Tulu News

” Namma Tuluver Pune” ” Santoor Amma 2023″ Beauty Contest winners prize distribution program “ನಮ ತುಳುವೆರ್ ಪುಣೆ” ದ ಮುತಾಲಿಕೆಡ್ “ಸಂತೂರ್ ಅಮ್ಮ 2023 ” ಸೌಂದರ್ಯ ಪಂತೊಡು ಗೆಂದಿನಕ್ಲೆಗ್ ಇನಾಮು ಕೊರ್ಪಿನ ಲೇಸ್

ಪುಣೆ: ನಟೆ, ಉದ್ಯಮಿ ಸೂರ್ಯ ಪೂಜಾರಿ ಕಾರ್ಲ ಮೆರೆನ ಸಾರಥ್ಯಡ್ “ನಮ ತುಳುವೆರ್” ಸಂಘಟನೆದ ಫೇಸ್ಬುಕ್ ಪೇಜ್ ಡ್ ಪೊಂಜೋವುಲೆಗಾದ್ “ಸಂತೂರ್ ಅಮ್ಮ” ಫೋಟೋ ಸೌಂದರ್ಯ ಪಂತೊನ್ ಆಯೋಜನೆ ಮಲ್ತ್ ದ್ ಇತ್ತೆರ್.

ಈ ಪಂತೊಡು 58 ಪೊಂಜೋವ್ ಲು ತನ್ನ ಜೋಕುಲೆನೊಟ್ಟಿಗೆ ಪಾಲ್ ಪಡೆದಿತ್ತೆರ್. ಅಕೇರಿದ ಪಂತೊಡು ಮೂಜಿ ಜನ “ಸಂತೂರ್ ಅಮ್ಮ 2023” ಸ್ಪರ್ಧಾಲುಲೆನ್ ಆಯ್ಕೆ ಮಲ್ತ್ ದ್ ನಮ ತುಳುವೆರ್ ಸಂಘಟನೆದ ಸಂಸ್ಥಾಪಕೆರ್ ಸೂರ್ಯ ಪೂಜಾರಿ ಮೆರೆನ ಮುತಾಲಿಕೆದ ಆನ್ಲೈನ್ ಲೇಸ್ ಡ್ ಕುಡ್ಲದ ಟಿವಿ ನಿರೂಪಕಿ ಪ್ರಿಯಾ ಹರೀಶ್ ಶೆಟ್ಟಿ ಗೆಂದಿನಕ್ಲೆನ ಪೊಲಬುನ್ ಓದಿಯೆರ್.

ಏಪ್ರಿಲ್ 2 ಐತಾರ ಪುಣೆದ ಹೋಟೆಲ್ ವಿಶ್ವಾಸ್ ಸಭಾಂಗಣಡ್ ಇನಾಮು ಕೊರ್ಪಿನ ಲೇಸ್ ಭಾರೀ ಗೌಜಿಡ್ ನಡತ್ಂಡ್. ಪುಣೆ ಬಿಲ್ಲವ ಸಮಾಜ ಸೇವಾ ಸಂಘದ ಅಧ್ಯಕ್ಷೆರ್ ವಿಶ್ವನಾಥ್ ಪೂಜಾರಿ ಕಡ್ತಲ ಮೆರೆನ ಇಸೇಸ ಉಪಸ್ಥಿತಿದೊಟ್ಟಿಗೆ ಸೂರ್ಯ ಪೂಜಾರಿ ಕಾರ್ಲ ಮೆರೆನ ಮುತಾಲಿಕೆಡ್ ನಡತಿನ ಈ ಲೇಸ್ ದ ಚಾವಡಿಡ್ ಅಜಿತ್ ಶೆಟ್ಟಿ, ಸುಜಿತ್ ಶೆಟ್ಟಿ, ವೀಕ್ಷಿತಾ ಶೆಟ್ಟಿ, ಪಿತಾಂಬರ್ ಪೂಜಾರಿ, ಬಿಲ್ಲವ ಸಂಘದ ಮಹಿಳಾ ವಿಭಾಗದ ಕಾರ್ಯಾಧ್ಯಕ್ಷೆರ್ ಉಮಾ ಪೂಜಾರಿ, ಪುಣೆ ಬಿಲ್ಲವ ಸಮಾಜ ಸೇವಾ ಸಂಘ ಕಟ್ಟಡ ಸಮಿತಿದ ಅಧ್ಯಕ್ಷೆರ್ ಸಂದೇಶ್ ಪೂಜಾರಿ, ವನಿತಾ ಪೂಜಾರಿ ಇತ್ತೆರ್.

ಲೇಸ್ ದ ಯಶಸ್ಸಿಗಾದ್ ಆನ್ಲೈನ್ ನಿರೂಪಕಿ ಮಮತಾ ಅಂಚನ್ ಸೇರಿನಂಚೆನೆ, ಸುದೀಪ್ ಪೂಜಾರಿ, ಶಂಕರ್ ಪೂಜಾರಿ, ಪ್ರಕಾಶ್ ಪೂಜಾರಿ, ಭಾಸ್ಕರ್ ಪೂಜಾರಿ, ಅಂಕಿತ್ ಪೂಜಾರಿ, ಬಿಲ್ಲವ ಯುವ ವಿಭಾಗದ ಮಹಿಳಾ ಕಾರ್ಯಾಧ್ಯಕ್ಷೆರ್, ತೃಪ್ತಿ ಯುವ ವಿಭಾಗದ ಕಾರ್ಯಾಧ್ಯಕ್ಷೆರ್, ಗಿರೀಶ್ ಪೂಜಾರಿ ನಮನ ಫ್ರೆಂಡ್ಸ್ ಬೊಂಬೈದ ಸಂಸ್ಥಾಪಕೆರ್ ಪ್ರಭಾಕರ ಬೆಳುವಾಯಿ ಬೆಂದ್ ದೆರ್.

ಈ ಪಂತೊದ ಸುರುತ್ತ ಇನಾಮುನ್ ಸಂಗೀತ ಶಂಕರ್ ಪೂಜಾರಿ, ರಡ್ಡನೇ ಇನಾಮುನ್ ಗೀತಾ ದಿನೇಶ್ ಪೂಜಾರಿ ಬೊಕ್ಕ ಮೂಜಿನೇ ಇನಾಮುನ್ ಸೌಮ್ಯ ಸಂತೋಷ್ ಶೆಟ್ಟಿ ಮೊಕ್ಲೆಗ್ “ಸಂತೂರ್ ಅಮ್ಮ” ಪಂತೊದ ಪ್ರಶಸ್ತಿ ಪತ್ರ, ಸ್ಮರಣಿಕೆ, ಕಿರೀಟನ್ ಕೊರಿಯೆರ್.

ಈ ಪೊರ್ತುಡು ವಿಶ್ವನಾಥ್ ಕಡ್ತಲ ಪಾತೆರ್ದ್, “ಸಂತೂರ್ ಅಮ್ಮ” ಉಂದು ಪೊಂಜೋವ್ಲೆಗಾದ್ ಒಂಜಿ ಎಡ್ಡೆ ಪಂತೊಡು ಪಾಲ್ ಪಡೆಯೆರೆ ಅವಕಾಶ ಕೊರ್ನ ಸೂರ್ಯ ಪೂಜಾರಿ ಮೇರ್ ಆನ್ಲೈನ್ ಮುಖೇನ ಇತ್ತೆನೇ ಸುಮಾರ್ ಪಂತೊಲೆನ್ ಆಯೋಜನೆ ಮಲ್ದೆರ್. ಬೊಕ್ಕ ತಾನ್ ಸಮಾಜ ಸೇವೆಡ್ ಮಲ್ತೊಂದು ಉಲ್ಲೆರ್. ಮೇರ್ ನನಾತ್ ದುಂಬಗ್ ಕಷ್ಟಡ್ ಇತ್ತಿನಕ್ಲೆಗ್ ಸಕಾಯ ಮಲ್ಪಡ್ ಪಂದ್ ಎಡ್ಡೆಪ್ಪು ಬಯಕಿಯೆರ್.

“ಸಂತೂರ್ ಅಮ್ಮ” ಪ್ರಶಸ್ತಿ ಗೆಂದಿನ ಗೀತಾ ಪೂಜಾರಿ ಬೊಕ್ಕ ಸೌಮ್ಯ ಶೆಟ್ಟಿ ಮೊಕುಲು ತನ್ನ ಪಂತೊದ ಅನುಭವ ಬೊಕ್ಕ ಸಂತೋಷನ್ ತೆರಿಪಾಯೆರ್. ಆನ್ಲೈನ್ ಲೇಸ್ ಡ್ ನಿರೂಪಕಿ ಆಯಿನ ಮಮತಾ ಅಂಚನ್ ತನ್ನ ಮೆಚ್ಚಿಗೆದ ನುಡಿದೊಟ್ಟಿಗೆ ಪೊಂಜೋವ್ ನಕ್ಲೆಗ್ ತನ್ನ ಸೌಂದರ್ಯದೊಟ್ಟಿಗೆ ಅರೋಗ್ಯವಂತೆರಾದಿಪ್ಪುನೇ ಅತೆ ಮುಖ್ಯ ಪಂದ್ ಪಂಡೆರ್. ಅತ್ತಂದೆ ನಮ ದಿನಟ್ ಒಂಜಿ ಗಂಟೆ ಆಂಡಲ ವ್ಯಾಯಾಮ, ಯೋಗದಂಚಿನ ಚಟುವಟಿಕೆಲೆಗ್ ಸಮಯ ಕೊರೊಡು. “ಸಂತೂರ್ ಅಮ್ಮ” ಪೊಂಜೋವ್ ನಕುಲು ಪೊರ್ಲು ತೋಜರೆ ಮಾತ್ರ ಅತ್ತಂದೆ ಅರೋಗ್ಯವಂತೆರಾದ್ ತೋಜುನಲ ಆತೆ ಪ್ರಾಮುಖ್ಯತೆನ್ ಪಡೆಪುಂಡು ಪಂದ್ ಪಂಡೆರ್.

ಪಂತೊದ ಆಯೋಜಕೆರ್ ಸೂರ್ಯ ಪೂಜಾರಿ ಕಾರ್ಲ ಪಾತೆರ್ದ್, ನಮ ಪಂತೊ ಆಯೋಜನೆ ಮಲ್ತಿನ ಉದ್ದೇಶ ತೆರೆಮರೆತ್ತ ಪ್ರತಿಭೆಲೆಗ್ ಅವಕಾಶ ಬೊಕ್ಕ ವೇದಿಕೆ ಕಲ್ಪಿಸಾದ್ ಕೊರ್ದು, ಅಕ್ಲೆನ ಪ್ರತಿಭೆನ್ ಪಿದಯಿ ಕನಪುನೆನೇ ನಮ್ಮ ಪಂತೊದ ಉದ್ದೇಶ ಪಂದ್ ಪಂಡೆರ್. ಅತ್ತಂದೆ ಮುಲ್ಪ ಸೋಲ್ ಗೆಂದುನೆರ್ದ್ ಪಾಲ್ ಪಡೆಪುನೆನೇ ಮುಖ್ಯ. ಗೆಂದಿನಕ್ಲೆಗ್ ಸ್ಪರ್ಧಾಲುಲೆಗ್ ಬೊಕ್ಕ ಸಹಕಾರ ಕೊರ್ನ ಮತೆರೆಗ್ಲಾ ಸೊಲ್ಮೆ ಸಂದಾಯೆರ್. ವನಿತಾ ಪೂಜಾರಿ ಸಭಾ ಲೇಸ್ ದ ಸುಧಾರಿಕೆ ಮಲ್ತೆರ್.

” Namma Tuluver Pune” ” Santoor Amma 2023″ Beauty Contest winners prize distribution program

Pune: Actor and enterpreneur Surya Poojary Karla took lead to organise a compitition in the FB page of ” Namma Tuluver” organization titled ” Santoor Amma 2023″ photo contest.

In this contest 58 mother daughter duo sent in their photos and in the last round three were selected and in an online virtual program TV anchor Priya Harish Shetty announced the winners.

A program was organised on April 2nd to give away the prizes .The first prize was bagged by Sangeeta Shankar Poojary, Geeta Dinesh Poojary got the second prize and Sowmya Santosh Shetty got the third place.

The program was graced by president of Billawa Seva Samaj president Vishwanath Poojary, Surya Poojary Karla, Ajit Shetty, Pitamber Poojary and many others.

ಪೊಸ ಸರ್ಕಾರ ಬತ್ತಿ ಕೂಡ್ಲೆ ತುಳು ಅಧಿಕೃತಗ್ ಒಂಜಿ ತಿಂಗೊಲ್ ಗಡುವು: ಡಾ.ಎಂ ಮೋಹನ್ ಆಳ್ವ

ಬೆದ್ರ: ಅಖಿಲ ಭಾರತ ತುಳು ಒಕ್ಕೂಟ(ರಿ.) ಬೊಕ್ಕ ತುಳುಕೂಟ ಬೆದ್ರ(ರಿ.) ನೆತ್ತ ಒಟ್ಟುಸೇರಿಗೆಡ್ ತುಳು ಮಹಾಕೂಟ ಎ.8 ಕ್ಕ್ ಸನಿಯಾರ ಬೊಲ್ಪುಗು 10 ಗಂಟೆಗ್ ಬೆದ್ರದ ಸ್ಕೌಟ್ಸ್ ಬೊಕ್ಕ ಗೈಡ್ಸ್ ಕನ್ನಡ ಭವನಡ್ ನಡತ್ಂಡ್.

ಈ ಲೇಸ್ ದ ಗುರ್ಕಾರ್ಮೆನ್ ಒಯಿಸೊನ್ನ ಆಳ್ವಾಸ್ ಎಜುಕೇಶನ್ ಟ್ರಸ್ಟ್ ದ ಚೇರ್ಮನ್ ಡಾ.ಎಂ ಮೋಹನ್ ಆಳ್ವ ತುಡರ್ ಅರ್ಲಾದ್ ಉದಿಪನ ಮಲ್ತ್ ದ್ ಪಾತೆರ್ದ್, ತುಳು ಸಾಂಸ್ಕೃತಿ ಬೊಕ್ಕ ಸಾಹಿತ್ಯನ್ ನಮ ಬುಲೆಪಾವೊಡು ಬೊಕ್ಕ ಒರಿಪಾವೊಡು. ತುಳು ಭಾಷೆಡ್ ಸರಿಸುಮಾರ್ 115 ರ್ದ್ ಎಚ್ಚ ಚಲನಚಿತ್ರ ಉಂಡು. ತುಳು ಪತ್ರಿಕೆಲು ಉಂಡು. ದೃಶ್ಯ ಮಾಧ್ಯಮ ಬೊಕ್ಕ ರೇಡಿಯೋಲೆಡ್ ಸುಮಾರ್ ತುಳು ಲೇಸ್ ಪ್ರಸಾರ ಆವೊಂದುಂಡು. ಉಂದೆನ್ ಮೆಚ್ಚೊಡಾಯಿನವು. ತುಳು ಭಾಷೆನ್ ರಾಜ್ಯದ ಅಧಿಕೃತ ಭಾಷೆಯಾದ್ ಮಲ್ಪರೆ ನಮ ಬದ್ದೆರಾವೊಡು. ಇತ್ತೆನೇ ರಾಜ್ಯ ಸರ್ಕಾರದ ಬೇಡಿಕೆದಂಚೆನೆ 15 ದಿನತ್ತ ಉಲಯಿ ತುಳುಕ್ಕ್ ಸಂಬಂಧ ಪಟ್ಟಿನ ಸಂಪೂರ್ಣ ವರದಿನ್ ಮಾತ ತುಳುವೆರೆನ ಸಹಕಾರದೊಟ್ಟಿಗೆ ರಾಜ್ಯ ಸರ್ಕಾರಗ್ ಕೊರ್ತುಂಡು. ಕಾನೂನು ಘಟಕ ಬೊಕ್ಕ ರಾಜ್ಯ ಸರ್ಕಾರ ಈ ಬಗೆಟ್ ಇತ್ತೆನೇ ಕ್ರಮ ದೆತೊನೊಡಿತ್ತ್ಂಡ್. ಆಂಡ ಅವು ಒವ್ವೇ ಕ್ರಮ ದೆತೊನಂದಿನ ಕಾರಣ ವೋಟು ಕರಿನ ಬೊಕ್ಕ ಒವ್ವೇ ಸರಕಾರ ಬತ್ತ್ಂಡಲ ಎಂಕುಲು ಒಂಜಿ ತಿಂಗೊಲ್ದ ಗಡು ದೀಪ. ನಮ ಬಿನ್ನಾಪು ಬೊಕ್ಕ ಪೊರ್ಂಬಾಟ ರಡ್ಡೆಕ್ಲಾ ತಯಾರ್ ಆವೊಡು ಪಂದ್ ಪಂಡೆರ್.

ಬೊಕ್ಕ ಒಕ್ಕೂಟದ ಅಧ್ಯಕ್ಷೆರ್ ಎ.ಸಿ ಭಂಡಾರಿ ಪಾತೆರ್ದ್, ಇನಿ ಕೇವಲ 36 ದಾತ್ ಇಪ್ಪುನ ತುಳು ಕೂಟದ ಸಂಖ್ಯೆ ನೂದೆಕ್ಕ್ ಏರೊಡು. ಆತಾನಗ ತುಳುಕ್ಕ್ ಅಧಿಕೃತ ಮಾನ್ಯತೆ ತಿಕ್ಕುಂಡು. ಅತ್ತಂದೆ ನಮ್ಮ ಪೊರ್ಂಬಾಟಗ್ ನ್ಯಾಯ ಒದಗ್ ದ್ ಬರ್ಪುಂಡು ಪಂದ್ ಪಂಡೆರ್.

ಈ ಪೊರ್ತುಡು ದುಂಬುದ ನಿಕಟಪೂರ್ವ ಅಧ್ಯಕ್ಷೆರ್ ಧರ್ಮಪಾಲ್ ಯು ದೇವಾಡಿಗ ಬೊಂಬೈ, ಶ್ರೀನಿವಾಸ್ ಮಂಕುಡೆ ಮಿಜಾರ್, ಬಿ ಎಂ ಹರೀಶ್ ಬೋಳೂರು, ಅಖಿಲ ಭಾರತ ಒಕ್ಕೂಟ ಕಾರ್ಯಕಾರಿ ಸಮಿತಿದ ಗೌರವಾಧ್ಯಕ್ಷೆರ್ ಶಶಿಧರ್ ಬಿ ಶೆಟ್ಟಿ ಬರೋಡಾ, ಅಧ್ಯಕ್ಷೆರ್ ಎಸಿ ಭಂಡಾರಿ, ಪ್ರಧಾನ ಕಾರ್ಯದರ್ಶಿ ಮುಲ್ಕಿ ಕರುಣಾಕರ್ ಶೆಟ್ಟಿ, ಬೆದ್ರದ ಕೋಶಾಧಿಕಾರಿ ಎಂ ಚಂದ್ರಹಾಸ್ ದೇವಾಡಿಗ, ಬಿ ಜಯಕರ ಶೆಟ್ಟಿ ಇಂದ್ರಾಳಿ, ದಾಮೋದರ್ ನಿಸರ್ಗ, ಜಯಲಕ್ಷ್ಮಿ ಬಿ ಶೆಟ್ಟಿ, ಉಪಾಧ್ಯಕ್ಷೆರ್ ತಾರಾನಾಥ್ ಶೆಟ್ಟಿ ಬೋಳಾರ್, ಪಿ ಎ ಪೂಜಾರಿ, ಜತೆ ಕಾರ್ಯದರ್ಶಿ ಹರೀಶ್ ನೀರ್ ಮಾರ್ಗ, ಕದ್ರಿ ನವನೀತ್ ಶೆಟ್ಟಿ, ಸಂಘಟನಾ ಕಾರ್ಯದರ್ಶಿ ಡಿ. ರಾಜೇಶ್ ಆಳ್ವ, ಶ್ರೀಪತಿ ಭಟ್ ಬೊಕ್ಕ ಯೋಗೇಶ್ ಕೈರೋಡಿ ಎಚ್ ಧನಕೀರ್ತಿ ಬಲಿಪ ಬೊಕ್ಕ ಅಖಿಲ ಭಾರತ ತುಳುಕೂಟ ನೆತ್ತ 36 ಘಟಕದ ಅಧ್ಯಕ್ಷೆರ್, ಒಕ್ಕೂಟದ ಪ್ರತಿನಿಧಿಲು, ತುಳು ಸಂಘಟನೆದ ಅಧ್ಯಕ್ಷೆರ್ ಬೊಕ್ಕ ಸದಸ್ಯೆರ್ ಇತ್ತೆರ್.

ಎಲ್ಲೆ ಬಿಸಿಸಿಐ ಕೌನ್ಸಿಲ್ ಸಭೆ

BCCI ದ ಅಪೆಕ್ಸ್ ಕೌನ್ಸಿಲ್ ಸಭೆ ಐತಾರ ನಡಪರೆ ಉಂಡು.

ಭಾರತಡ್ ನಡಪರೆ ಇಪ್ಪುನ ದ್ವಿಪಕ್ಷೀಯ ಕ್ರಿಕೆಟ್‌ ಸರಣಿಲೆನ ಮಾಧ್ಯಮ ಪ್ರಸಾರ ಹಕ್ಕು ಬೊಕ್ಕ ಭಾರತ ಮಹಿಳಾ ಕ್ರಿಕೆಟ್ ಕೂಟದ ಮುಖ್ಯ ಕೋಚ್ ನೇಮಕ ಮಲ್ಪುನ ಬಗೆಟ್ ಚರ್ಚೆ ನಡಪರೆ ಉಂಡು. ದುಂಬುದ ವರ್ಷ ಮಾಧ್ಯಮ ಪ್ರಸಾರದ ಹಕ್ಕುಲು 48390 ಕೋಟಿಗ್ ಮಾರಾಟ ಆಪುಂಡು. ಈ ಸರ್ತಿ ಎಚ್ಚ ನಿರೀಕ್ಷೆನ್ ದೀವೊಂದುಂಡು. ಮಹಿಳಾ ಕ್ರಿಕೆಟ್ ಕೂಟ ಇಂಚಿಪ್ಪ ಟಿ20 ವಿಶ್ವಕಪ್ ಟೂರ್ನಿಡ್ ಗೊಬ್ಬುದುಂಡು. ಈ ಬಗೆಟ್ಲಾ ಚರ್ಚೆ ಮಲ್ಪೆರೆ ಆಪುಂಡು.

ಬಾಲಿವುಡ್ ನಟಿ ಶ್ರೀದೇವಿನ ಕಂಡನಿಗ್ ಸೇರಿನ ಕಾರ್ ಡ್ 66 ಕೆಜಿ ಬೊಳ್ಳಿ ಪತ್ತೆ

ಬಾಲಿವುಡ್ ದ ದಿವಂಗತ ನಟಿ ಶ್ರೀ ದೇವಿನ ಕಂಡನಿ ಬೋನಿ ಕಪೂರ್ ಕುಟುಂಬಗ್ ಸೇರಿನ ಕಾರ್ ಡ್ ಕಲ್ವ ತಾದಿಡ್ ಕೊನೊಂದು ಇತ್ತಿನ 66 ಕೆಜಿ ಬೊಳ್ಳಿದ ಸೊತ್ತುಲು ಪತ್ತೆ ಆತ್ಂಡ್.

ಈ ಸೊತ್ತುಲೆನ್ ದಾವಣಗೆರೆತ್ತ ಹೆಬ್ಬಳ ಟೋಲ್ ದ ಕೈತಲ್ ಬಿಎಂಡಬ್ಲ್ಯು ಕಾರ್ ಡ್ ಚುನಾವಣಾಧಿಕಾರಿಲು ಬೊಕ್ಕ ತಹಶಿಲ್ದಾರೆರ್ ವಶಕ್ಕ್ ಪಡೆಯೆರ್. ಆಯಿತ್ತ ಒಟ್ಟು ಬಿಲೆ 39 ಲಕ್ಷ ರೂ. ಆತ್ಂಡ್. ಇತ್ತೆ ಬೊಳ್ಳಿ ಬೊಕ್ಕ ಬಿಎಂಡಬ್ಲ್ಯು ಕಾರ್ ವಶಕ್ಕ್ ಪಡೆದ್ ತನಿಖೆ ನಡತೊಂದು ಉಂಡು.

KEA calls application for 757 vacancies KEA ಡ್ 757 ಬೇಲೆ

ಕರ್ನಾಟಕ ಪರೀಕ್ಷಾ ಪ್ರಾಧಿಕಾರಡ್ ಕಲ್ಯಾಣ ಅಧಿಕಾರಿ, ಫೀಲ್ಡ್ ಇನ್ಸ್ ಪೆಕ್ಟರ್, SDA, ಸೀನಿಯರ್ ಅಸಿಸ್ಟೆಂಟ್ ಆದ್ ಖಾಲಿ ಇಪ್ಪುನ 757 ಬೇಲೆಗ್ ಅರ್ಜಿ ಸಂದಾವೊಲಿ.

ಎ.18-17 ಮುಟ್ಟ ಅರ್ಜಿ ಪಾಡೊಲಿ. ಎ.20 ಕ್ಕ್ ಫೀಸ್ ಕಟ್ಟರೆ ಅಕೇರಿದ ದಿನ. ಸ್ಪರ್ಧಾತ್ಮಕ ಪರೀಕ್ಷೆದ ಮುಖೇನ ಅಭ್ಯರ್ಥಿಲೆನ್ ಆಯ್ಕೆ ಮಲ್ಪುವೆರ್.

Kendra Lokaseva Aayog calls application for 146 vacancies ಕೇಂದ್ರ ಲೋಕಸೇವಾ ಆಯೋಗಡ್ 146 ಬೇಲೆ ಕಾಲಿ ಉಂಡು

ಕೇಂದ್ರ ಲೋಕಸೇವಾ ಆಯೋಗಡ್ ಅಸಿಸ್ಟೆಂಟ್ ಡೈರೆಕ್ಟರ್, ಪಬ್ಲಿಕ್ ಪ್ರಾಸಿಕ್ಯೂಟರ್, ಜೂನಿಯರ್ ಇಂಜಿನಿಯರಿಂಗ್ (ನಿವಿಲ್-ಇಲೆಕ್ಟ್ರಿಕಲ್) ಸೇರಿನಂಚನೆ ಸುಮಾರ್ ಬೇಲೆಗ್ ಅರ್ಜಿ ಸಂದಾವೊಲಿ.

ನೆಟ್ಟ್ 146 ಬೇಲೆ ಖಾಲಿ ಉಂಡು. ನೆಕ್ಕ್ ಅರ್ಜಿ ಪಾಡುನಕುಲು ಇನಿರ್ದ್ ಎ.27 ಮುಟ್ಟ ಪಡೊಲಿ. ಸ್ಪರ್ಧಾತ್ಮಕ ಲಿಖಿತ ಪರೀಕ್ಷೆ ಬೊಕ್ಕ ಸಂದರ್ಶನದ ಮುಖೇನ ಅಭ್ಯರ್ಥಿಲೆನ್ ಆಯ್ಕೆ ಮಲ್ಪೆರೆ ಆಪುಂಡು. ಎಚ್ಚದ ಪೊಲಬುಗಾದ್ ವೆಬ್ ಸೈಟ್: https://upsc.gov.in / ಗ್ ಭೇಟಿ ಕೊರೊಲಿ.

PM Narendra Modi inaugurates the Vande Bharat train at Secunderabad ಸಿಕಂದರಾಬಾದ್ ಡ್ ವಂದೇ ಭಾರತ್ ರೈಲ್ ದ ಉದಿಪನ ಮಲ್ತಿನ ಮೋದಿ

ಪ್ರಧಾನಿ ಮೋದಿ ಸಿಕಿಂದರಾಬಾದ್-ತಿರುಪತಿ ವಂದೇ ಭಾರತ್ ಎಕ್ಸ್‌ಪ್ರೆಸ್‌ ರೈಲ್ ದ ಉದಿಪನ ಮಲ್ತೆರ್.

ಬೊಕ್ಕ ಸಿಕಂದರಾಬಾದ್ ರೈಲ್ ನಿಲ್ದಾಣದ 720 ಕೋಟಿ ಕರ್ಚಿದ ಅಭಿವೃದ್ಧಿ ಕಾಮಗಾರಿಗ್ ಕೆಸರ್ ಕಲ್ಲ್ ಪಾಡಿಯೆರ್. ಅವೆರ್ದ್ ಬೊಕ್ಕ ಸುಮಾರ್ ಕಲ್ಪಾರ್ಥಿಲೆನೊಟ್ಟಿಗೆ ಸಂವಾದ ನಡಪಾಯೆರೆ. ನನ ಎಲ್ಲೆರ್ದ್ ವಂದೇ ಭಾರತ್ ರೈಲ್ ಪ್ರಯಾಣಿಕೆರೆಗ್ ತಿಕುಂಡು. ತಿರುಪತಿರ್ದ್ ಮಧ್ಯಾಹ್ನ 3.15 ಕ್ಕ್ ಪಿದಾಡ್ ದ್ ನೆಲ್ಲೂರ್, ರಾತ್ರೆ 11.45 ಕ್ಕ್ ಸಿಕಂದರಾಬಾದ್ ಗ್ ಎತ್ತುಂಡು.

PM Narendra Modi inaugurates the Vande Bharat train at Secunderabad

The Secunderabad Tirupati Vande Bharat express was inaugurated by the PM who AA ldo laid foundation for development works of 720 crores at the Secunderabad railway station.

Puttur Mayi de Devus Church celebrates Good Friday ಪುತ್ತೂರ್ ಮಾಯಿ ದೆ ದೇವುಸ್ ಚರ್ಚ್ ಡ್ ಗುಡ್ ಫ್ರೈಡೇ ದಿನ ಆಚರಣೆ

ಇಡೀ ಜಗತ್ತ್ ಡ್ ಏಪ್ರಿಲ್ 7 ಶುಭ ಸುಕ್ರಾರ ಕ್ರೈಸ್ತ ಭಕ್ತಾದಿಲೆಗ್ ಒಂಜಿ ಪವಿತ್ರ ಬೊಕ್ಕ ಮಹತ್ವದ ದಿನ. ಅತ್ತಂದೆ ಏಸು ಕ್ರಿಸ್ತೆರೇ ಮನುಷ್ಯ ಕುಲತ್ತ ಪಾಪ ಕಲೆವರೆ ತಾನೇ ಶಿಲುಬೆಗ್ ಏರಿನ ದಿನ.

ಈ ದಿನ ಪುತ್ತೂರ್ ಮಾಯಿ ದೆ ದೇವುಸ್ ಚರ್ಚ್ ಡ್ ಯೇಸುನ ಕಷ್ಟ ಮರಣದ ಕಥಾಪ್ರಸಂಗನ್ ವಂದನೀಯ ಲಾರೆನ್ಸ್ ಮಸ್ಕರೇನ್ಹಸ್, ವಂದನೀಯ ಸ್ಟ್ಯಾನಿ ಪಿಂಟೋ, ವಂದನೀಯ ಅಶೋಕ್ ರಾಯನ್ ಕ್ರಾಸ್ತಾ ಮೇರ್ ಓದಿಯೆರ್.

ವಂದನೀಯ ಕೆವಿನ್ ಲಾರೆನ್ಸ್ ಡಿಸೋಜಾ ಮೇರ್ ಪ್ರವಚನಡ್, ಶಿಲುಬೆರ್ದೆ ಜಯ, ಶಿಲುಬೆನೇ ಜಯದ ಸಾಧನ, ಶಿಲುಬೆರ್ದೆ ಮನುಕುಲಗ್ ಆಶೀರ್ವಾದ, ಕ್ರಿಸ್ತ ಪೂರ್ವಡ್ ಅಪರಾಧಿಲೆಗ್ ಶಿಲುಬೆದ ಮರಣನ್ ಶಿಕ್ಷೆಯಾದ್ ಕೊರೊಂದು ಇತ್ತೆರ್. ಅವೆರ್ದ್ ನಿರಪರಾಧಿ ಯೇಸು ಶಿಲುಬೆದ ಮರಣದ ಮುಖೇನ ಮಾನವ ಸಂಕುಲಗ್ ಮುಕ್ತಿನ್ ಕೊರಿಯೆರೆ ಪಂದ್ ಸಂದೇಶ ಕೊರಿಯೆರ್.

ಬೊಕ್ಕ ಇಡೀ ಜಗತ್ತ್ ಡ್ ಕ್ಯಾಥೋಲಿಕ್ ಸಮುದಾಯನ್ ನಡಪಾವುನ ಪೋಪ್ ಫ್ರಾನ್ಸಿಸ್, ದೇಶನ್ ನಡಪಾವುನ ರಾಜಕಾರಣಿಲು, ಧಾರ್ಮಿಕ ಮುಖಂಡೆರೆನ ಎಡ್ಡೆಪ್ಪುಗಾದ್ , ಇಡೀ ಮನುಜ ಕುಲಕ್ಕ್ ಎಡ್ಡೆ ಆವಡ್, ಎಡ್ಡೆನೇ ಮಲ್ಪರೆ ಆ ದೇವೆರ್ ಆಶೀರ್ವಾದ ಮಲ್ಪಡ್ ಪಂದ್ ಇಸೇಸ ಪ್ರಾರ್ತನೆ ಸಂದಾಯೆರ್. ಬೊಕ್ಕ ಮಾತ ಭಕ್ತಾದಿಲೆಗ್ ಶಿಲುಬೆನ್ ಮುಟ್ಟುದು ನಮಸ್ಕಾರ ಮಲ್ಪೆರೆ ಅವಕಾಶ ಮಲ್ತ್ ದ್ ಕೊರಿಯೆರ್. ಈ ಪೊರ್ತುಡು ಒಟ್ಟಾಯಿನ ಕಾಣಿಕೆದ ಪನವುನು ರೋಗಿಲೆಗ್ ಬೊಕ್ಕ ಬಡಪತ್ತ್ ದ ಜನಕುಲೆಗ್ ಪಟ್ಟಿಯೆರ್.

ಬೊಕ್ಕ ಧಾರ್ಮಿಕ ವಿಧಿವಿಧಾನಲೆಡ್ ಪಾಲ್ ಪಡೆಯಿನ ಭಕ್ತಾದಿಲು ಯೇಸುನ ಪಾರ್ಥಿವ ಶರೀರ ಇಪ್ಪುನ ತೊಟ್ಟಿಲ್ ಬೊಕ್ಕ ದುಃಖ ತಪ್ತ ಮೇರಿ ಮಾತೆನ ವಿಗ್ರಹನ್ ಚರ್ಚ್ ದ ವಠಾರರ್ದ್ ಕೋರ್ಟ್ ಮಾರ್ಗದ ಮುಖೇನ ಮಹಮ್ಮಾಯಿ ದೇವಲ್ಯದ ಮಾರ್ಗವಾದ್ ಚರ್ಚ್ ವಠಾರಗ್ ಕನತೆರ್. ಬೊಕ್ಕ ಭಕ್ತಾದಿಲೆಗ್ ತೂಯೆರೆ ಅನುವು ಮಲ್ತ್ ದ್ ಕೊರ್ದು, ತೊಟ್ಟಿಲ್ ಗ್ ಪಾಡಿನ ಪೂನ್ ಪ್ರತಿಯೊರಿ ಕ್ರೈಸ್ತ ಬಾಂಧವೆರ್ ಇಲ್ಲಗ್ ದೆತೊಂದು ಪೋದು ಯೇಸುಕ್ರಿಸ್ತೆರೆನ ಕೃಪೆಗ್ ಪಾತ್ರರಾಯೆರ್.

ಚರ್ಚ್ ಪಾಲನಾ ಮಂಡಳಿದ ಸದಸ್ಯೆರ್ ಬೊಕ್ಕ ಬೇತೆ ಬೇತೆ ಸಂಘಟನೆದ ಸದಸ್ಯೆರ್ ಮೆರವಣಿಗೆ ಬೊಕ್ಕ ಧಾರ್ಮಿಕ ವಿಧಿವಿಧಾನಲು ಸುಸೂತ್ರವಾದ್ ನಡಪರೆ ಸಹಕಾರ ಮಲ್ತೆರ್.

ಉಂದುವೇ ದಿನ ಬೊಲ್ಪುಗು 7.15 ರ್ದ್ 8.45 ಮುಟ್ಟ ಶಿಲುಬೆ ಮೆರವಣಿಗೆ ಚರ್ಚ್ ವಠಾರಡ್ ನಡತ್ಂಡ್. ಮತ ಕ್ರೈಸ್ತ ಭಕ್ತಾದಿಲು ಯೇಸುನ ಕಷ್ಟ ಸಾದಿನ್ ನೆಂಪು ಮಲ್ತ್ ದ್ ಸೊಲ್ಮೆ ಸಂದಾಯೆರ್.

Puttur Mai de Devos Church celebrates Good Friday

Good Friday was celebrated all over the world on April 7 th by the Catholic community. It is the day when Jesus Christ was crucified.

The day was marked with prayers at the church by the Christian community with collection of funds on the day donated for the medical expenses of the less fortunate.

A procession was taken out with the cross and an idol of mother Mary with the members of the church and other organisations taking part in large numbers.

Heavy rains in the State – 4 persons dead ರಾಜ್ಯಡ್ ಭಾರಿ ಬರ್ಸಗ್ 4 ಜನ ತೀರ್ ಪೋಯೆರ್

ಬೆಂಗ್ಲೂರ್: ರಾಜ್ಯದ ಸುಮಾರ್ ಕಡೆಟ್ ಸುಕ್ರಾರ ತೆಡಿಲ್, ಮೆಂಚ್ ದ ಭಾರಿ ಬರ್ಸ ಬತ್ತ್ ದ್, ನಾಲ್ ಜನ ತೀರ್ ಪೋಯೆರ್.

ಅತ್ತಂದೆ ಪದಿಮೂಜಿ ಕೈಕಂಜಿ ತೀರ್ ಪೊತ್ಂಡು. ಕುರಿ ಮೇಪಾಯೆರೆ ಪೋಯಿನಗ ತೆಡಿಲ್ ಹಾಕ್ ದ್ ಗದಗ ತಾಲೂಕ್ ದ ಲಿಂಗದಾಳ ಗ್ರಾಮದ ಶರಣಪ್ಪ ಪುರದ (19) ಬೊಕ್ಕ ದೇವರಾಜ ಹನುಮಂತಪ್ಪ (19) ತೀರ್ ಪೋಯೆರ್. ಬೊಕೊರಿ ಕುರಿ ಮೇಪಾವುನ ಸುನೀಲ್ ಗ್ ಪೆಟ್ಟಾತ್ಂಡ್.

ಬಾಗಲಕೋಟೆ ಜಿಲ್ಲೆದ ಬಾದಾಮಿ ತಾಲೂಕ್ ದ ಜಾಲಿಹಾಳ ಗ್ರಾಮಡ್ ಗುರುವಾರ ನಡುರಾತ್ರೆ ಬರ್ಸರ್ದ್ ಇಲ್ಲ್ ದ ಚಾವಣಿ ಬುರ್ದು ಯಂಕುಬಾಯಿ ಕುಲಕರ್ಣಿ (79), ಶಾರವ್ವ ಪತ್ತಾರ (58) ತೀರ್ ಪೋಯೆರ್.

Heavy rains in the State — 4 persons dead

Bangalore:There was heavy rains in many places in the state accompanied with thunder and lightning.

Two persons lost lives in Haveri district due to lightning strike and there was damage to livestock. Two persons died in Bagalkot district when the wall of their home caved in because of the rains .

Dharwad: The state government spends 9.49 crore rupees on the program attended by PM Narendra Modi ಧಾರವಾಡಗ್ ಮೋದಿ ಬತ್ತಿನ ಲೇಸ್ ಗ್ 9.49 ಕೋಟಿ ರೂ. ಕರ್ಚಿ

ಪ್ರಧಾನಿ ಮೋದಿ ಐಐಟಿ ಉದಿಪನ ಮಲ್ಪೆರೆ ಧಾರವಾಡಗ್ ಬತ್ತಿನೆಕ್ಕ್ ರಾಜ್ಯ ಸರ್ಕಾರ 9.49 ಕೋಟಿ ರೂ. ಕರ್ಚಿ ಮಲ್ದ್ಂಡ್.

ಈ ಬಗೆಟ್ ಆರ್ ಟಿಐದ ಮುಖೇನ ಪೊಲಬು ಪಡೆತೆರ್. ಎಲ್ಇಡಿ ಪರದೆ, ಸಿಸಿಟಿವಿ, ಸೌಂಡ್ ಸಿಸ್ಟಮ್ ಗ್ 40ಲಕ್ಷ, ಜರ್ಮನ್ ಟೆಂಟ್, ವೇದಿಕೆ, ಪೆಂಡಾಲ್, ಗ್ರೀನ್ ರೂಂ, ಬ್ಯಾರಿಕೇಡ್ ಗಾದ್ 4.68 ಕೋಟಿ ರೂ., ವನಸ್ ಗ್ 86ಲಕ್ಷ, ಪ್ರಚಾರಗ್ 61ಲಕ್ಷ, ಲೇಸ್ ದ ನಿರ್ವಹಣೆಗಾದ್ 8.6 ಲಕ್ಷ ಬೊಕ್ಕ 1500 ಕ್ಕ್ ಎಚ್ಚ ಬಸ್ಸ್ ಲೆಗ್ 2.83 ಕೋಟಿ ರೂ. ಕರ್ಚಿ ಆತ್ಂಡ್.