈ ಪೊರ್ತುಡು ತುಳುನಾಡು ರಕ್ಷಣಾ ವೇದಿಕೆದ ಅಧ್ಯಕ್ಷೆರ್ ಯೋಗೀಶ್‌ ಶೆಟ್ಟಿ ಜಪ್ಪು, ಜ್ಯೋತಿಕ ಜೈನ್, ಪ್ರಶಾಂತ್ ಭಟ್ ಕಡಬ, ಆಶಾ ಶೆಟ್ಟಿ ಅತ್ತಾವರ, ಕ್ಲಿಟಸ್ ಲೋಬೊ, ಯಶು ಪಕ್ಕಳ ತಲಪಾಡಿ ಫಾರೂಕ್ ಗೋಲ್ಡನ್, ಪ್ಯಾರಿ ಡಿ ಸೋಜಾ, ಶಾರದಾ ಶೆಟ್ಟಿ, ವೀಣಾ, ಸ್ಮಿತಾ ರೈ, ಮೋಹನ್ ಶೆಟ್ಟಿ ಪಾವೂರು, ಶಾನ್ ಡಿ ಸೋಜಾ, ಗೈಟನ್ ಡಿ, ಸೋಜಾಗಂಗಾಧರ್ ಅತ್ತಾವರ, ಬೊಕ್ಕ ಕೆದಂಬಾಡಿ ರಾಮಯ್ಯ ಉಸ್ತುವಾರಿ ಸಮಿತಿದ ಪ್ರಮುಖ ಅಧ್ಯಕ್ಷೆರ್ ಎಂ. ಬಿ. ಕಿರಣ್‌ ಬುಡ್ಲೆಗುತ್ತು, ಉಪಾಧ್ಯಕ್ಷೆರ್ ಪಿ. ಎಚ್‌. ಆನಂದ್‌ ನೆರಿಯ, ಪ್ರಧಾನ ಕಾರ್ಯದರ್ಶಿ ರಕ್ಷಿತ್‌ ಪುತ್ತಿಲ, ಪ್ರಧಾನ ಸಂಚಾಲಕೆರ್ ಭಾಸ್ಕರ್‌ ದೇವಸ್ಯ, ಕೋಶಾಧಿಕಾರಿ ಶಿವರಾಮಗೌಡ ನಿನ್ನಿಕಲ್‌, ಬೊಕ್ಕ ಸಂಘಟನಾ ಕಾರ್ಯದರ್ಶಿ ಅಕ್ಷಯ್‌ ಕುರುಂಜಿ ಇತ್ತೆರ್.